［回憶］［校園］一個信息改變左我嘅中學生活: 續(三十五)無心慌言

點解會諗起呢次嘅對話?係因為我仲未擺得低阿妍?定係我見到D咩令我觸景生情?我係床上面起身,拎起左擺係床頭嘅電話,嘗試搵下有無回憶嘅遺物.                                    63721315,一個好熟口面嘅電話號碼出現左係我眼眸,即使呢個號碼係我腦度曾經佔有一個位置,但係我依家我就無辦法搵到佢嘅身影.我打開呢個對話,裹面只有一句嘅錄音,同埋一張未下蛓嘅相.我噤左落個錄音度,發現日期係一個我點都估唔到嘅日子.三年前嘅嗰一日,一段8分鐘嘅錄音. 呢段錄音正正就係我入院之後個一日send左比佢,同時個日都係我同阿心分手個一日.咁呢段會唔會就係當日我叫肥培幫我轉發嘅個段錄音?正當我開始下蛓呢段錄音嘅時候,阿心已經拍左一下我個膊頭。做咩無啦啦起身睇電話啊？阿心用一把好沙架聲同我講。
唔知係咪因為心虛，我係想答阿心個陣，用左慌張架語氣,可能因為係半夜，阿心都無力同我執著呢d野，只係哦左我一聲就應聲訓返落張床度。
係我嘗試再起身拎部電話，阿心就好大聲咁講：林嘉銘,你做咩咁想拎部電話啊！我睇見呢個情況,我唔知應該點樣答佢好。我想好想坦誠,好想解決左呢個枷鎖，但一睇到阿心椎心泣血架表情，我都只可以無奈咁講多一次無心慌言。


由於我早幾日就比人偷左部電話，而我又唔記得紙言ac架密碼，所以先咁多日出唔到故，好對唔住。
你地儘量唔好介意，同埋繼續支持我啦。