［回憶］［校園］一個信息改變左我嘅中學生活: 續（四）阿心的日記

我係阿心面前講：點解你會咁突然送依一份禮物比我嘅？你一早就估到我會揾返你？定係你用依度嘅展品當係比我嘅禮物？
你快D食左杯雪糕先啦，等陣太涷就食唔到架啦。阿心用一個好期待嘅樣望住我。
我一邊食雪糕嘅時候，不邊望住阿心，但佢一直都保持係同一個表情。好似有特別嘅野等緊我咁樣。
食下食下，我咬到一個好軟但又唔係雪糕嘅物品，我用手抹乾淨，見到係一個嘅膠袋，正當我打算上去雪糕店揾人算帳嘅時候，阿心拉住左我件衫講：你不如拉開個膠袋，睇下入面有D咩野。
我小心咁打開左個膠袋，入面擺左一張褶左好多下嘅紙。
我一開始只係粗略咁睇下，但係都見到字跡同阿心嘅好相似，同時我都細細聲聽到：不如讀出黎啊。我係沙啞聲音入面聽得出有一份傷心同埋無奈。
1月6日，星期六
尋日就已經係中六嘅last day,我可以重新見得返阿銘，佢今日著住件寫滿簽名嘅校服，係我嘅班房出現。佢同四年前相比真係好唔同。
我第一日同佢一齊時候，佢就應承我可以有180可以入精英班，但佢講嘅個年，佢又遇上左交通意外，但佢依然對依個承諾念念不忘，佢訓係病床上面，依然好有信心咁同我講：今年唔得，下年都得，下年都唔得，總有一日會得嘅！依句說話對於四年後今日嘅我，依然歷歷在目。
我仲記得中一入學嘅時候，佢已經係比所有老師標籤做壞學生嘅人，日日上堂訓覺，日日唔交功課。直到佢中二同我一齊左之後，佢就強逼自己唔可以打機，直到佢可以同我一班為止。最後佢中三唔單止上台攞左最佳進步獎，仲攞埋最佳操行獎。當時坐左係觀眾席上面，真係好開心，令我開心嘅唔係因為我曾經有一個咁叻嘅男朋友，而係開心在於我曾經有過一個肯為我改變同埋努力嘅男朋友。




阿銘今晚打左一個電話比我，問我聽日可唔可以一齊出街，我就立即準備左幾個嘅禮物比佢。
希望係放磅前可以係我腦入面再放更多我同阿銘嘅事，唔好等之後先黎後悔，仲有留低一份遺憾比自已。

依一張紙都係我特別準備比你嘅禮物，希望係個一日之前可以達成到我嘅夢想。

我讀完之後，地上嘅熱淚都比寒氣整成左一個個冰塊。我眼淚凝眶咁同阿心講：你嘅夢想係咩啊？我地今晚一齊完成左佢啊！

係我地完成依個夢想之前，我想你幫我做一件事啊。阿心好緊張咁講。