［回憶］［校園］一個信息改變左我嘅中學生活: 續（三）冰的請求

我睇住阿心嘅面孔，佢一步一步行入雪糕店嘅時候，都係帶著一副嘅笑臉。直至行到去餐牌前面賣雪糕阿姨講嘅一句：哥哥仔，我地新出左一個情侶套餐啊，雪糕買一送一啊。
我：好啊。
阿姨：但係我地規定每個買完情侶套餐嘅人，都要攬住之後影一張相，放係我地店入面。

我同阿心聽完都覺得卻步，但我見阿心好似有D介意，又有D想食嘅樣，我行左去阿心面前講：阿心，我地可唔可以買呢個情侶套餐啊？

我未講完依句野嘅時候，阿心已經攬左過黎。

咔嚓。阿姨好快咁捕捉左依一刻。之後再攞出左兩杯嘅雪糕。阿心望一望我，再望一望杯雪糕，偷笑左一下。食食下雪糕嘅時候，我聽到阿心講：阿銘啊，我帶你去一個地方啊。
之後阿心好怕丑咁仲隻手去到我嘅手心，我都和應佢捉住佢咁手，一下拖住左阿心，情形就好似一對第一次一齊出街嘅情侶一樣，咁羞澀咁唔自然。




好快行下行下就去到一部lift前面，我行到入去嘅時候，就聽到阿心講：由依一刻開始唔好打開隻眼啊。

叮。我感覺到一陣嘅寒冷，一路行阿心就拖實我，直到我打左一個乞痴，慣性咁打開左雙眼，見到眼前嘅畫面係一個用冰整成嘅立體心形，上面寫住：阿銘，我想你再次返黎我嘅擁抱入面啊！
我睇住眼前嘅雪糕，仲有依個冰造嘅心形。我跪係度同阿心講⋯⋯