［回憶］［校園］一個信息改變左我嘅中學生活: 續（三十八）取捨

咁我地聽日先再打算啦，反正我地大家都擺低左心裏面既包伏啦，應該唔會再訓唔著架啦。係我既一輪說服之後，阿心好快一下訓左落床，進入左夢鄉。
我耐心咁等待左10分鐘，一直提心吊膽咁監視住阿心，直到佢開始發出小小既扯鼻鼾聲，我先再慢慢落床，行出廳度，先再慢慢解開我眼前所有既迷團。
唔知係咪因為太興奮，我無檢查哂所有野先打開部電話，係我長噤開機制既時候，電話螢光幕上面唔單止只係出現左強光，同時都發出巨大既聲音，禍不單行，而麻煩都一樣唔會單行，我因為比電話開機聲嚇親，成部電話跌左落地下。
我好驚，我驚一陣整醒左阿心又要同佢再講多一次大話，同埋都好驚整醒左阿媽，因為佢一醒左，就唔會再訓返直到另一日晚。我見眼前不妙，所以就係電話既聲音騷擾下，一支箭咁沖去廁所。
我成功鎖左門，而佢地兩個都無比我嘈醒。係廁所裏面，我貼住對門企，同時都反復檢查左幾次部電話。
所有野都無問題既時候，我打左開左部電話既信息，見返個一段錄音同埋張相。
我打開數據，開始下載呢段8分鐘長既錄音，呢段時間，我搵左電話裏面唔同既通訊程式，都無任何一個對話 ，我只可以開返信息黎睇另一個令我好奇心爆發既相冊。但諗唔到呢一部時代的眼淚，居然儲存左800幾張相，我睇到之後先係反左一下白眼，再責怪從前既自己做咩影咁多相。
我開返錄音出黎睇，佢都只係下載左一半，要多5分鐘先可以有得聽。但天意弄人同埋自己唔細心，電話既電量只係得返15%，依個電量我只係可以係睇相同聽錄音當中選擇當中既一個，咁我應該點樣取捨？