天使原來是男生（舊名：魯莽天使）[小甜][變身][男變女][籃球]: 63
~睇吓先...低筋麵粉有...沙糖有...甜忌廉淡忌廉有...冧酒有...，
咦....食用色素得咁小色嘅?...連啡色都冇點整pooh頭喎。
「...唔該...。」我叫。
「...妹妹...想要咩呀?」老闆娘講。
「…請問有冇啡色食用色素呀?」我問。
「...唔好意思呀，賣哂啦...要下個星期先返貨。」老闆娘好唔好意思咁講。
「…哦...唔該。」咦...咁麻煩架，
偏偏最重要果樣就冇。
之後我就比錢行返出門口啦。
「...小欣...唔係有咩事吖嘛。?」俊哥見到我個樣好炆咁，所以問我。
「...唉...買唔齊料囉，我諗要出灣仔(二德惠)，
或者銅鑼灣(心甜)睇吓有冇先得啦。」我嘆一嘆氣講。
「…唔好意思呀...煩到小欣你..。」俊哥有啲無奈咁嘅樣。
「...er...我冇野喎，嘻嘻...我份人係咁架，
嘆完氣就冇野架啦，咁我地去銅鑼灣啦。」我講。
「...ok...你話事啦，小欣。」俊哥講。
「…吖...未得住，去街市先。」我忽然諗起有野要買。
「…買咩呀?」俊哥有啲疑惑咁問。
「…買士多啤梨呀，我諗住整個士多啤梨忌廉蛋糕囉。」我邊行邊講。
好快我地就行到去街市啦。
我地經過肉檔，之後經過魚檔....。
「...俊仔...。」忽然有人叫住俊哥喎，我下意識回頭望...咦....
原來係泳琳阿媽(妹姐)呀，係喎...唔記得左(妹姐)係喺度賣魚嘅添。
「...阿媽。」俊哥講。
「…auntie...你好。」我講。
「...咦...小欣...點解...你會同俊仔一齊嘅?」(妹姐)依家個樣怪怪地咁，
有小小疑惑，但係嘴角又有小小微笑好似好開心咁喎。
「...er....。」我dead air。
「....嘻嘻...唔通你地行埋左?」妹姐點解會講啲咁嘅野架，
明知俊哥有芝姐架啦嗎。
「...阿媽...唔好亂講啦，我同小欣冇野架，
你知我同阿芝架。」俊哥有小小無奈咁講。
「...且...小欣都幾好吖...，又靚女又有禮貌...，諗得過架...仔。」
妹姐呀...我喺度架，你點會講啲咁嘅野架....唔通...妹姐唔鍾意芝姐嘅?
「...阿媽呀...小欣喺度架...你咁講人地會好尷尬架...。」俊哥有啲煩燥咁講。
「…車...小欣唔會介意嘅...呵。」妹姐繼續笑笑口咁望一望我講。
「...哈哈....。」我都唔識答佢啦，唯有笑啦...。
「...你睇吓...小欣幾開心。」妹姐....你唔好格硬離喎...。
「...得架啦...我當冇見過你地啦，你地繼續去拍拖啦。」
妹姐一邊講就一邊推走左我地啦。
「...er...。」我同俊哥你眼望我眼咁。
「…唔好介意呀...小欣，我阿媽係咁架...講野都冇譜嘅。」俊哥好尷尬咁講。
「...er...唔...唔緊要。」我口窒窒咁答，
之後就繼續行過去果檔買士多啤梨啦。
今日啲士多啤梨唔錯呀...，我地買完將啲野放哂返我屋企之後呢，
就搭車出銅鑼灣啦。
果然...銅鑼灣嘅舖頭咩都齊過人嘅，一去到烘焙店就已經搵到要搵嘅野啦...，
我地好快就買完之後就準備回程啦。
「...咪住先....。」落到舖頭樓下，我突然講。
「...咩事呀...小欣?」俊哥問我。
「...嘻嘻...我想去女人街行吓呀。」難得經過，冇理由唔睇吓架嘛。
「...哦...好吖。」俊哥點一點頭，之後就跟住我尾穿過大排檔行左入去女人街啦。
嘻嘻....好似好多新貨喎，我一枝箭咁行左入其中一間舖頭，
而俊哥呢，就企左喺門口度等我，我進入左忘我境界啦...都唔知睇左幾耐之後，
我就拎住兩件戰利品行返出門口啦。
咦....俊哥...唔見左嘅? ?我左望右望...都真係見唔到佢喎，點解嘅?
「...小姐...你搵緊人牙?」忽然有個廿幾歲嘅姐姐行左埋離問我，
咦...點解佢...好似咁熟面口咁嘅，而且個樣好似好惡咁，應該來者不善多。
「...er...唔係。」我係咁意應一應佢，之後就行左去啦。
睇佢個眼神都唔方好野啦，都係走為上著啦。
打返比俊哥睇吓佢去左邊先。
~嘟嘟~嘟嘟~
~………噠……~
「...喂....俊哥，你行左去邊呀?」我問。
「...唔好咁大聲住...，小欣你望吓，有冇個女仔跟住你呀?」俊哥好緊張咁講。
「…女仔...睇吓先。」我四圍望緊。
「…咦...有喎，頭先喺舖頭門口果個女仔而家喺我後面囉。」我細細聲喺電話度講。
「...係呀係呀，就係果個女仔啦，頭先佢冇同你講啲咩嘛?」俊哥繼續緊張。
「...er...佢問我...係咪搵緊人，我見佢個樣不懷好意咁，咪答佢唔係囉。」我講。
「…呼....好彩。」俊哥好似鬆左一口氣咁。
「…咁佢係咩人離架姐，依家喺後面係咁跟住我喎。」我有啲疑惑咁問。
「…佢係阿芝嘅家姐離架。」俊哥講。
「...吓....唔怪之得咁熟口面啦。」我好驚訝咁講。
「…頭先喺舖頭門口，佢無啦啦出現喎，之後問我喺度做咩，
我咪話放假自己出離行吓囉，佢個樣好似都唔係好信架，
但係我冇理佢即刻走左。」俊哥有小小驚咁講。
「…死啦...依家點算好呀?」搞到我好似偷情咁架....。
「……小欣你諗辦法撇甩佢先，之後搭車返屋企樓下等。」俊哥講。
「...哦...。」我哦完就收左線，之後就圍住sogo兜左個圈睇吓撇唔撇得甩佢啦。
果然...兩三吓手勢，我就撇甩左佢啦。
然後我就行左去希慎果邊嘅巴士站，
等車搭返去同俊哥匯合啦。
唉...果部咁嘅死人車，次次等嚫都冇車架囉，
我企左喺度呆等左半個鐘都冇車到，條龍已經水蛇春咁長啦。
頂....真係想打去巴士公司投訴囉。
就喺我等到西哂面嘅時候，咦...頭先個女仔突然喺我眼前出現，
依家佢喺對面sogo門口望住我，好似想搵路行過離我依邊咁。
點算呢....排左咁耐冇理由走架...但係個女仔已經搵路行緊過離啦....。
就喺我左右兩難嘅時候，果部等極都唔到嘅死人車就出現啦，
而家就停左喺sogo前面條斑馬線度準備開車。
快啲啦...快啲啦...，就過到離架啦佢....，我依家嘅心情就好似生死時速咁，
睇住部車就離跌落懸崖，到底我跳唔跳得切車呢.....。
時間一分一秒咁過，個女仔已經行到上銅鑼灣廣場上面條行人天橋，
繼續行緊過離啦，眼見部巴士就停左喺燈位嘅我，
心裡面不斷出現一個好粗俗嘅中文字，喺我重覆左依個字一百偏嘅時候，
巴士終於都開車啦，好快就埋左站，我緊係即刻跳上車，
再行左上上層搵個窗口位柄埋啦。
頭先都講過啦，條龍水蛇春咁長喎，所以上左好耐都未上哂人，
我喺窗邊望落去，已經見到個女仔行到過離啦，而家企左喺希慎門口周圍望緊，
嘻嘻....好彩我上左車姐。
巴士終於都上完客開車啦，我終於都逃離佢嘅魔掌啦....但係諗諗吓，
點解我要咁驚嘅...我同俊哥明明就係冇野嘅....，點都好啦....快啲返到去同俊哥匯合先。
開車之後我打左比俊哥，以防萬一，我叫佢上我果層嘅後樓梯等我，
而我呢...，搭左幾個字巴士之後亦都好快返到去啦，
喺後樓梯同俊哥匯合左之後，我就帶俊哥返到去我屋企啦。