［回憶］［校園］一個信息改變左我嘅中學生活: 續（十一）挽救

雖然我對於呢個目標有一份鬥心，但係現實係咪只要有努力就真係可以得到？依個問題令我係床上面纏繞左好耐。
我訓係床上面，睇住周圍幽暗嘅環境，就好似睇緊我同阿心嘅未來一樣，毫無光明。我愈諗就愈覺得絕望。於是我只可以打開我部電話，聽番以前嘅錄音，幻想阿心一路都無離開我。
忽然，我係我同阿心嘅信息堆入面揾到依一句錄音：如果有一日我地兩個人可以一齊去到一個無人阻住我地，無人識我地兩個嘅地方就好啦。
我聽完只係笑左一笑，再自言自語咁講：唔通我真係要斷送一個大學學位黎得到一個摯愛？用前途黎換取一份嘅愛情？可能真係值得啦。
我睇一睇電話上面嘅時間，凌晨3點55分。我疲勞嘅身體已經抵受唔到咁大嘅煎熬同堆咁多嘅打擊，於是只係擺低電話，再褶埋自己嘅被入面慢慢反思。
「你覺得配得起我個女咩？公屋仔！」
「記得同月同日同一個地點，我地再次相見啦。阿銘再見啦。」
依兩句說話不停係我腦度重播，我嚇到係床上面彈起左。我抺左幾滴汗之後先發現原來只係一場夢。
但係依一場夢到低係離別嘅先兆？定係重新開始嘅預告？
突然，電話叮左一聲，我解鎖左之後，發現係一個公司請人嘅信息。我睇左幾眼。我就擺低左我部電話，嘆左一口氣講：普通一份工，點可以四年內買一間屋啊。




雖然，我唔可以買到樓，但我都唔應該係屋企頹廢，加重我阿媽嘅付擔。可能去番工都係我得番阿心嘅一個方法。

可能返工識有錢人，就係拉近番我同嘅阿心關係嘅一條大繩。