［回憶］［校園］一個信息改變左我嘅中學生活: 續（三十七）分隔

[我知道自己好無用，我知道自己跟本同你完全唔配，仲一直做你既絆腳石，咁耐既時間，我都唔知道為你增添左幾左既重量.....]我向阿心懊悔咁樣認錯。
我隱若咁聽到有鼻水聲，仲有細小既哭泣聲。阿銘，你唔洗咁快話自己先架，本來今次應該係我同你講對唔住架。阿心好唔自然咁講呢句說話。
係一個月之前，即係你帶我一齊離家出走個一日，我因為驚自己生活會有問題，係第二日就叫我工人幫我拎張銀行卡過黎。而係當日，我都清楚見到螢光幕顯示有$100000，你確確實實既6個零！但係今日我再次去睇既時候，發現裏面既錢全部無哂。
我開頭都覺得自己睇錯，直至我反復咁嘗試都只係見到一個0字係我既戶口度，我就知道無論點都好，都一定會有野阻住，我好絕望，我唔單止無左可以比你最大驚喜既生日禮物，我都失去左你。
我地呢一對幾經波折先可以重頭黎過既情人，因為未來，因為金錢而要受到分隔既折磨。咁樣點可以持續到呢段愛情？好快我地都有可能有分手既一日！所以我先驚左成晚，點都訓唔到。阿心情緒不停高低起伏咁講。
我地唔應該再計較無謂既野，而係解決左面前既呢個問題。阿心好認真咁講。我心諗：無錢都只係可以搵工架姐，仲有咩辦法啊。問題只係在於應該去邊返工姐。 係阿心講完句野既一刻，一陣檸檬味傳到我個鼻到。呢個味道令我諗返起一個地方仲有一個畫面。講完句野，阿心突然個樣都係就唔同左好多，由惶惑變到興奮。阿銘，我諗到一個地方你去打工，我地都可以成日一齊既地方啦！阿心對住我講。唔通我同阿心好似心有靈犀咁咁諗到同一樣野？ 唔通你想叫我去……上次報紙檔阿伯開個間粥店？阿心點解會同樣諗到呢間粥店？係因為佢同樣係比檸檬勾起回憶，定係另有玄機？