［回憶］［校園］一個信息改變左我嘅中學生活: 續（八）是福或是禍

我同阿心拖住手，一齊數3，2正當數到1嘅時候，阿心就同我講：如果今日我地分開左，4年後不如同一時間，再次係度見面啊。以戒指為約，四年後，一樣嘅時間，地點，人物。不見不散。好唔好啊？
我睇一睇阿心真摯嘅眼神，我都唔夠膽直視佢，我好驚依四年都無機會見到依個眼神。我合埋對眼細細聲咁講左一句：好啊。再慢慢揭開張紙。我第一眼唔夠膽又望依一張嘅紙，而係選擇左逃避，等阿心睇完，我先再去睇返張紙。
我未拎轉哂個頭，我就已經見到阿心對住張紙發呆，我依個時候變到更加驚，但我細細聲咁聽到阿心不停講：阿銘，阿銘，阿銘⋯⋯
我見阿心咁做，我就忍唔住自己嘅怯懦，一下揭開張紙，見到上面好清楚白紙黑字咁印住左⋯⋯
香港大學？我抹左幾下眼再睇多一次，都係清楚見到同樣嘅字，我好興奮，不斷我係阿心面前大叫。但可能就係我嘅興奮，加劇左阿心嘅情緒，佢直接係我面前大叫：安靜D得唔得啊？
阿心叫完就跪左係地下，張紙同時都跌左落地下，我彎腰執起張紙嘅時候都望一望阿心，睇下佢到底去左邊間大學，會有咁激動嘅情緒。
我認真一睇，同樣都係印住香港大學四個字，我即刻又覺得開心又覺得悲傷。有可能阿心會轉去外國讀？有可能阿心會轉讀私人學校？心裏好多好多嘅諗法都係我腦入面走過。
但係阿心都無睇過我張紙，點解佢會咁唔開心嘅？正常可以入到香港大學唔係要開心嘅咩？依條問題，就好似一張有膠水嘅紙嘅，貼直係我嘅心坎，點都攞唔去，一直纏繞住我。