［回憶］［校園］一個信息改變左我嘅中學生活: （四）一個改變生涯嘅信息

Tommy同肥培望住我部電話奸笑左一下就話：喂，阿銘借你部電話黎比我打比阿媽啊。
我當時並無諗到Tommy會做咩，只係以為佢真係只係打電話比阿媽。點知，佢居然send左個信息比阿心，就話：（阿心我鐘意左你好耐啦，你可唔可以同我一齊啊？）就係咁我跟住個四年中學生涯，就咁比佢一手扭轉左啦。
佢攞返部電話比我，我都仲未知發生咩事，只係自己係道望住個電腦，等埋佢地開場打機。
但係，係我好開心咁打緊機嘅時間，我嘅命運就已經不斷咁扭轉緊。到底係變好？定係變差呢？同阿心講左依一句，我又會有咩後果呢？