［回憶］［校園］一個信息改變左我嘅中學生活: 續（九）離去或相遇

我攬實阿心，係佢耳邊細細聲：做咩事啊，我地入到同一間大學，你唔係應該開心咩，你點解咁樣嘅？
阿心聽完之後只係微微咁轉左個身，用個背脊面對住我，但我都隱若聽到小小嘅索鼻聲。阿銘，你仲記唔記得我講過D咩啊？四年後，一樣嘅時間，一樣咁地點，我地先再次相見啦。
再見啦，阿銘。阿心講完左依一句之後就行左落樓梯。佢每行一步，我個心就痛一下，就好似比人攞住個錘，不停咁打我個心口一樣嘅感覺。直到佢漸漸離開我視線，我先冷靜落黎，望實個窗口，平靜咁諗返起頭先個問題。
我睇下睇下，就比我見到阿心拎住部電話係度同人傾電話，但係又傾到好唔開心咁樣，到低個人係邊個呢？
我初時諗只係佢同朋友傾電話，講返大家咁放榜情況，但係意想同現實會係差距定係一樣？我對住窗口歎左一口氣，再笑左一笑。睇黎阿心已經唔再係我可以得到嘅人。
我離開左班房，慢慢咁由樓梯準備行落去籃球場走人，只可惜依條時光隧道，又拉返我入去當年嘅歲月。
呯，呯，呯一下下嘅籃球聲係我耳邊擦過，我轉身一望，見到幾個低年級嘅學生係度打籃球，佢地嘅面容就好似有我同肥培tommy一齊踢波嘅歡容，亦都有我認真練籃球嘅態度，我睇左一陣，我冷笑左一下再講：我已經失去左好多野啦，我唔想無埋你啊！阿心。
我慢慢咁行出左學校，再轉頭重新一睹學校嘅面貌。希望回憶可以永遠儲存係依個地方啦。我心入面同自己講。
忽然，褲袋嘅電話傳黎幾下嘅震動，然後播出勾手指尾依一首歌。我睇左一眼部電話，我最估唔到嘅事，居然係正我嘅面前發生。