［回憶］［校園］一個信息改變左我嘅中學生活: 續（十）目標

喂，係咪林家銘啊？一個男人係電話度講。
我聽到嘅時候又仲未反應得到，一開始都係諗唔明發生咩事，直到我睇返係阿心打比我嘅時候，我先知道原來咁大件事。
我立即回返佢一句：我係啊，你係邊個？一段痛苦嘅對話就咁開始左，可能依一個對話亦係阿心要離開我嘅代表。
男人：我係阿心嘅阿爸啊，我想問你地係咪派到同一間嘅大學啊？
我聽完之後就洞悉到佢已經知道哂所有嘅野，仲可能由我返到學校，佢就一路派人跟蹤住我都唔出奇。但我跟本就無反抗嘅能力，我只可以軟弱咁答佢一句：係啊。
男人： 咁你係咪打算繼續係我個女身邊啊？你覺得以你嘅身世，配唔配係我個女身邊啊？我依家可以好認真咁同你講，你唔單止唔配同阿心一齊，你連同佢做朋友嘅資格左無啊！你快D離開我個女啊！公屋仔！
一句句嘅說話就好似子彈一樣打穿我嘅心，我聽完靜左一靜，係度諗，其實無錢係咪代表真係唔可以有一個摯愛？係咪公屋仔就等於無出息？我自已同自己講，所有都唔係。但無奈嘅係我只可以將依一句收埋係心入面。我只可以細黯然咁同阿心嘅阿爸講：對唔住啊，我阻住你個咁女咁耐，但你可唔可以比一次嘅目標我，假如我做到嘅就比我同阿心一齊啊！
男人：哈哈哈，你覺得你可以做到哂？好，我就比一個小小嘅目標你啦，如果你係阿心大學畢業前買到一間屋嘅，我咪比你同阿心一齊囉。
我堅定咁答左一句：好，我一定會買到返黎！但係咁耐我都無聽過阿心把聲，我點知道你係咪佢阿爸呢？
過左幾秒，我就聽到阿心講：加油啊，阿銘。我一定會等你架。講完左依一句，我就只




可以聽到空洞嘅嘟嘟嘟聲。

我聽完阿心阿爸講嘅野，我打開左自己嘅銀包，再左睇一睇身邊嘅高樓大廈，我只係歎左一口氣講：阿心，總有一日我會攞住樓契係你阿爸面前接走你啊！