【少少重甜】《用甜筒打喪屍！！》（完）: 第53回 - 調查

「你講咩呀...」我話。「危險呀，你一個女仔點向前行呀...」 

「我先去前面探索，沒有問題的話我再回來找大家，這樣好嗎？」Angel用日文話。大家對佢講既野無異議。定係，因為無人識佢，所以對佢既死活都唔多關心？ 

「唔得，我同你去，一個人太危險。」我話。 

「..唔怕，再危險我都遇過。」Angel話。點解明明係我心目中好怕醜既女神會變得咁有勇氣？佢明明只係一個只會心入面鬧人，然後打上facebook既怕醜女仔黎喎，唔係咩？ 

當然我呢一刻仲未明白Angel想講咩。 



「那麼，我去了。」Angel話。

詩音走埋黎捉住我，好緊張咁：「不要去...」 

我摸一摸佢個頭：「傻瓜，我要去偵查下有無其它人類，然後一齊渡過難關！你乖乖留低啦。」 

我知詩音呷醋。不過喂，親疏有別呀，Angel同我由小學識到而家，你個日本o靚妹同我識左一星期咋  

我同京香講，叫佢睇實詩音。京香個樣都話到比我知佢有點緊張我：「小心點。」 



「我都去。」好Cool的師姐都話。 

「唔得。」我話。「你好打，留返黎保護其它人。虧佬睇住大家既身體情況，唔好比人病，呢度冷氣凍！」 

「好。 」虧佬話。 

其它人似乎無向前行既意慾，所以我決定同Angel兩個人繼續向前行。