【少少重甜】《用甜筒打喪屍！！》（完）: 第46回 - 生還者

「拍拍拍拍！」喪屍好似超人打怪獸既怪獸咁，成個傻仔咁企定定捱拳！幾十下連環打擊，加上本身骨頭已脆弱既身體，喪屍已經胸骨破裂！ 

不過呢一招詠春拳，要求胸肌收縮既負擔極大，尤其快出拳時，胸肌如訓練不足，極易疲倦！所以我已經要出最後一擊！！我左手捉住喪屍條頸，右手向後扯拳，然後一擊打向胸骨！！ 

「One punch man-----------------！！！！」我大叫。爽快！ 

「唔錯呀。」師姐已經ko左佢果邊隻新鮮喪屍。「不如如果你下次可以直擊要害，就唔洗用盡體力先打一隻。」 

「哈。」我苦笑，因為師姐講中左。 



剛比年老喪屍咬既女人，終於要爬起身了！果然，被咬係會變喪屍，係電影都教得識你既事。我同師姐擺好架勢，準備迎擊。 

「刷!....」大量血液由新鮮喪屍頭部噴出！！ 

「你們不一擊把他們斃命的話，只是對他們折磨。」一把熟悉的聲音。原來係旅館老闆！！佢手持既武器係..日本刀！！      

日本刀！！打日本game必有既武器，無論玩真實系人中之龍，還是玩到ff系既monster hunter，日本刀都係好順手既武器！就連魔神西非羅斯都有一把兩米長既katana...日本刀又稱東洋刀或武士刀，依據形狀同長短可以為太刀、打刀、脇差、小太刀、短刀等。 

估唔到我竟然見到實物！！   乜日本唔係對武器管制得好嚴架咩？呢把唔通係...旅館掛住果把古董？ 



「來店面拿一把吧！」老闆話。佢講野充滿霸氣。 

「唔好喇，我最怕刀。   」我話。 

「我都唔要。 」師姐話。

「你們不要刀的話...怎對抗眼前的敵人呢...」 老闆話。 

我留意下條街..原來有十幾人已經變左做喪屍！！另一班人，跑既跑，訓底既訓底，仲有幾個正被咬緊。 



「....走！」我指住出路，亦即係詩音所在既方向！ 

我地拔足狂跑，同時向成條街既生還者大叫：「RUN---!!!」 

跑到出馬路，呢個時候一架車剎停係我面前阻住我！ 

車門一開，一把男人聲傳黎。「Get in ！」 

「田中！」我興奮地大叫。 

「四個人上我的車子，然後其它人上我後面的車子！」田中話。 

旅館老闆，虧佬，京香、詩音上左田中車，然後我、師姐，有兩夫婦，同埋一個男仔上左後一架車。 

生還者...就只有9人。