《當你真係鍾意一個人，你真係只敢loop她的instagram和facebook?》: 第五章（辣）（上）

飲完啤酒之後，我的確一覺訓到天光，但我個頭好暈同埋胃好辛苦，當我一望，望到間房的地板一地都係嘔埋物，我先醒起陳晚我同阿儀飲到尾段差唔多冇哂啤酒，阿儀叫我返去好好休息，之後我就一個人腳步浮浮返到房訓覺，一返到房我就攤上左張床，一路訓下一路醒下嘔到成個地板都係。
 
頂，今次有排執手尾！
 
明明阿儀剩係同我講飲酒可以忘記憂愁，冇同我講過飲酒會嘔同個頭、胃咁痛！
 
帶著宿醉的我再望一望地下那堆發臭嘔吐物，還是趕快趁我室友去左旅行重未番黎快點整番乾淨去。我用左一個鐘抹好整個案發現場後，大汗疊細汗的換了衫攤起張床望住個天花板發呆。
 
宿醉的感覺好不現實，我還是第一次飲咁多酒。坐係起床到，眼看事物都不太實在，頭暈暈咁，但心的傷感卻很清楚，亦更強烈，我一想到阿晴， 所有跟阿晴相處的片段都剎時湧入腦海， 讓我想起我陪她傾了多晚心事，為她捱了多晚通宵做project，果晚一齊食飯睇戲的快樂，陳晚她同個男仔錫嘅心酸，話我只係佢普通朋友嘅難受。
 




同時間個腦就不斷回蕩著阿儀的說話。
 
“阿晴好似周圍收兵”
 
“有機會佢當你都係兵黎”
 
“叫你唔好再裁個頭入去！”
 
 
喺呢一刻，所有事情在我腦海都忽然好清晰，我先發現原來係佢心目中，我一直都只係佢後備，兵仔。




 
一諗到呢點，我就感覺更傷心，但下一刻我感到的是佢對我嘅利用、憎恨、憤怒。我好嬲呢個女仔點解要咁對我，好嬲自己點解要咁傻要付出咁多晚通宵幫佢做埋project，好嬲點解我會鍾意一個內心咁差，一個咁對我嘅女仔。
 
我愈諗就愈嬲，我一望到當初用來準備表白的紙天鵝，我就大把大把抓起來撕爛呢堆紙鶴，隨後我一野扔去common的垃圾桶，之後我拿出電話，望住阿晴whatsapp個icon，心裏的憤怒鼓動著我 del左佢嘅電話，unfriend同unfollow左個佢facebook、instagram，然後我打開左與阿晴的whatsapp對話，手指不期然的不斷向上刷動，望住這些對話紀錄，我捨不得......但最後都狠下心的delete左一切我跟她多晚談心的對話。我恨不得將屬於佢嘅野都都撕爛，破壞，消失係我面前，我即係知呢一刻我好憎呢個女仔，唔想同佢再有任何關係。
 
人地話愛嘅反面就係「恨」， 原來係真的。