［回憶］［校園］一個信息改變左我嘅中學生活: 續（二）痛苦嘅回憶

阿心望住係佢面前嘅薯條仲有手鏈，之後就伸出左佢自己隻左手，拖住我講：如果今日我地兩個食哂枱上面嘅薯條，咁係咪之前唔好嘅回憶全部忘記啊？
其實中二分左手之後個四年，你知唔知我過得幾辛苦啊？阿心講完依一句之後眼淚又慢慢都滴左出黎。
我：我知，但我又何嘗唔係同你一樣咁傷心啊。
我仲好記得，四年前我同你分左手之後，我日日都好傷心，每日過得好頹廢，好似失去左人生嘅目標。
曾經我有諗過跳樓，等自己唔好再諗起依一段嘅回憶。但係我又諗到如果我死左，你又會有咩反應，你會唔會一齊自殺？
依個問題足足陪左我4年。直到有一日，我係執書包嘅時候揾返你個時送比我嘅戒指，我先恍然大悟，我其實可以係四年後嘅今日黎揾你，問你可唔可以重新開始？
所以其實你想做嘅野，我都想做，咁點解我地唔試下一齊食哂依100蚊嘅薯條，睇下可唔可以一齊化解左依四年嘅痛苦啦。
阿心：既然係咁，我就試下食完之後可唔可以忘記左四年前嘅痛苦啦。講完阿心又變返好似一個細路女咁展現返佢迷人嘅笑容。
我擠開哂所有嘅番茄汁，然後再品嘗薯條配上番茄汁嘅味道。就好似我同阿心嘅回憶咁，有甜有酸。
我同阿心寂寂無聲咁已經好快食左大部分嘅薯條。我地嘅臉上一都露出左一副嘅笑臉。好似真係化解左個一份嘅痛苦一樣。




唔洗一陣，我地已經食哂所有嘅野，依個時候，我攞返起抹返乾淨嘅手鏈，望住阿心講：我地係咪可以重新黎過啊？
阿心並無講任何嘅野，只係不停咁係度笑，我當時唔清楚佢接唔接受，於是佢只係講話：行啦，我要食雪糕啊。
到低阿心依一刻嘅笑容，到低係真摯定係假扮，係我地心入面嘅個條刺，係咪真係可以比依一份嘅愛意融解到呢？


好對唔住啊，各位讀者，因為我就黎考試嘅關係，所以更新嘅速度可能會減慢到一星期兩次左右。考完試之後就會回復正常。希望你地唔好介意，繼續支持。