［回憶］［校園］一個信息改變左我嘅中學生活: 續（十二）通話

但係煩躁嘅心情令我跟本無心機去睇網上嘅職業工會網，而手機嘅信息只係叫我去做一份厭惡性嘅工作。我無奈之下，只可以訓係床上面等到朝頭早，再周圍睇下有無適合嘅工做。
我好迷惘咁望住個天，唔通命運真係唔可以自己掌握？莫非圓夢真係咁困難咩？
我長歎左一下。之後就再次平伏番自己嘅心情，心境一下子嘅平靜，就重新有番睡意，慢慢隻眼就好自然咁合埋一齊。
「那天我共你勾手指尾，答應過會更愛你⋯⋯」耳邊突然響起依首音樂。
我即刻係床上面起身，睇一睇自己部電話，我朦朧咁見到阿心兩個字，雖然我唔肯定係咪阿心，但係我都好快咁聽左依個電話。
喂？係咪阿銘啊？一把好特別嘅女仔聲係我耳邊出現，即使好沙啞，同埋帶有小小嘅萌音。但係我都比佢把聲深深咁吸引左。
我：係啊，我係阿銘啊，你係邊個啊？ 死啦！個天點解要咁絕啊？你居然連我把聲都認唔到啦。個女仔喊住咁講。
我即刻吓左一聲。你到低係邊個啊？你把聲我真係未聽過喎。我好驚訝咁講。
女仔：我係阿心啊，你居然咁都聽唔出？咁睇黎我地都係緣份都係盡左架啦。阿銘。個日係學校嘅約定，你當係粉筆字抹左佢啦。我地可能四年後，甚至四十年後，我地都無機會再見架啦。
我完全聽唔明阿心講嘅野之外，亦都覺得好嘩然，有咩理由阿心會突然同我講我地緣盡架？但係我點解會認唔出阿心把聲架？因太多嘅問題一下子塞入我個腦入面，我對住電話大喊左一下：救命啊！到底發生咩事啊？可唔可以清楚咁同我講清楚啊？阿心。




阿心：阿銘，雖然一時之間我知道好難接受，但係你要認真咁聽清楚我依家講嘅野啊。