《當你真係鍾意一個人，你真係只敢loop她的instagram和facebook?》: 第四章（苦）
我一直走著走著，路上的不認識的同學一直以奇怪疑惑的目光望住我，大概是因為我哭得鼻涕淚水癡埋一齊，分不清在臉上的痕跡究竟是淚痕還是鼻涕所留下的。
回到自己的宿舍， 我頹廢的坐在床上。
突然，我房門發出“啪啪”的拍門聲，原來是阿儀。
「你表左白未啊？」阿儀好心急一見到我拉出去近笠門的common room講。
「未……」我沒將件事講比阿儀知。
因為呢一刻我根本無心情再理阿儀，我好想知道阿晴究竟係咪已經有男朋友，可能係好傻？我明明已經見到阿晴同人咀，但我都重會係到諗係咪自己睇得唔清楚，可能燈光問題，可能係角度搞到我誤會，有機會係我睇錯，果個根本係另有其人？
旁邊仍不知情的阿儀不斷講一大輪說話，我一點都聽不進耳。
當她還在說的時候，我突然問左阿儀一句：「如果係懷疑……懷疑姐，阿晴可能有男朋友？你覺得我好唔好問佢？」
「頂，咪講左好耐囉，你有冇聽嘅姐？」阿儀奴氣的說。
「我黎搵就係講你知，我懷疑阿晴呢個女仔唔係咁單純，佢好似周圍收兵，有機會佢當你都係兵黎。」
「叫你唔好再裁個頭入去！」
「咁……你……覺得我應唔應該問？」我根本唔在意佢係點嘅女仔，我在意的是佢有冇男朋友，有冇鍾意過我， 那怕只是曾經對我有過好感都好……呢一切我都好想即刻衝過去阿晴個宿舍問清楚，但同時我又好驚阿晴以後避開我……或者我更驚得到我唔想聽到嘅答案。
「頂你個肺！真係唔撚聽人講野架喎! 」阿儀已經比我激得滿臉通紅的說。
「有冇人有男朋友又想收兵重係額頭刻著我係娘娘！？吹咩？」
「不過你係要死，唔通唔比你死咩？」
「如果你真係認自己係憨尻仔、兵仔、死毒撚，你咪問囉！」
我聽完之後，我立即拿出電話不斷重複打完一句又刪除一句。
「屌你老母，你真係抵你做成世兵仔，死毒撚！」阿儀已經比我激得冇咁好氣。
『阿晴……』
『阿晴……』
『你係咪有男朋友……』
『你係咪有男朋友……』
『你對我有冇好感？』
『你對我有冇好感？』
『其實你有冇鍾意過我？』
『其實你有冇鍾意過我？』
來來回回數十句都被我刪除了，我真係沒勇氣去親自問出真相出來。
我打算出去斟杯水再冷靜一下，不期然的一直渡步。
怎料，宿舍突然笠門打開，一對男女的視線跟我對上。
係阿晴。
我愣了。
那個男仔的左手依在阿晴的纖腰上。
而阿晴見到我都怔了一下，亦跟那個男仔漸遠了一兩步距離，那個男仔都好像感覺到一點不妥，但隨後就跟阿晴說：「你係到等一陣先，我去睇下個common有冇人用？」
話畢，我跟她一直對望住，彼此都沒說過一句話，我隱隱的看得出阿晴的眼神的一剎那由好甜蜜的感覺變到好驚訝，再有一點羞歉、內疚，好似個小朋友做錯野怕被大人責罵一樣。
「阿晴，個common有人用緊，我地落去睇下有冇其他common先，好唔好？」個男仔一句說話突然將我地呢一股低氣壓氛圍打破。
「嗯……」阿晴應道後，跟著那個男仔入番笠走。
果個男仔臨走前一直望住我，疑惑的細細聲問阿晴：「果個邊個黎？」
阿晴欲言又止的發出幾個單音：「佢……」
「…我…」
「…………」
「………我….」
「………………」
之後佢終於細細聲的應道：「普通朋友……」當時呢句嘅聲音其實好細聲，一般人係應該唔會聽得到，但當我聽到個男仔的問題，我一直係到“期待”阿晴的答案，所以好集中精神，冷靜的等著阿晴的回答。
「普通朋友。」這四個字就好似一把一把無情的刀，一下就狠狠地插進我內心最深處。
我人生第一次有那麼的不想聽到有人當我是“普通朋友”，那麼的討厭我只能夠當你的“普通朋友”……
剛剛出來的阿儀見到這一切就上前用手撫著我的背。
「你喊啦，喊出黎會舒服d！？」阿儀不斷安慰我。
我一直站在原地，臉容僵硬的冷笑了起上來。
「你唔好咁啦？！」阿儀用手溫柔掃我的背。
我突然望著阿儀講了一句：「你知唔知我點解會笑？」
「我覺得自己好可笑，你知唔知我岩岩已經係佢宿舍樓下已經見佢地咀？」
「但我一直比藉口說服自己可能係我睇錯，我連問佢嘅勇氣都冇。」
「我覺得好傻，點解我做咁多野，你都只能夠當我係普通朋友？」
我一邊講，眼淚亦忍不住不斷流出來， 我開始忍唔住向著阿儀放聲大哭，將我一切覺得受過的委屈都一次過哭出來。
我不停咁哭，淚水就不斷湧出黎，但只要我一想起阿晴剛才的說話，個心就更痛，我亦控制不了我的眼淚，只有一直等眼淚一滴一滴咁流乾......
阿儀亦一直靜靜的讓我哭，一直靜靜的陪著我。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
大概已經過了一個鐘頭。
我漸漸收起哭聲，眼淚亦慢慢收起。
阿儀叫我等一陣就行左落去，之後好快就拎左一袋野黎。
「喊完就同我飲哂佢，人地話飲完就可以唔記得哂所有唔開心的事。」阿儀拿起一罐藍妹啤酒打開左，遞到我的面前。
「好苦。」我飲左一啖就已經有咁嘅感覺。
「飲啦！飲完就可以唔記得哂d唔開心事。」
我亦一手拿袋啤酒過來就不斷狂飲，一罐接一罐不斷的狂隊。
其實我從來都好討厭飲啤酒，味道咁苦邊好飲？
雖然啤酒味道好苦，但怎及得上愛上你那麼痛苦？