《當你真係鍾意一個人，你真係只敢loop她的instagram和facebook?》: 第三章（酸）

我將所有跟阿晴的互動同經歷一一講比阿儀知。
 
阿儀好驚訝我竟然會咁主動去識女仔，大概係因為以往我一直都只講我鍾意邊個邊個女仔，最多都係狂loop下人地fb 同instagram就冇下文，但唔知點解今次阿晴比我嘅感覺好唔同，直覺話我知佢係我的“真命天女”，我今次要出手！
 
而阿儀的結論就是：「唔使講啦！兩個字。」
「表白！」
 
「好！」
 
我決定要她成為我的女朋友。




 
為了我的初戀，我已經準備了一百隻自己摺好的紙天鵝，買了一盆玫瑰花的盆栽 ，整了一張心意卡，入邊放了我跟她的照片和寫了一段好肉麻的表白，準備到她宿舍下跳出來表白。
 
黑夜下的街燈透著地上人影一雙一雙的，有一個影子逐漸靠近，是她嗎？
 
我好緊張，呼吸不期然的好急促，心臟亦跳動得好快，全身冒汗冒得都濕透了，我明明準備好了一篇好感動的表白，但腦海一切都剎時變得好空白 。
 
唔理啦，到時執生啦！
 
當我準備踏步向前，將我對她抑壓已久的愛意表露無遺之時。




 
她旁邊突然出現了一個人。
 
那個男仔的臉好熟悉，唔知係邊見過？
 
我還在想的時候，那個男仔已經把他的臉靠近她。阿晴微微踮高雙腳將她的櫻桃小嘴貼近他的唇，他們熱情的回應大家的吻。
 
我看到呆左。
 
究竟發生咩事？




 
佢地緊緊的摟著對方，個男仔不停的將頭伸向阿晴到，佢隻手很自然的在阿晴的背遊走，而阿晴亦沒有抗拒，一直靜待，接受著個男仔的熱情。
 
之後我湧起一股衝動，好想衝上前望清楚究竟個女仔係咪阿晴。
 
但......

下一秒的理智話我知如果果個真係阿晴，成件事就冇得再挽回，因為一旦阿晴發現左我，佢可能以後都會避開我，又或者係我根本唔知以後再點樣面對佢......
 
於是我選擇轉個頭，靜悄悄，盡量不動聲色的番回自己的宿舍，我好驚比他們察覺我的存在，那怕是我微細的呼吸聲，我也很怕。
 
縱使我一直控制自己的呼吸和腳步聲細得沒有人聽到也好，我亦控制不住我的眼眶，一滴滴眼淚不斷滑過我的臉上，禁不住發出陣陣的忍泣聲。雖然回到我宿舍的路上只是五分鐘的路程，但我心情的起復好像過了幾天一樣，我的心好像被掏空了一樣。
 
一想起她跟他相擁熱吻，我好心酸。
 




我曾經好希望接受她愛意，回應她熱情的吻的人是我，真係好想，好想。
 
但好想終究好想。
 
它並唔會變成事實。
 
人地話吃不到的葡萄是酸的，可能係真的。