［回憶］［校園］一個信息改變左我嘅中學生活: 續（三十六）失信

阿心：我只係想拎部電話上網，睇下有無工可以比我返啊，你唔洗咁操心我d野啦，我可以自己做好架啦。你繼續訓覺啦。
阿心聽完只係拎埋塊面去另一邊，再好埋怨咁講一句：如果你只係要搵工既話洗咩半夜搵啊。講完就擺左部電話係床頭，然後就自己行左出廳。
佢行出去做咩呢？係咪想試我會唔會拎部電話？
咕嚕咕嚕.... 係廳度發出水機既聲音。依個時時阿媽一定訓左覺架啦，水機本身又無壞，照咁睇一定係阿心出去飲杯水之後就返黎繼續訓覺架啦。
阿心正話先起身，應該個人就迷迷糊糊，突然我個心就出現左一個念頭：不如我依家收埋部電話，之黎再扮訓，等阿心返黎咪會當咩都無發生過囉。正當我準備讚自己既時候，現實都係出人意表。
我想一起身即時拎起部電話收埋既個一秒，阿心既就企左係門口，塊面黑到同炭一樣，我開始後悔，同時都開始恐慌。點解？點解？你做咩要咁做啊，你知唔知咁會無左個女朋友架？林嘉銘！我同自己講。
我一清醒返就即時跑去阿心度跪低，佢睇到唔單止無動於衷，仲聲淚俱下咁同我講：阿銘，你知唔知你講左好多次大話啦！我同你一齊返唔夠一年，你就一而再再而三咁玩弄我，你到低有無理過我啊？定係你一值都只係想要我副身家啊！阿心講到無哂力好自然咁跪低左。
我睇住呢一個情形，我開始見到人生既走馬燈，既開始回想返5年前既野，到低我同阿心講左幾多次大話呢？我到低答應d咩係做到既呢？包括阿心同埋阿妍，應承左佢地既野都係無一樣做得到。但呢一分呢一秒，最重要都係要阿心搵返對我既信任，而唔係搵返從前既記憶。