［回憶］［校園］一個信息改變左我嘅中學生活: 續（一）重新開始

我地回顧往事，彼此都將回憶錄關上，當初嘅承諾，經歷仲有痛楚都鎖返係心入面，即使全部我地都可以扮唔記得。但係分手依一件事，永遠都係我地嘅關係上面有一個好大嘅裂口。雖然回顧已經完全，但係依一個通話並未結束。
我：阿心，你覺得我地嘅回憶值幾多錢啊？ 阿心：做咩無啦啦咁問嘅？回憶同錢有咩關係啊？但係你要我比個價值嘅話我覺得值一百蚊啦。
唉，原來咁唔值錢架咋。估唔到我係你嘅心入面只係值一百蚊。我扮哂灰咁同阿心講。
阿心：唔係啊！唔係啊！唔係咁解啊，你唔好嬲啦。阿心即刻變到好驚，把聲變到好似一犯錯嘅寵物咁向我道歉。
我：哈哈！我點會咁諗啊，玩下你咋。係啦，你頭先咪話我地嘅回憶值一百蚊嘅，咁你可唔可以出街同我一齊洗走依一段回憶？
阿心：好啊，我地一於就老地方見，不見不散！仲有啊，下次唔可以再咁玩我啊，我會好驚架。
我：得啦得啦。阿心，今次出街我有個特別要求啊，你介唔介意一齊著校服出黎啊。
我講完依一句，我地同時都好有默契咁靜左落黎，但係我又無膽去打破依一刻嘅靜寂。只可以慢慢咁等待阿心嘅回應。
阿心：好啊，無問題！我地就係老地方等啦，不見不散！
我即刻興奮到係房入面大叫，然後再去攞出一件寫滿簽名嘅校服，仲有一份特別嘅禮物，去我地約好左嘅老地方。




我搭上左快速嘅西鐵，西鐵飛快嘅速度，好似帶我走左入去時光隧道，穿越返去個一日。
下一站：元朗。
依句野將我帶返現實，我一落西鐵就已經見到阿心企左係度等我。阿心同我一樣著上左一件寫滿簽名嘅校服，我地就好似一對嘅情侶，漫步係街上面。
到底我同阿心有無機會重新黎過？
我同阿心一齊行左入左一間M記，我地互望對方，唔單止無任何嘅尷尬，而且仲無任何嘅隔膜。
我係錢包攞出左一張一百蚊。足足買左3個餐。攞起一包包嘅薯條，倒係盤上面。
阿心：你做咩叫咁多野食啊？同埋你依家個一緊咩啊？
我：唔洗咁心急，等陣咪知囉。
我用所以嘅薯條，整齊咁砌左一個立體嘅心型出黎，然後再係袋入面攞左一條心型嘅手鏈放係堆薯條嘅上面，望住阿心講左一句：我地可唔可以重新開始啊？





好對唔住咁多位讀者，我遲左一日先出依一篇文。非常抱歉，希望你地唔好介意，繼續支持。