天使原來是男生（舊名：魯莽天使）[小甜][變身][男變女][籃球]: 34
~之後嘅日子，要練波嘅時候就留係學校練波，唔洗練波嘅時候
，我都會約一軍出離做我嘅私人教練。
經佢指點完我之後，我嘅低位進攻真係有唔小嘅進步喎，
無論係背籃轉身定係切入都流暢左好多......，終於都到左d1比賽嘅決賽啦。
今日係星期六，港島區嘅決賽地點就當然係修頓啦，比賽時間係下午兩點鐘，
我地今日都係照舊早左幾個鐘去到附近嘅小童群益會球場做一啲戰術嘅操練，
對手係上年嘅亞軍(華漢中學)所以我地都唔敢忽視。
操練完畢後，我地就照舊跟住卜sir行過去修頓，此終都係決賽，所以大家帶住緊張嘅心情，
所有人都靜哂咁慢慢行，行左十分鐘左右，我地終於都去到修頓啦。
而家現場坐滿哂人咁濟呀，有好多都係其他學校嘅校隊，而我地學校都離左唔小人為我地打氣呀。
我見到泳琳，一軍，阿亮，阿成同anna都坐左喺我地學校果啲位度。
好緊張呀，仲有廿分鐘就開波啦，而家我地兩隊人都喺球場入面熱緊身同拉筋，射吓波同走吓籃咁。
好快球証就已經(吹雞)示意比賽即將開始，而家我地所有人都返哂場邊聽卜sir嘅最後訓示。
「...拿....終於到冠軍賽啦，唔好諗住我地係上年冠軍，
當平時比賽咁去打...盡量放鬆你地超哂班架，一定冇問題。
因為對方外圍攻擊力比較強，所以一陣出去就打個三二聯防先，
內線有佩檸同子欣頂住應該冇問題嘅....好啦...大家埋離。」卜sir好認真講。
我地所有人埋哂去，遞出手壘住一齊大叫左一聲學校名，之後就戰戰兢兢咁出場啦。
出到場我地雙方球員都互相握手，之後球証就行到埋離中場準備跳波啦。
好緊張添....大家個樣都認真到不得之了。
一開波，檸檬成功跳赢，小田攞波，即刻將個波掟比已經跑到去籃底嘅我，成功輕鬆攞兩分。
估唔到個頭開得咁好，因為對方內線球員都比較弱，所以之後都比我同檸檬爆到九彩，
如果唔係佢地隻控球後衛表現神勇入左兩三粒三分波嘅話，我地已經head住對方雙位數優勢啦，
而家只係領先八分優勢進入下半場。
今次我同檸檬輪流休息，效果真係唔錯，我地嘅內線冇之前咁空虛，對方都冇咁易攻得入，
去到第四節我地已經將優勢拉開到十三分啦，卜sir亦都冇咩野指示再比我地，
只係叫我地繼續keep住咁打就得，終於垃圾時間都打完啦，我地成功衛冕，
估唔到決賽都可以贏得咁輕鬆囉，我地所有人都好開心咁喺場入面跳離跳去，
我地學校同學有啲仲衝左落離添....。
檸檬終於同亮哥雙擁啦，亮哥仲喺咁多人面前同檸檬示愛...檸檬仲開心到喊左出離添...
我地其他人喺側邊見到都鄧佢地開心呀。
kimmy就同一軍擁抱，而我呢...er...，當然係同泳琳啦。
之後就係頒獎儀式，大家都好興奮呀，由其是表妹同kimmy，可能始終都係佢地第一個冠軍啦。
「...好啦，而家頒發mvp最有價值球員獎。」大會宣布。
咦...乜依啲比賽都有架咩?我仲以為nba先有架添。
「...得獎嘅係周子欣...。」
「...吓...!!!」我叫左出離。
「…子欣去啦，你應得架。」檸檬喺度拍手叫我快啲出去。
「~周~子~欣~M~V~P~」而家全場突然叫住我個名同mvp三個字，
搞到我好尷尬呀....我見到一軍佢地叫得最大聲囉。
我腳都震埋咁行去拎獎...，攞完獎之後，我地就全部人一齊影相，
而家連我地學校啲人都走哂落離球場度同我地影相，當然一軍都唔例外啦，
開頭一軍見到泳琳喺度都唔敢走埋離同我合照，但係kimmy又點會放過機會吖....
係咁捉住我同一軍話「阿哥同阿嫂點可以唔合照返吓呀。」，所以最後我同一軍都影左唔小相，
而又唔會覺得唔自然喎，今次真係要多謝kimmy先得啦。
本來阿成都想走埋去同kimmy攬攬架....但係見到kimmy個樣仲係有啲避忌咁，
所以阿成最後都唔成功，kimmy只係同佢擊左吓掌yeah左吓咁。
之後卜sir開心到直頭拎左枝香檳出離開，唔知仲以為我地啱啱贏左nba總冠軍添呀，
差在未帶果啲鴨咀帽架咋。
開心完慶祝完過後，所有隊員都各散東西啦，可能大家都好攰啦，
都冇咩野後續活動，kimmy就同一軍返去，而我就同表妹泳琳一齊返屋企。
同表妹分道揚鑣之後就得返我同泳琳啦，泳琳行為突然180度轉變，
即刻翹住我隻手挨左個頭埋離我度，泳琳真係變得好快，可能喺其他人面前忍得好辛苦啦，
依家翹住我個樣即刻開心返哂，仲係咁喺度傻笑添。
「…嘻嘻...。」
「...做咩喺度傻笑呀，傻妹。」我問。
「...嘻嘻...小欣你今日贏波喎，仲做埋mvp添...，我梗係開心啦，嘻嘻...咁我而家咪係mvp情人囉...。」泳琳笑住咁講。
「...好爛囉....個gag...。」我o住咀講。
「…hehe...我一樓都係咁架啦。」泳琳可能跟得我耐，
個人比起我識佢果陣都搞笑左好多。間中都會搞吓爛gag。
之後泳琳就上左我屋企食飯，因為今日好攰呀，所以冇煮飯，我地喺樓下買左兩個飯盒就返左我屋企食，
食完我地都係hea住喺張梳化度睇吓電視咁，因為頭先喺籃球場都未沖得乾淨涼，
所以我依家都諗住沖多次.....點知...當我拎左啲訓覺衫褲準備入浴室果陣....。
「...小欣牙....。」泳琳喺梳化叫住我。
「...不如....一齊沖啦。」泳琳怕怕醜咁講。
「…er....嘻嘻...你都冇帶衫褲換。」唔好啦掛泳琳...咁激。
「…唔緊要啦，我一陣返去先換咪得囉。」泳琳完全無視我嘅建議，而家已經跟我行埋入浴室啦。
「...er....。」而家我好緊張。
「...快啲除衫啦...小欣。」泳琳一邊自己除一邊叫我。
唔洗咁進取吖嘛泳琳，其實我都真係未見過泳琳嘅裸體...，今次都係第一次...。
泳琳好快已經一絲不掛咁企喺我面前，而我仲係戇居居咁企左喺度。
「...小欣...我幫你除吖。」泳琳已經急不及代啦，而家成個女色魔咁除緊我啲衫褲。
好快我地兩個已經肉帛相見啦...，估唔到第一次同女朋友赤條條對住係喺我變左女仔之後，
而家嘅我....對住一個女神級美女嘅裸體...竟然...一啲感覺都冇....係完全冇....，講真仲有小小反感添....，
相反泳琳個樣就好似好享受咁...塊面仲有小小紅。我同泳琳一齊行左入企缸，我開左個花灑自己開始洗頭。
但係....泳琳突然係我背脊貼左埋離，用佢對美乳同我body起上離喎。
「...嗯....吖...。」泳琳一路郁，一路喺度呻吟...感覺有啲怪....唔知點解我突然諗起足浴店果個男人添。
我冇理到泳琳，繼續洗頭而泳琳就繼續喺度磨我...磨左差唔多五分鐘左右，
佢開始喺後面伸左對手前離，撫摸我對32c波波。
「...吖....小琳....唔好啦。」我好敏感忍唔住吖左出離。
「…你...唔洗理我架...，繼續洗頭啦。」泳琳好淫賤咁細細聲喺我耳邊講。
我忍住唔係咁舒服嘅感覺繼續洗頭，期間泳琳不斷用手指喺我乳頭度打圈....
我真係覺得好難頂呀...我就離忍唔住啦，泳琳你放過我啦...。
「...我...我...仲係接受唔到....。」最後我終於都去到臨界點...我細細力撥開左泳琳對手....雙手撳住自己對波。
泳琳終於都停低左，見到我咁嘅反應而家佢行返出企缸出面開始著返啲衫褲，
而我就繼續喺入面洗頭。
我唔敢面對泳琳，突然覺得佢好恐怖....，好似隨時會非禮我咁...我留左喺浴室好耐，
最後我差唔多沖左成個鐘先敢返出去。
出到去之後泳琳已經走左，我唔知佢到底係嬲左我定係點...，唉...泳琳呀泳琳，
其實我同你一齊嘅時候真係好開心架...，但係性果方面...唔知點解我真係接受唔到呀....
但係泳琳走左都冇計啦，有咩唯有第日先再算啦。
我吹完頭之後就，招牌動作大字形灘喺床度...講到依度大家都知我要做咩啦.....早抖.....z.....z......。
第二日係星期日，我緊係訓到黄朝百晏先起身啦。
「…吖....真係舒服啦，原來我訓到成十一點幾架啦..。」我而家伸緊懶腰。
之後我起左身梳洗，當我刷緊牙果陣....。
「 ~金線刺繡的歌詞~命中要奉獻他淪為謊話~天宮早變敗瓦~真絲化做亂麻~」
電話鈴聲突然響起。
邊個打比我呢?唔通係泳琳...我有小小驚....戰戰兢兢咁拎住部s7....咦...原來係kimmy喎，
好小可依啲時間打比我架喎。
「...喂...kimmy咁早嘅。」我講。
「…嘻嘻...十一點幾唔早架啦，阿嫂。」kimmy幾時都咁陽光嘅。
「...嘻嘻...係訓得晏左啲嘅。」我笑笑口答。
「……er...唔緊要啦，阿嫂你今日得唔得閒呀?...」kimmy問。
「...er...都冇野做嘅。」我答。
「…咁就好啦...我想你陪我去一度地方呀...。」kimmy繼續講。
「...邊度呀?...」
「…er...睇阿成踢波。」kimmy越講越細聲，好似好怕醜咁。
「…痾.....你地....嘻嘻。」今次終於都到我笑淫淫咁同kimmy講野啦。
「...咩...咩喎，咁阿嫂你叫我睇開啲吖嘛....咁我見阿成約左我去睇佢踢波咁多次囉....咪....咪去一次囉。」
隔住電話都feel到kimmy依家面都紅埋。
「...嘻嘻...咁好啦，幾點呀?...」我問.
「…佢話一點開波喎，一係我地十二點半係球場附近食小小野先上去啦，好唔好呀...阿嫂?」kimmy繼續問。
「...好啦，一陣見。」我答。
收左線之後，我就繼續洗面刷牙。因為其實都差唔多十二點架啦，我換得衫離都差唔多要出門口。
今日我著左條淺藍色吊帶牛仔工人褲，入面著左件白色t恤。
我搞掂哂野之後就出發啦。
因為阿成喺kimmy屋企附近配水庫度踢，所以我地約左喺kimmy屋企樓下商場間m記度等...。
一去到m記，就見到kimmy坐左喺度，食緊個麥樂雞餐。
「...喂....依邊呀...阿嫂。」一見到我，kimmy係咁同我揮手，個傻妹真係十年如一日架。
「...嘻嘻...我叫左九件雞呀，阿嫂你都食啲啦。」一坐低kimmy已經隊左個餐埋離同我兩份食。
都好嘅依家嘅我，食一個餐又太飽喎，食小小ok架啦。
「...er...我去買杯野飲先。」諗諗吓，乾哽麥樂雞都唔係咁掂，所有我走左去買杯野飲。
「...靚女...想食啲咩呀。」櫃檯係一個後生mk仔，應該同我差唔多大，
染左金毛留住個風輪海頭唔知想點咁嘅樣，仲要係咁對住我chok樣。
「…er....唔該一杯細可樂吖。」我講。
「...ok，多謝你六蚊吖。」mk仔繼續chok樣引我注意，我都冇咩心情理佢啦，比左錢我就拎左部電話出離撳。
「...搞掂，攞得啦靚女。」幾分鐘之後mk仔返離，除左杯可樂之外，
唔知點解仲有盒麥樂雞，一杯栗米，一包中薯條同一杯士多啤梨新地喺個盤度。
「…er....我冇叫依啲野架喎。」我好疑惑咁問個mk。
「…依啲...係我請靚女你食嘅。」mk又chok樣啦。
「…吓....唔係咁好掛。」我好尷尬咁同佢講。
「…唔緊要架，唔洗擔心我，冇事嘅。」mk仔好情深咁對住我講。
喂....我邊有擔心過你姐....唔好自作多情喎。
「…er....咁...多謝啦。」mk死都要推比我，我最後講左句多謝之後就攞左。
我見到mk個樣好開心，好似好有成功感咁。
「...嘩....阿嫂，你又話唔肚餓嘅?...」kimmy見到成盤野，而家眼都凸埋。
「…er...。」我講返mk單野比kimmy聽。
「...哦....咁個mk擺明想溝阿嫂你啦。」聽完之後kimmy講。
其實唔洗講都知道啦，但係人地想點我都管唔到架啦。
「…唉....唔好講啦kimmy幫手食野啦。」我打斷左kimmy之後係咁塞啲麥樂雞落佢個口度....哈哈，
kimmy差唔多比我塞左四...五粒落口囉。
「...ng....阿嫂....呀...ng...。」見到kimmy講唔到野，兩邊面珠脹哂果個樣，
真係好想用兩隻手撳落去囉。
幾經辛苦，我地終於都食哂啲野啦。
就係因為同啲食物苦戰左好耐，所以搞到我地過哂鐘先行到上配水庫足球場。
上到去原來都幾多人喎，已經開左波，於是我同kimmy就是但搵個暗角位坐埋一邊。
睇睇先...而家阿成佢地踢緊，眼見阿成啲對友都係我地學校足球隊啲人，
咦....喂，睇睇吓.....點解場入面全部人都熟口熟面咁嘅.....。