【少少重甜】《用甜筒打喪屍！！》（完）: 第45回 - 中路
我望一望比我踢跌呢隻咬勁人既「年老喪屍」，明顯呢隻係行左好遠而黎，腳都就斷，皮膚無乜血色，只有好似燒碳中毒咁既紫色，個口仲有岩岩咬完人既鮮血。
「好味？正唔正？
」我問隻野，不過唔預期佢答。 我左手勁快地一巴煎埋去，將佢塊面一野打埋一邊！因為實在太面目可憎，同埋唔想佢個嘴對住我。然後右手描準佢右邊面，一下由右至左橫批爭砍落去喪屍面骨！骨裂聲由手爭傳到耳仔。
「唔夠鈣質喎。
」我唔比佢有回應既機會，右腳醒多佢兩下側踢！佢只能抱著頭退後，十秒便失手又未至於。 我感到全身血脈沸騰，熱身已經完成！喪屍突然向前衝！雙手想捉住我，然後慢慢咬！又係呢招呢一下我見過，Leon成日比喪屍咁樣整，如果我唔扭冬姑，呢一下扣你3格血。
不過呢...「你既對手唔係Leon，係我！Chris！！」我雙臂一縮，然後由外側鉗實喪屍雙手，二頭肌收縮！一次過將喪屍雙手夾斷。平時有練肌肉，真係唔同D！
當然唔會比佢停，我雙腳輕輕一躍，右腳奮力向上屈膝，極大力撞向喪屍額頭！然後..再來！重覆動作，連續三下撞頭！正常人都腦震蕩吧？
「仲唔訓底？
」我大叫。然後一拳打向佢胸骨！ 人體既弱點大多數集中線，中醫上講叫任督二脈，又或者比較多人知道叫做中路！
胸骨，離心臟距離極近！
嘴唇，一擊中會被牙齒刮到，會立即鮮血直流！
人中，被撞擊後，頭部會向後仰，即刻會暈！
鼻樑，一打斷鼻骨即刻血流不止；
腹部肚臍，是人體中最沒有防禦的「洞」；
下陰，無論係男性或者女性，被打中一樣會痛不欲生！！所以我而家要...
「入你中路！！」我使出直拳！有別於勾拳以及空手道既收弓式直拳，而係以短距離連打既直拳，由胸口直出，至手臂完全伸直前收回，同時另一隻手交替打擊，將省回既0.1秒時間形成連打！！呢一招就係宇宙丹經常用既...
詠春拳！！
