【少少重甜】《用甜筒打喪屍！！》（完）: 第19回 - 感染

機場無左，飛機班次早就過左時間，手機又無得上網（無買日本卡）。我不知幾想返去機場睇下其實係咪有架飛機會照開？可惜無。 

我望住車外面飛快既風景，都唔知做乜好。 

「詩音。」我終於開口。「我地去邊？」 

詩音驚到震哂。「我的家...我想看媽媽有沒有事。」 

都岩既，無家可歸既兩個香港人仲可以去邊？  



虧佬到而家都無出過聲。睇黎佢有諗法。 

「喂虧佬，」我問。「對於頭先隻喪屍..你有咩睇法？」 

「我唔知。如果要查清楚的話..我要捉一隻研究先得。」虧佬話。 

「捉一隻？咪玩啦...頭先爭d比佢咬Seven我  ！」 

虧佬無出聲。睇黎我地都未定驚。 



平時一定要親切既Uber司機都無乜點出聲。而家佢都出聲了。佢同詩音講左幾句，內容大概係話東京多處都出現暴徒，親眼見到都係第一次。好得人驚。 

好在呢個司機都真係一個男人大丈夫，無驚到淆哂底咁。不過都接近架啦。 

「太可怕了，太可怕了。」司機話。 

benz到左我同虧佬當日同詩音相遇既食店，即係詩音既屋企鋪頭。 

「我先在這裡等你們，沒問題的話我才開走車子。」司機話。呢個司機真係好心地。  



「不要...」詩音開始接近崩潰地叫。 

我即刻扶住詩音：「做咩事？」 

「血...」詩音望住黑媽媽既鋪頭入面。間鋪頭既門內側的確有好多血！喂，唔好同我講美魔女詩音媽媽都變埋喪屍！    我唔想一刀斬左佢個頭！ 

「冷靜點，我同你入去先。」谷精上腦既我，唔知做乜春又充大頭鬼。明明自己都驚到瀨屎。  

淨係由落車行去鋪頭幾步路，我已經腳都震哂，雙手冰冷，但我仍然要安慰住扯我衫尾既詩音，總叫做要頂硬上。 

我用冰冷，又震哂的手推開躺門，真係有血！唔單止，有條死屍添！ 

男人，上班族黎。D血應該係佢既。 

我唔知而家叫唔出聲叫好，因為如果有喪屍，佢就會聽到我把聲然後撲出黎咬勁我。（好似係）。不過我憑咩覺得喪屍會係識聽聲？我都唔向左走向右走知。 



「媽媽！！」詩音已經幫我大叫左出黎。 

真好野！ 有喪屍的話我地兩個一齊上西天！