天使原來是男生（舊名：魯莽天使）[小甜][變身][男變女][籃球]: 53
~「…er...咁嘅...小欣你，其實係咪同小小佢，一齊緊架?」
入到後樓梯，俊哥好認真咁問。
俊哥點解無啦啦問啲咁嘅問題架...
我同泳琳係咪一齊關你咩事姐...你有芝姐架啦。
「…吓....er...我都唔知道。」我諗左一陣，但係都諗唔到應該點答。
「...俊哥做咩咁問。」之後我反問俊哥。
「...有啲野我唔知應唔應該同你講。」
俊哥你唔係想對我表白掛...，咪離呀你有芝姐架啦。
「...吓....咩....咩呀?」我口窒窒咁問。
「…係關於...小小架。」俊哥講。
「…吓...。」我好驚訝咁嘅樣。
「…其實琴晚我放工返離果陣，
小小鎖住左度房門好耐都唔肯開，到佢開門果陣，
我見到小欣你冇左知覺訓左喺張床度，衣衫不整好似比人除過咁。」俊哥講。
「…吓....。」我繼續好驚訝咁吓多一聲。
「…我唔知阿妹之前對你做過啲咩啦，但係我知我個妹性格，
佢想得到嘅野係死都唔肯放手嘅...，我係想叫你自己小心啲姐。」俊哥講。
「…er...明...明白...唔該俊哥，我會自己小心架啦。」我講。
「…仲有一件事我想小欣你幫手架。」俊哥忽然變到四萬咁口。
「...吓...仲有?」我講。
「...我聽小小講，小欣你整蛋糕好叻架呵。」俊哥一路講一路奸笑。
「...吓...係識整，但係唔係話好叻咋嘛。」泳琳到底喺俊哥面前講左啲咩架。
「…er...可唔可以教吓我呀?」俊哥依家好誠懇咁望住我。
「…吓...點解喎。」我細細聲講。
「...因為...我想親手整個蛋糕同阿芝求婚呀...。」俊哥講。
「...吓...求婚?」我好驚訝咁講。
「...係...，阿芝即係頭先喺屋企果個女仔，佢係我女朋友。」俊哥其實我知邊個嘅，
你又唔洗解釋我聽，再加上頭先有個女仔喺你屋企食飯，我諗正常人都知果個係你女朋友囉。
「...er...其實你可以去啲教人整蛋糕嘅地方學架姐...唔洗搵我吖。」我講。
「...er....我...我怕醜呀。」俊哥dup低左個頭小小，面紅紅咁講。
「.....er。」我唔知講咩好，不如等我介紹吓俊哥先啦，
俊哥雖然唔算靚仔，亦都唔係太高，我諗同我差唔多啦，
但係個樣就成個台灣明星(明道)咁款，從事it工作。
不過可能平時小接觸人嘅關係啦，同泳琳一樣都係比較內向，
唔善於同人溝通，所以平時朋友都唔多個，聽講同芝姐係喺讀毅進果陣認識嘅，
之後就一直拍拖到而家已經五年架啦。
「...幫我一次咁多吖...小欣。」俊哥而家合實雙手喺度求我。
「…吓...但係比芝姐知道係我教你，你死得仲快喎。」我好緊張咁講。
「…你唔講我唔講冇人知嘅。」俊哥講。
「...咁...你想學咩蛋糕呀?」我問。
「…我...我咩都唔識架，阿芝好鍾意winnie the pooh，
唔知可唔可以整到呢?」俊哥諗一諗之後問我。
「咁...牙，整個立體pooh頭嘅忌廉蛋糕囉，應該唔太難嘅...。」我諗一諗之後講。
「…咁...咁就靠哂小欣你啦。」俊哥再一次合實雙手好似拜我咁。
「…得啦得啦，其實俊哥你咁怕醜，點解又敢問我呢?」我講。
「...係...因為...我覺得小欣你好親切，好似識左好耐咁囉。」俊哥諗一諗之後講。
其實我同俊哥都真係識左兩年架啦嘛，以前俊哥間中都會教吓我一啲電腦上嘅野，
連我屋企部電腦都係佢幫我砌嘅，不過就未上過我屋企，所以佢都唔知我其實係住邊度嘅。
講完之後，俊哥就自己返左屋企啦。
我同俊哥交換左電話，我地冇約實到一個時間，
俊哥只係話差唔多時候就會搵我。
返到屋企之後因為已經好夜，所以我快手沖完涼就訓覺啦。
好快就到左星期六，亦即係阿成嘅生日，下午我同泳琳約左kimmy，
表妹，同一軍出左銅鑼灣等，我地係咁意食左個下午茶之後就行左一陣金伯利，
四個女仔行街，我知一軍一定會好悶架啦，但係泳琳喺度我又唔可以陪佢喎，
所以全程一軍就好似罰企咁，我地入到邊間舖睇衫佢就企喺邊間門口，真係辛苦你啦...一軍。
罰企左個幾兩個鐘之後，時間亦都差唔多，阿成約左我地喺信和中心大堂等，
所以我地就慢慢沿住謝斐道行過去啦，其實都唔係好遠，我地行左十分鐘左右就到左，
但係阿成未到而家我地五個人企左喺大堂等緊。
「...幾位...有啲咩幫到你地呢?」接待員行左埋離問我地，
因為今日係星期六，下午樓上寫字樓啲人已經收哂工，
所以而家人影都冇隻，仲封哂𨋢咁。
「…吓...er...我地等緊朋友。」kimmy口窒窒咁講。
「…er...唔好意思呀，麻煩你地出門口等吖...依度唔可以等人架。」接待員姐姐好有禮貌咁講。
「…吓...出面好凍喎。」表妹好唔客氣咁彈左一句出離。
「...唔好意思呀...等多陣吖...，我朋友話依家喺上面落緊離架啦。」kimmy同姐姐講。
「...唔好意思呀，老細落緊離，唔好令我難做啦。」接待姐姐好無奈咁嘅樣。
咁我地都唔強人所難啦，唯有行出門口度等啦...。
就喺我地行緊去門口果陣。
「…kimmy...你地去邊呀?」阿成啱啱搭𨋢落到離，仲同個中年西裝男人一齊添。
「…吓...接待姐姐話唔可以喺度等吖嘛，咪行出門口囉。」表妹有啲悔氣咁大聲講。
「…吓...原...原來...係黃生啲朋友牙，唔...唔好意思呀?」接待姐姐依家好似好驚咁。
「...哈哈...唔緊要，你盡本份姐，不過下次見到幾位小姐呢，
就請佢地去會議室坐陣啦。」中年男人笑笑口咁同接待姐姐講。
「…係...黃生，我下次會留意吓架啦。」接待姐姐九十度鞠躬咁濟，
到底中年男人係咩人咁把炮呢?
「...er...uncle你好。」kimmy講。
「…哈哈...kimmy又靚女左喎。」中年男人笑笑口咁同kimmy講。
「…er...唔好笑我啦uncle。」睇個勢kimmy應該係識佢架喎。
「...Richard，唔介紹啲朋友仔比daddy識。」吓...daddy?原來係阿成爸爸...。
「…係...daddy...男果個係kimmy阿哥一軍哥，
而高果個女仔就係一軍哥個女朋友欣姐啦，另外兩個女仔一個叫家蔚一個叫泳琳。
「...哦...大家好呀，我係richard嘅daddy
，你地可以叫我做uncle Daryl。」uncle微笑咁對住我地講。
「...哦...你好...uncle daryl。」我地全部人，一齊講。
「...黃生，部車到左啦。」接待姐姐行左埋離同uncle講。
「...嗯...咁多位，請大家跟我出去上車啦，今晚大家記住玩得開心啲喎。」
uncle講完之後，就帶左我地出門口，出到去之後呢，
停車場門口已經有部好靚嘅七人車停左喺度等緊我地。
「...嘩....部車...好靚呀。」我講。
因為我真係覺得幾靚，成部車黑色，
再加好多銀色嘅電鍍...好有cyber feel。
「...小欣...依部好似叫(L佛)，聽講要成七十幾萬架....。」一軍喺我側邊講。
「...吓....七...七十幾萬...。」我o左咀。
而家我地全部人上哂車，但係uncle冇上到離。
「…咦...阿成...咁uncle呢?」我問。
「…哦...daddy佢鍾意揸自己部(林寶)架，唔洗理佢。」
阿成好輕鬆咁答我，之後就叫左司機開車啦。
「…咩係(林寶)呀?」喺車上面，我細細聲咁問一軍。
「…(林寶)呢...點講呢...好似郭富城揸果啲呢，好扁果啲跑車呀。」一軍細細聲喺我耳邊講。
「…哦...果啲咩法拉利果啲。」我繼續細聲。
「...仲貴過法拉利呀，應該要幾百萬至過千萬一架。」一軍講果陣都有小小流汗。
「......。」而我呢...，聽完更加係啞口無言...，到底阿成阿爸係做咩架。