【少少重甜】《用甜筒打喪屍！！》（完）: 第52回 - 水族館
升降機已經落到地面，我同旅館老闆做好戒備，迎戰喪屍！
我屏息以待
門一開，有點令我失望，竟然一隻喪屍都無。
「唔係話喪屍對聲音敏感架咩？」虧佬同我一路急步行一路講。「部升降機有聲架喎。」
「我點知，你問下整T病毒果條友囉
」我話。T病毒，係遊戲生化危極入面對喪屍原體的稱呼。 我地既目的地係墨田水族館，我同虧佬黎過旅遊，所以知道點行，唔洗靠日本仔！
墨田水族館位於晴空塔旁邊，非常精彩，絕對值得一到既族遊景點！有好多香港唔會見到既水生動物，例如水母、帝王企鵝等等。不過黎到呢度令我最深印魚果種動物，唔係吉祥物掘地魚，而係好狡猾既章魚。
不過唔多介紹章魚，因為我都唔識分章魚同墨魚。
我地飛快地行到去無人既售票處，仍然一隻喪屍都無。我抬頭望一望晴空塔頂。
「真係因為電波..？」我心諗。
我懷疑喪屍會怕電波，因為呢個範圍既喪屍真係少得可憐，我開始有點兒同情喪屍咁Seven碌怕電波，同時又恥笑喪屍
。我內心有股信心衝出！因為上一次已經能戰勝喪屍，我覺得..人類能贏！！ 「進去吧。」我同師姐打頭陣。
進入漆黑的水族館範圍，我地行上樓梯，仍然見到運作正常既水族缸同如常遊水既水生生物，但就係無人類。
我地繼續深入黑媽媽既水族館深處。
「我捱不住了！」Marisa見到前路係黑媽媽，開始手騰腳震。
「點呀...」我心諗。「我打頭陣都未驚啦。
」 不過的確，如果喪屍係匿埋係呢d暗位，佢一野衝出黎的話，真係會監生比佢咬忽肉走。到時想唔變喪屍，除非你同d電影主角一樣，有抗體啦。
「那好吧，我們先在這裡休息一下，反正這裡還算安全。」田中話。田中果然講野係最有說服力。
Marisa仲係度喊，Madan話：「謝謝，謝謝！」
「我要向前進。」出聲既女仔..竟然係Angel！！
