天使原來是男生（舊名：魯莽天使）[小甜][變身][男變女][籃球]: 64
~「…隨便坐啦...俊哥。」入到屋之後我講。
之後我就行左入廚房，拎啲用具出離準備開工啦。
其實琴晚我已經拎定左一啲要用嘅野出離洗左架啦，
而家只要喺廚房拎返出離就得。
「...咦...依個咪泳琳之前個男朋友子仁，點解小欣你會有佢張相喺度嘅?」
死啦，俊哥行左埋電視櫃度睇入面啲相添。
「…er...佢其實係我堂哥離架，之前都有喺度住嘅...哈哈。」唯有繼續扮自己堂妹啦。
「...哦...唔怪得我硬係覺得小欣你咁熟面口啦，原來就係似子仁，
而家睇真...越睇就越似添。」俊哥而家望住我塊面講。
「…er...唔好咁望住人啦。」我面紅紅咁擰一擰歪面講。
「...吖...唔好意思...。」俊哥好尷尬咁講。
「…er...不如我地開始啦。」我開聲令氣氛冇咁尷尬。
「...ok...我要做啲咩呢?」俊哥企左喺我側邊問我，
而家呢...我已經將要用嘅野拎哂出廳張飯枱度啦。
「...諗吓先....首先要將啲材料，量好哂分開一碗碗先。」其實諗諗吓，
開頭啲野都喺等我分啦，俊哥未學過一定會搞到雞手鴨腳咁架啦。
「…er...不如我分好哂先，之後再一個個step咁教你。」我諗完之後講。
「…哦...。」俊哥點一點頭。
「...不如俊哥你...幫我睇一睇部電腦吖，唔知點解成日會彈啲網出離呀。」我講。
嘻嘻...難得有個電腦高手喺度，緊係搵佢搞搞啦。
講完之後我就帶左俊哥入我間房度啦。
「...拿...你睇吓...又彈啦。」俊哥而家坐左喺電腦櫈度，
而我就企左喺佢後面挨左前去用右手拎住隻mouse嘗試緊上網比俊哥睇。
「...等我睇睇先。」俊哥而家喺度係咁打啲執行碼...
我就繼續企左喺後面望住佢，搞左一輪之後俊哥終於都出聲啦。
「…搵到啦，依幾個mp4檔有毒。」電腦而家彈左幾個檔案出離。
「...er...我都唔記得左係咩離架喎，寫住x 檔案嘅...撳離睇吓先。」
我一邊講，一邊挨前去俊哥度拎起隻mouse撳落去啦。
「…吖....呼....奇...魔...之....。」頂....原來係我以前珍藏(上原亞衣)嘅課外授業av片，
而家影住亞衣喺間課室度幫個阿sir吹緊簫囉。
「......。」我同俊哥都dead air左一陣。
「…er...小欣。」俊哥擰一擰過離，視線望住我個胸講。
「...吖...唔好意思。」原來我頭先撳mouse果陣，
個胸一直都頂住左俊哥個膊頭都唔知添。
我縮開左之後，俊哥就撳返熄段片啦。
「…er...啲av片...係你堂哥架呵?」俊哥開口問。
「…吓...er...我唔知喎，係掛。」我口窒窒咁講。
「…咁樣牙...del唔del得架呢?」俊哥講。
「.. er...del啦，堂哥都去左台灣讀書囉，部電腦依家係我用架啦，唔緊要啦。」
嘻嘻...依家我仲邊有興趣睇av片姐，del咪del囉。
「...ok...咁我開始幫你部電腦殺毒架啦，再有啲咩問題我先叫你啦。」
講完之後俊哥好認真咁對住部電腦，而我呢...就走返出聽...開始分材料啦。
首先呢...低筋麵粉...之後就係蛋....糖，分完依啲就到忌廉啦...
倒定大約要用嘅分量就放返入雪櫃備用，好啦...差唔多啦，入去叫俊哥先。
「....吖.....。」咦...點解會有啲怪聲嘅...，
吓...俊哥....佢...竟然...開返頭先我果段珍藏片出離睇緊囉....，
....俊哥佢....竟然喺我間房...睇喊片?
雖然男仔睇a片係好正常，但係喺女仔間房就...有點兒...那個囉。
點好呢...我應該繼續扮唔知行返出去吖，定
係上前阻止呢，但係好尷尬架喎....，點好呀!!!
最後我係當咩事都冇發生過，行返出去嘅...，
過多五分鐘之後，我再一次入去，睇吓俊哥咩環境啦。
「…嚓....。」死啦...開門個下唔小心大聲左添。
俊哥嚇到成個人即時彈起，用身體擋住左個電腦mon。
「...吖....咁快得啦...小欣。」俊哥而家繼續用個背脊得住我好尷尬咁講。
「...係...係呀...你搞掂就出離啦。」我口窒窒咁講完，之後就閂門行返出去啦。
俊哥好快就行左出離，一見到俊哥我就知佢未搞掂啦，
因為而家佢個人行到縮埋一舊咁，好似好驚比我發現佢下面仲係突起咁故意縮後。
「...er...俊哥你...ok嗎?」我問。
「…er...冇咩野...小小肚痛姐。」俊哥借勢用手攬住個肚扮肚痛囉，點都好啦....唔好理啦。
「…好啦，首先呢，我地就整左個海綿蛋糕底先。」
我喺度講解緊，之後俊哥就跟住我逐樣逐樣野落啦。
「...拿...打完雞蛋沙糖呢，落粉果吓一定要快手喎，
因為一慢左個蛋糕就會沉，唔鬆軟架啦。」我一邊講一邊快手倒緊啲麵粉落去。
「…喂....快啲啦。」我見俊哥慢吞吞咁，所以大聲講。
「…哦...。」嘻嘻...俊哥緊張到，手都震埋囉，
啲粉又倒唔勻喎，最後都要我執手尾。
我快手將兩個蛋糕啲粉搞勻哂之後，
就即刻將兩個蛋糕放左落預熱左嘅焗爐度啦。
「…搞掂...。」我拍一拍手上嘅麵粉講。
「....。」而俊哥就戇居居咁，企左喺個焗爐前面眼定定望住自己親手整嘅蛋糕。
「...嘻嘻...係咪好有成功感呢?」我行左埋去俊哥身邊講。
「...嗯....好緊張呀我。」俊哥點一點頭講。
「…放心啦，我幫你執過手尾，應該唔會失敗嘅!」我拍一拍俊哥膊頭講。
「…多謝你呀...小欣。」俊哥而家面向住我，好感動咁講。
「…唔洗客氣喎，你睇你...嘻嘻，整到成面都係粉啦。」
我笑笑口咁一邊講一邊用手幫俊哥抺面。
「…小欣...。」俊哥忽然捉住左我隻手，
眼神好忐忑咁唔知想點咁。
「…做...做咩呀...，我塊面污糟左牙?」我口窒窒咁講，
因為而家俊哥望住我塊面，面紅紅咁唔知想點。
「....。」而家俊哥粒聲唔出，
情深款款咁望住我，慢慢將佢個頭移近我。
「...吓...。」我緊張到細細聲吓左出離，但係俊哥冇理到我，
繼續向我塊面逼近，俊哥到底諗緊咩架....。
「...俊...俊哥。」緊張關頭，我大叫令迷失左嘅俊哥清醒過離啦，
而家眼神變得不知所措咁。
「…er...唔...唔好意思呀...。」俊哥面都紅埋，好尷尬咁講...。
「...不如...你幫我去廚房洗左啲野先吖...。」我耍開左俊哥，令氣氛唔好咁尷尬。
俊哥呀...俊哥...，你都去到要求婚啦，點解仲會對我有意思架...，
希望你頭先只係一時糊塗啦....。
十幾分鐘之後，蛋糕就出爐啦，好香呀...
而且望落去一啲都冇塌到，應該會好鬆軟添...。
我拎左兩個蛋糕出離，放左喺枱上面攤凍，
與此同時...喺廚房嘅俊哥，已經洗返乾淨啲野，而家行返出離啦。
「...整好拿....好野呀。」俊哥望到啲蛋糕，個樣開心到唔知點形容囉。
蛋糕凍左之後呢，我就用刀脫模啦。
「...good哂呀。」我邊講邊用刀圍住邊咁cut，
三兩吓手勢就將兩個蛋糕拎左出離啦...yeah。
「...係咪整好架啦?...好似唔係好似poohpooh咁嘅?」
俊哥望住兩個蛋糕戇居居咁講。
「...吓....哈哈....哈哈。」我忍唔住笑左出離，
點睇個蛋糕都未整完啦....俊哥真係好鬼死q架姐。
「…????」俊哥望住傻笑緊嘅我，塊面打哂問號咁。
「...緊係未啦...，依個只係蛋糕心離架咋，而家我地會將佢加工啦。」
笑左半分鐘之後，我停左落離答俊哥。
「...哦...原來係咁。」俊哥好尷尬咁講，
之後我就開始教俊哥加工啦。
首先呢，我就叫俊哥負責打忌廉，而喺佢打緊果陣呢，
我就將頭先焗好嘅海綿蛋糕切成一片片咁，再將士多啤梨切粒，
到啲忌廉差唔多打好啦，我就叫停左俊哥啦。
「...ok架啦...啲忌廉，而家呢...你就睇住我點做，你就點做啦。」
我將一塊蛋糕放左喺底，之後用掃掃上冧酒，再將切左粒嘅士多啤梨同啲忌廉撈勻搽上面，
重覆以上動作，再加一啲技巧，就會疊左個好似半球體嘅形狀出離架啦。
雖然俊哥已經好比心機一步一步咁跟住我整架啦，
但係始終都冇我果個疊得咁靚...嘻嘻...不過第一次整算係不過不失架啦。
之後就去到最重要嘅環節啦，個蛋糕似咩就睇依一步啦，
就係用忌廉唧花啦。
我分開左幾兜忌廉，加左唔同嘅食用色素入去令佢地變成五顏六色嘅忌廉，
之後再將佢地放左入唔同嘅唧花袋度，好啦...我地可以開始啦。
我上網印左啲人地嘅poohpooh唧花落離比俊哥對住離唧，
之後再教左佢一啲基本技巧咁啦，跟住落離就要靠佢自己啦，
嘻嘻...而我呢，就諗住唧個藍色嘅多啦a夢蛋糕出離送比一軍。
搞左十幾分鐘，我地嘅蛋糕終於都大功告成啦。
「...得左啦...。」俊哥開心到對住自己整果個蛋糕不停影相，
嘻嘻...俊哥隻poohpooh呢，因為係對住人地嘅作品離唧，
所以都算ok啦，上面仲用朱古力唧左(嫁給我吧，小芝。)我諗芝姐見到一定冧死姐。
「...俊哥...你放左個蛋糕入雪櫃先啦，就離熔架啦。」我講。
「…哦...。」俊哥哦完之後，就好緊張咁拎住個蛋糕入廚房啦，
而我就繼續修飾吓我個多啦a夢先。
~叮噹.....~
係依個時候，門鐘突然響起。