天使原來是男生（舊名：魯莽天使）[小甜][變身][男變女][籃球]: 54
~我地開車後，上橋入左香港仔隊道，之後再經過深水灣，
過多幾分鐘，部車就駛左入一間house入面啦。
我地全部人落哂車之後，
就跟住阿成由門口車房位慢慢行入去啦。
依度呢...係一間獨立屋離嘅...有花園，花園旁邊仲有個泳池添，
而家喺泳池旁邊放左好多長枱喺度，枱上面放左好多準備放食物上去嘅不銹鋼盤喺度，
仲有啲著住廚師制服嘅人喺度行離行去添。
我地繞過左泳池之後，有度門可以行入去屋入面，
依度喺一個好大嘅廳，亦都放左一啲食物盤，仲有一個大台喺牆嘅正中間，
set好哂啲喇叭喺度，周圍有好多枱櫈咁，應該係今晚嘅主場地。
阿成帶住我地行樓梯上到去二樓，上到離又分左右兩邊喎，
阿成帶我地行左入左邊走廊，依度亦都有個小偏廳，
有張好大張嘅貴妃梳化喺度，梳化前面係一張茶几，
再前面就係一個電視櫃，上面放左一部應該有70吋嘅大電視喺度，
再加一套7.1家庭影院同一部ps4連vr眼罩。
「...依度喺我個聽吖，你地隨便玩啦，有最新嘅vr虛擬實景遊戲玩喎，
你地玩住先，今晚玩得夜呢，我已經安排左客房比你地喺度過晚夜架啦，
我去換件衫先。」阿成講完之後，就行左去啦。
依度呢...係我成世人都冇見過咁豪華囉，我諗只係可以喺電影入面先可以見到，
頭先樓下張梳化係金色架...，估唔到現實世界我都有機會離到依啲地方。
阿成行開左之後，kimmy就幫我地開電視，
set遊戲機好似好熟悉依度咁。
「…kimmy牙。」我坐喺梳化度叫。
「...咩事呀...阿嫂。」整緊野嘅kimmy望一望我講。
「...你...成日離架?」我口窒窒咁講。
「...er....嘻嘻....離過幾次囉。」kimmy好尷尬咁答我。
「...咁...其實...，阿成阿爸係做咩架姐?」我問kimmy。
「...好似好多野都有做架喎，頭先我地等阿成落離果度咪佢daddy架囉...。」
kimmy一邊諗一邊講，但係佢講完又好似咩都冇講到咁，
到最後我都係唔知阿成daddy係做咩嘅。
一軍同表妹就喺度打ps4，kimmy就幫手招呼我地仲係咁拎野比我地飲，
而泳琳就同我一齊坐左喺梳化度睇緊一軍佢地打機啦。
原來表妹同一軍都打得吓架喎，
兩個踢緊winning仲好似好勁咁添...而我就...嘻嘻...就唔係咁識打機囉。
玩到咁上下，阿成終於都出現返啦，
而家佢著住套黐哂水晶嘅(踢死套)，一身戰衣look咁。
「...差唔多啦，大家可以落去食野架啦。」
阿成好興奮咁同我地講，之後就帶返我地落樓下啦。
行緊落去果陣呢，望到下面已經多左好多人喺度啦，
有啲就坐左喺度傾計，有啲就食緊野。
「…嘻嘻...成仔...好靚仔喎今日，又大一歲啦，祝你一年靚過一年。」
有個好似貴婦咁嘅人行左埋離同阿成講。
「...哈哈...芳姨...唔好笑我啦。」阿成有啲尷尬咁答。
「...吖...你地唔洗理我架啦，隨便攞野食啦。」阿成望一望我地講。
「...咁我地去食野架啦。」表妹答阿成，
之後我地幾個就行左出去花園果度周圍拎野食啦。
嘩....依度都真係咩野食都有囉...食物種類分分鐘仲多過酒店呀。
「...小欣...果邊有生蠔呀，我過去攞比你吖。」一軍指一指遠處。
「…er...好呀。」雖然泳琳喺我隔離，但係有生蠔食喎，緊係咩都唔理住啦，
一軍行左去之後，我同泳琳...表妹就繼續拎野食...，
拎左魚生啦...鵝肝多士啦...燒牛柳啦...真係講都講唔哂呀....。
滿載而歸之後呢，我地幾個就行返入去廳入面搵張枱坐低左。
「…幾位小姐，請問飲唔飲紅酒呢?」坐低左之後，有個waiter行左埋離問我地。
「...好吖...唔該。」表妹好快已經答左。
「…咁...兩位呢?」waiter而家望住我同泳琳。
「…我飲橙汁得啦...唔該。」泳琳答。
「...er...咁我都飲紅酒吖...唔該。」嘻嘻...一軍喺度可以飲得酒，
雖然我唔係咁鍾意飲，但係難得離到冇理由唔試吓架嘛...，
我見到個酒樽度寫住八二年Lafite喎...點可以唔試吓呢。
我地坐左喺度一邊享受美食同靚酒，一邊留意住周圍嘅環境同人，
而家呢...除左我地同工作人員外呢，仲有嘅就係阿成嘅親戚，
個個都著到去飲咁款，而阿成同kimmy就周圍去同啲親戚soso，
唔知仲以為今晚係佢地兩個嘅婚禮添呀...嘻嘻，不過諗真...如果第時kimmy真係同阿成結婚，
都應該係差唔多場面，要練習下架啦kimmy。
食到咁上下，廳入面啲燈突然暗起離，台上面嘅音樂開始響起，
一道Spotlight打落去台度，原來已經企左個男人喺台上面啦。
「...大家好，歡迎咁多位親朋戚友今晚抽空離到Richard嘅生日派對，
等我自我介紹一下先，我係今晚嘅大會司儀，商業電台叱吒903嘅dj donald大家好。」donald講。
原來請埋dj離做司儀添牙...洗唔洗咁pro呀。
dj donald講左幾個爛gag帶動左全場嘅氣氛之後呢，
就介紹今晚嘅節目啦。
「…好啦，事不宜遲...我地有請魔術師為我地表演魔術，
有請louis。」donald好熱烈咁介紹。
之後魔術師louis就喺台後面行左出離啦，而家好多人都喺度大叫louis style，
而我地呢，就冇咁熱情啦，都係乖乖地咁坐喺度食野同欣賞魔術。
雖然網上面啲人成日話佢冇料到咋喎，但係其實佢都真係幾勁架喎，
佢做左幾個魔術我同一軍佢地金睛火眼咁都睇唔到破綻，
表妹仲比louis請左上去做表演嘉賓添...嘻嘻。
louis表演完之後，donald就走返出離，繼續搞爛gag引到全場人都大笑，
之後就係歌星獻歌啦，唔知係咩歌星呢?你知啦...歌星依啲野，好廣泛架嘛...朱咪咪又叫歌星，
張學友又叫歌星，不過其實我地都唔係抱咁大期望架啦，唔通真係請到張學友離咩。
「...我地有請歌手...王菀之 Ivana，為我地獻歌。」donald繼續熱烈介紹。
咩話...王菀之?...我唔係發緊夢吖嘛...，我偶像...王菀之竟然會離左...。
「…小欣...你做咩呀?」一軍好疑惑咁叫我，
因為我而家好興奮咁成個人彈左起身...。
「…一軍哥你唔知王菀之係表姐偶像離架咩...。」表妹答一軍。
「...吓...er...我真係唔知喎。」一軍細細聲咁講。
但係我而家已經冇閒情逸致理一軍啦，
我一枝箭咁衝左出去最近嘅位置準備欣賞。
「...大家好...我而家會為大家獻歌我一首比較新嘅作品(該死的快樂)。」
王菀之講完之後就開始唱啦。
實在太好聽啦，能夠咁近距離聽住Ivana嘅天籟之音真係死而無憾呀。
Ivana唱完之後再唱多一首(我真的受傷了)就走左啦，
於是我即刻仆左去後台。
「...吖...Ivana...。」去到後台我見到佢啦，
佢而家同個女助手一齊，因為係私人派對嘅關係，
所以都冇咩保安果啲野，我好輕鬆就走到埋去Ivana身邊。
「…咦...妹妹...搵我咩事呀.?」Ivana微笑住咁問我。
「...er...我...我係你fans離架，唔知可唔可以同你合照呢?」我膽粗粗咁問佢。
「...哦...緊係可以啦，妹妹你仲要咁靚女添...
我開心都離唔切啦。」Ivana笑笑口咁講。
「…嘻嘻...多謝。」我笑住咁講。
之後助手就幫我地兩個合照啦，因為我而家係女仔嘅關係，
所以翹住左Ivana隻手離影都冇問題呀...好野。
影到咁上下，一軍走左離搵我喎。
「…喂...一軍，快啲過離一齊影啦。」我即刻揮手叫一軍埋離。
「咦...妹妹...好野喎，你男朋友仔都幾型仔吖。」Ivana笑淫淫咁講。
「…嘻嘻....係架。」我忍唔住開心咁笑住講。
好開心呀，可以同偶像影相，而一軍又可以同我一齊影，
不過要望清望楚睇吓泳琳有冇行到落離先得。
好彩都冇...我地同Ivana影完相之後Ivana就走左，
而我同一軍呢，就前後腳咁行返去搵佢地。
大家繼續食野同飲酒，跟住落離就到最後嘅大抽獎，
donald首先請左阿成上去台上面，之後再帶頭叫全場人一齊唱生日歌同阿成祝賀，阿成講左幾句感受之後呢，就開始抽獎啦。
估唔到我地生日要阿成送禮物，
而家阿成生日又係佢送禮物比我地，真係有小小慚愧添。
因為我已經飲到highhigh地嘅關係，我又開始斷斷地片啦，
到底抽到啲咩完全唔知，只係知道阿成準備左客房比我地今晚喺度過夜姐。
隱約見到泳琳扶住我行左上去樓上嘅客房，
而我呢...就訓左上張床度。
「…嘻嘻...係咪一軍呀?」我訓左喺張床度，傻笑住咁講。
「...小欣...你抖吓啦。」好似係泳琳喎。
佢依家用毛巾幫我抺緊面同頸。
「...嘻嘻...好舒服呀...。」我合埋眼笑笑口講。
「...人生有個真正朋友，的確好極。」我繼續發癲。
「...好凍呀...，比返張被我啦。」咦...點解又咁凍嘅....。
「…吖...。」又係果陣乳頭麻痺嘅感覺呀，到底發生咩事呀?
「...邊個呀...咪搞啦。」可能頭先有人同我洗面嘅關係啦，
我清醒返小小，而家開始望到周圍嘅野啦。
我嘗試用手撥一撥自己嘅胸部，希望可以整走麻痺感。
...咦....喂....郁唔到嘅....，我開始嘗試大力小小掙扎...，
喂...都係郁唔到嘅....點解我對手比人綁住左喺床頭度嘅...，
我再望一望個胸，一個無法相信嘅景象就喺我眼前。