天使原來是男生（舊名：魯莽天使）[小甜][變身][男變女][籃球]: 37
~每班都要派一隊人出離參加架。
大家都知kimmy同表妹兩個一有野玩就癲架啦，而班入面其他人就避之則吉咁。
「…喂...點架...冇人參加吖...。」kimmy好冇引咁問。
「…喂...喂，每班都最小要派五個人參加架，
再冇人自薦我就點名架啦。」miss wong有小小惡咁講。
「...阿嫂...泳琳，不如陪我地玩吖...。」而家kimmy雙眼發光咁望住我同泳琳。
「...表姐...離啦，好快玩完架咋...嘢。」表妹加入。
「...er...都唔知泳琳想唔想玩...嘻嘻。」我笑笑口咁答表妹。
「...且....你玩泳琳就玩架啦，係咪呀泳琳?」表妹講完之後望一望泳琳。
「...嗯...小欣去我去。」泳琳細細聲講。
「...咁掂哂啦，就咁話啦。miss wong我，家蔚，阿成，子欣同泳琳五個報名吖....唔該。」
搞錯呀...kimmy格硬離嘅....。
就係咁，我同泳琳就比佢地強..x.左，...嘻嘻...係強迫左去玩....，而個比賽嘅玩法呢，
就係好似runingman咁，比啲提示我地搵個地點出離，再去指定地點搵出貼有標誌嘅物品返離。
最後要搵到一個金牌，邊隊最快搵到個金牌返離就贏囉。 一開始，阿sir向我地每組人派發一張咭紙。
「...咦....係隻蜘蛛離嘅?...」接過咭紙嘅kimmy講。
因為張咭係有隻蜘蛛喺度。
「…即係點呀?...」表妹問。
「…er...會唔會係繩網果度呀...蜘蛛網吖嘛。」我講。
「…係喎，快啲過去睇吓囉。」kimmy講。
估唔到第一個題目咁易喎，我地喺繩網陣果度搵左十幾分鐘就搵到張寫住我地班號嘅咭紙
，反轉張咭紙，又見到第二個地點提示啦。
如是者，我地好快已經解開幾條題目...終於拎到最後一個提示啦。
「oooo」最後嘅提示就係依四個圈。
「…咦...今次依個真係唔多明喎。」我地諗左五分鐘之後表妹開聲講。
「…會唔會係體育館呀...奧運吖嘛。」阿成講。
「...如果係奧運就五個圈啦，點會得四個姐...。」kimmy瞇起對眼同阿成講。
「...哈哈...咁又係喎。」阿成笑笑口有啲尷尬咁答kimmy。
「...er...會唔會係代表滾軸溜冰鞋果四個轆呢?」之後我講。
「…er...都有可能。」kimmy答。
「...但係又有啲似射箭場果啲箭靶喎。」表妹講。
「…er。..又係喎...。」我答。
「...唉...咁點好呢...。」表妹嘆一嘆氣。
「...吖...我地分開兩邊去咪得囉。」kimmy突然諗到。
「...拿...我同家蔚就搵(滾軸溜冰場)，小欣同泳琳就搵射箭場果邊，
之後喺返中間嘅兒童遊樂場集合囉...咁好唔好吖。」kimmy講出佢嘅計劃。
之後大家都一至同意，於是我地就開始分頭行事啦。
我同泳琳係負責去射箭場嘅，雖然今日玩嘅時候都有經過射箭場，
但係而家夜晚四圍都黑媽媽都唔係好認得啲路啦。
我揸住張地圖，泳琳就跟住我，我地跟住指示搵左十幾分鐘，
終於都搵到去射箭場啦，嘩...原來夜晚射箭場依邊好陰森架...，
因為比較近山邊周圍都係樹，而且街燈都唔多盞，
早知就揀滾軸溜冰場果邊啦...起馬都近門口同停車場吖...，唉...今次真係捉蟲啦....。
而家射箭場已經關左門，於是我同泳琳就沿住外圍諗住繞一個圈都搵唔到就算數啦。
我地一路行，越行得入燈光就越暗，直至去到射箭場背脊嘅時候。
我見到山入面好似有啲野閃閃發光，唔知點解我果一刻覺得啲反光就係我地要搵嘅金牌...。
「…泳琳，你喺度等一等我吖，我行入去睇一睇。」我講。
「…唔好啦，入面黑媽媽。」泳琳有小小擔心。
「...得架啦，好快。」唔知點解果吓我答得好急，好似比鬼迷咁好快就行左入去。
其實我咁驚鬼，果吓應該會好驚唔敢入去至係架，但係我當時個腦唔知點解一片空白，
淨係覺得好想拎到果塊牌，我跟住啲光係咁行係咁行，明明頭先喺出面睇好似好近，
但係就係行極都係唔到埋去，最後我都唔知自己行左幾耐，終於行到埋去發現原來只係一個汽水罐。
果吓我個人好似突然間清醒左咁，咦...喂...我去左邊呀...周圍都比樹包圍住，
完全見唔到邊面先係返出去...。
「...~泳...泳琳...~」我好驚...，我大叫左幾聲泳琳，但係完全冇回應。
我開始擔心泳琳，我好驚泳琳會跟左我入離，我嘗試拎部電話出離，
但係完全冇信號...，我呼吸開始急速，開始緊張起上離，平時嘅我係一個方向感好好嘅人，
但係可能依家真係好驚，我完全失去理智咁亂咁跑...，跑左好似幾分鐘之後，我停左落離。
「...冷靜啲...冷靜啲...，雖然有人話西貢有結界姐，
但係我只係喺個營地入面，應該冇野嘅...，冇錯啦，
我頭先一開頭係上山嘅，所以我依家要向下行...係啦...係啦。」我自言自語。
之後我不斷向下跑...係咁穿過啲樹叢，啲樹枝係咁打埋離，我就係咁搵手撥開，
又跑左唔知幾耐，就喺我開始筋疲力竭嘅時候。
「…小欣...。」我突然聽到有人叫我，我即刻跟住叫聲嘅方向繼續跑，
終於我見到果個人啦...，一個好高大嘅身影，我越跑得近就越清楚.....
到我終於都見到佢個樣啦....係一軍呀...果一刻我開心到即刻攬住左佢，
果吓安全感即刻反哂離...。
「...吁....呼...。」我係咁透大氣同攬到一軍實一實，
直頭係好似喜劇之王嘅張柏芝咁騎左上一軍度，對腳鉗實左一軍條腰。
「...冇...冇事啦...小欣。」一軍摸住我個頭同我講，但係我當然係冇放到手，繼續攬住佢。
過左一陣我個心終於定返落離之後，我先慢慢喺一軍身上落返離。
「...係呢...泳琳冇事吖嘛...。」我突然諗起泳琳，擔心佢有冇事。
「…放心啦小欣，係泳琳通知我地叫我地離搵你架，
佢見你好耐都冇返出離之後就諗住返去搵kimmy中途見到我，
所以我叫佢去同kimmy講，我就過左離搵你先囉。」一軍講。
「...哦...。」我細細聲講。
「...好啦，我地返去先講啦。」一軍溫柔咁同我講，之後就同我行返返去啦。
因為我見到一軍嘅時候，其實已經出到去見到射箭場嘅位置，
所以之後我地就慢慢沿住射箭場行返出去。
可能我仲係驚緊，所以沿途我繼續翹住一軍隻手死都唔肯放，直至見返佢地。
佢地幾個而家企左喺兒童遊樂場等緊一軍消息。
「…小欣..嗚...。」泳琳一見到我即刻衝左埋離攬住我喊。
「…泳...泳琳...對唔住呀...，要你擔心。」我口窒窒咁摸住泳琳個頭講。
其他人就繼續企左喺度。
「...係呢，搵唔搵到個金牌呀?」泳琳喊完之後我問kimmy。
「…搵到啦，真係喺滾軸溜冰場呀。」kimmy答我。
「…咁...咁...贏唔贏到呀?...」我再問。
「...我地未搵到阿嫂你唔敢返去住呀，驚搞大件事呀，
頭先如果阿哥都搵你唔到就要通知miss wong可能要報警架啦。」kimmy有啲驚咁講。
「…對...對唔住呀，連累左大家。」我眼濕濕咁講。
「 ..傻啦...最緊要阿嫂你冇事，我地開頭搵得咁快而家返去可能都未輸呢...嘻嘻。」kimmy笑住咁同我講。
於是我地就拎住個金牌，一齊返到去燒烤場果度啦。
結果我地緊係贏唔到啦，不過又唔算太差喎，都拎到個第五名...嘻嘻...不過得六組人比賽囉。
miss亦都冇發現依件事，總算又過一關啦。
返到宿舍之後，個廁所係喺房出面架，
因為我唔敢一個去沖涼，所以叫左泳琳陪我....，
希望泳琳唔好亂離啦。
好彩kimmy同表妹見到我地去沖涼又即刻跟埋離話要一齊沖喎，
如果佢地唔喺度我都驚泳琳又會非禮我囉。
有咁多人陪住總算可以安心沖涼啦，沖完涼已經好夜啦，
成十一點幾...所有人都上哂床訓覺，我亦都唔例外訓左上床，
但係生保床邊度訓得著吖，我又諗返頭先喺山邊，見到一軍果陣，
真係有種安全感...一種好溫暖嘅感覺，唔通....我....真係鍾意左佢....?...我...竟然鍾意男人?
我諗左好耐...我真係唔知我而家嘅性取向到底係咩....，到我訓著果刻....都依然係....搵唔到個答案。