［回憶］［校園］一個信息改變左我嘅中學生活: （三）女神阿心

我記得我f2嘅時候，每日放學都會一齊去網吧，日日都係個道打幾個鐘先番屋企。咁啱個一日，我地三個都係好似平時一樣，放學之後就狗沖去攞位。（三部機，三粒啊老細。）講完我擺低D野就去左廁所。
Tommy見我部電話擺左係枱面，唔單止無幫我保管，仲開左我wtsapp黎睇。佢見到一個女仔同我嘅對話，而個女仔個名就叫阿心。
阿心係我地f2公認嘅女神，個樣又正，成績又好，運動又叻，所以日日都有班狗公爭住請佢食野，而肥培就係其中一個。所以我地每日都會恥笑佢做兵仔培。但係我又何嘗唔想一齊做啊？但係人地又點會理我啊。點知就比我遇到一件咁嘅事。。。。