【少少重甜】《用甜筒打喪屍！！》（完）

任何野，可以有人以為我地係衰屍，然後羅刀一野斬埋黎，又可以係喪屍出黎咬死我地，都可以係兩樣都有，又或者係喪屍狗...總之乜都得啦。我呢一刻既心跳快到每秒就黎跳到十次，就快心臟病發！！

「啊....」

有把女人聲！！係美魔女媽媽把聲？唔好呀！唔好比咁殘酷既現實我呀！！

「啊...」再黎一聲。救命，我唔想再聽到，好向左走向右走恐怖。

「媽媽！！」詩音大叫，然後向住聲音既方向衝去！喂Hi Hi，唔好係我面前死兩個靚女啦好嘛！而家唔係拍緊cult片呀！

我見到有個伏係地下既黑影慢慢爬起身！然後又發出「啊...」咁既聲！！

地下仲有血跡！！

「唔好呀！！！！！」我放聲大叫。對上一次以呢種極度恐慌既聲音大叫既時候係我係中學時代，係鄉下發現我著緊鞋入面有隻蜘蛛既時候。

「拍！」燈制聲。隨後係光到眼都盲埋既光線。有人開左燈！！

「媽媽...」詩音把聲。Hi Hi，我未睇到野！

「啊...，男朋友來了啊？」美魔女媽媽把聲..咦？好正常喎？無變喪屍咩？

我張開眼，見到成身是血的美魔女，一臉倦容。「不好意思呢....因為有客人衝進來亂叫亂咬，所以我就斬他了...」

咁向左走向右走勁？

「媽媽不要說了..」詩音驚到喊哂。睇黎美魔女身上既血應該係條死左既喪屍既！不過難保血液會感染既情況下……

「嗚嗚嗚...

」美魔女都開始喊。「我殺了人...

」

「唔好喊住啦。來，先洗淨身體，然後我地走。」我話。「虧佬，你扶詩音上車先，我帶靚女媽媽去洗乾淨檢查下有無感染先。」

「你自己得唔得？」虧佬話。

「放心，我仲夠力打贏女人。」我話。

我已經做好隨時要殺死美魔女既準備