［回憶］［校園］一個信息改變左我嘅中學生活: (二)中二嘅回憶

我地三個一路行,一路講好快就到左學校門口,我睇住綠色嘅走廊,同周圍嘅大樹,我攞出左我嘅電話影低左依一個景觀,突然我係電話嘅桌面睇到(你有一個未讀信息)顯示左係我個wtsapp上面.一打開就見到,2C群組:有無人想等陣一齊去6A班房聚下舊啊??我睇完就開始行樓梯上去,每一級樓梯都充滿回憶,我地三個就好似踏入左一條時光隧道.我地到左課室,幾十個人坐埋一齊,好似返到以前一樣,好多嘅往事就好似走馬燈一樣係我腦海飄過.我仲好記得我F1個時係一個咩都唔識嘅費青,日日只係同班朋友一齊打LOL,一齊頹廢,咩都唔做,咩都唔理.所以一路都無咩朋友,只係得幾個同學係我朋友,後來仲愈打就愈小人玩.之後先發現成班都走哂去溝女,但係作為費青嘅我又點會有依D機會呢?直到左依一日..........