【少少重甜】《用甜筒打喪屍！！》（完）: 第44回 - 擊敗
「Chris！！」京香大叫，原來佢同旅館老闆都比旅館入面隻喪屍趕左出黎！Hi，無啦啦點會有喪屍架！
今次唔出手都唔得！！京香一定要救！！我同京香只用眼神交流，然後從京香身邊擦過，跑到距離喪屍兩米既地方，雙腳屈膝，然後雙腳奮力跳起，然後上身後傾，雙腳向前飛踢！
「拉打--------------Kick!!!!」
我一野將咬人喪屍踢到向後訓底！！但我因為無支撐點，都跌在係地下，膊頭落地。
「呀屌...好撚痛。
」我話。呢招拉打kick其實好on9，下次都係唔好再出。 另一邊廂，師姐已經向住對京香窮追不捨既喪屍出手！呢隻喪屍我會形容為新鮮喪屍，因為外表睇落同正常人無乜分別，只係有個頸部既傷口流緊血，同埋雙眼既瞳孔望住唔同方向，然後發出d常人唔會發出既叫聲。
師姐一下右勾拳打向男喪屍左邊面，然後左直拳一下補刀！！短短一秒兩下利落既動作，一D都唔簡單！因為兩下拳擊都避開左喪屍既嘴巴！一比佢咬到就弊。
「好波！
」我舉起手指公。 「打埋你果隻先講！」師姐大叫。
