天使原來是男生（舊名：魯莽天使）[小甜][變身][男變女][籃球]: 33
~「...咁...聽日見啦，小欣。」一軍準備走啦。
「...er....你有冇野做呀?」我開口問一軍。
「…冇呀...小欣，做咩呀?」一軍繼續微笑。
「…你橫掂都帶左衫褲，不如陪我落街射波囉 。」我問。
「…好吖...打到熄燈都陪小欣你。」一軍講。
「…咁...咁你入離坐吓先啦，要等我換一換衫。」我口窒窒咁講。
就係咁，我同一軍就再一次孤男寡女共處一室啦。
入到屋之後，我就叫佢入廁所換，而我就走返入自己房換，我偷睇到一軍今日係帶左套白色嘅校隊波衫出離，
所以我返到入房亦都喺換返套白色嘅校隊波衫。
我換好衫褲出到離，已經見到一軍坐左喺梳化度等緊我啦，
無計啦，女仔換衫係耐啲架啦...嘻嘻。
拎齊野之後我地兩個就出門口著鞋出發啦。
「....不如食啲野先囉。」落到樓下之後一軍笑笑口咁問我。
「...er...其實我都肚肚地餓架...嘻嘻。」我伸左條脷出離。
之後一軍就帶左我去商場度食下午茶啦，而家我地兩個人都著住套白色校隊波衫，
好似著緊情侶裝咁...嘻嘻。
食完之後，我地就去到我邨入面個籃球場，可能時間尚早啦，
球場而家得一個場有啲學生喺度鬥緊波，我同一軍就行左去另外個吉場度射波。
大約射左十分鐘熱身之後。
「…不如one on one囉。」我突然想同一軍對打一場。
「...哈哈...玩吓囉。」一軍笑笑口答我。
一軍讓我開波先，我地打十分game，一開波我見一軍離我幾遠吓，所以即刻射左個中距離入左。
「…喂...呀，你都冇mark人嘅。」我話一軍。
「…嘻嘻.......一時大意姐。」一軍笑住答我。
第二球我繼續開波，一軍稍為企貼左我，我嘗試做兩吓插花過佢，我一個跨步產向一軍左邊上籃，
一軍其實跟得好貼，但係冇舉手阻我，我再上籃得分。
「...咦....點解唔認真啲姐...我想知我地實力差幾遠呀。」我有小小怨言。
「...好啦好啦...小欣離啦。」一軍屈膝張開左雙手，扮出一個嚴密防守嘅姿勢。
之後佢的確係比頭先認真小小，我幾球突破都搵唔到起手機會，
最後一軍只係企喺度舉手已經搞到我射失左。
到一軍進攻之後，我更加連波皮都掂唔到咁濟，一軍已經冇強攻我內線架啦，
只係不斷喺外圍射波，佢拎住個波舉起手，我根本就掂唔到，
一軍又準喎，連續比佢射入哂十球完場，簡直就好似比佢sm咁....。
「...吁....吁....呼。」打完之後我透緊大氣。但係一軍好似好輕鬆咁。
「...小欣....透順條氣先啦，...拿。..飲啖水先啦。」我地坐返喺場邊，一軍遞左枝水比我。
「…吁....唔...該。」我接左枝水，飲左幾啖。
「…吁....點解...你..可以咁勁架。」我一邊飲水一邊問。
「...小欣你咪仲勁。」一軍講。
「……你串我牙...。」我睥住佢講。
「...唔係呀...真架，女仔離講你真係算好勁架啦，我睇你啲插花做得咁純熟，
好小有女仔控球控得咁好架。」一軍繼續講。
「…er....不如你教我低位技巧吖，我覺得依方面我好差。」我突然有個想佢教我打波嘅諗法。
「…冇問題吖....你想學咩吖?...」一軍微笑住答我。
「...我...要...哂...。」我雙手揸實拳頭，懶兇狠咁做出一個想打交嘅搞gag姿勢。
「...哈哈...哈哈...okok。」一軍見到我忍唔住笑左出離。
之後我地就開始練習啦，一軍示範左幾個背籃單打嘅動作比我睇，之後就到我示範。
唔知點解，我硬係做到冇咁好睇架喎，我做左幾次都轉到啲腳步錯錯地咁。
「...哈哈...唔係咁呀，小欣...拿...你mark住我先...。」一軍而家再一次示範。
「...拿...睇住我啦喎，用隻左手頂住對方心口...，右手攞波。」一軍邊講邊做動作。
「...sorry。」一軍突然縮開左手講..。
係喎可能我太投入啦，都冇為意到頭先一軍隻手頂左落我個胸度添....。
之後一軍都喺我身邊捉住我隻手教我。
「…拿...小欣...轉身果吓，記住要食左對方腳位，咁佢咪轉唔到囉。」一軍講解緊動作要點。
有一軍指導真係易明好多喎，有啲動作以前原來自己一直都做錯左，
所以慢好多，但係一軍教完真係會流暢左喎，不過當然仲要練習先會進步啦。
光陰似箭，好快就已經練左兩個鐘啦。
「…都...差唔多啦喎。」一軍講。
「…嗯...。」我答。
「…不如上我屋企食晚飯囉，er...我今朝買哂餸架啦。」一軍口窒窒咁講。
「...er....。」
「...放心喎，kimmy都喺度。」一軍再講。
「…咁...都好吖..，但係我想返去沖個涼先。」我答。
「…我陪你?」一軍問。
「...唔...唔洗啦...我搞好耐架，你返去煮飯先啦...嘻嘻。」我口窒窒咁答。
「...ok...咁我返去準備吓先啦...小欣，轉頭見。」一軍之後就走左，
而我就返屋企洗白白啦，唔沖個涼嘅話，一陣去到一軍屋企臭崩崩點算喎。
就係咁，我沖乾淨涼，換好哂衫就出發去一軍屋企啦，搭左十五分鐘巴士就到左。
~叮噹...~ 我撳緊門鐘。
「...咦....阿嫂...，點解你會離嘅?...」kimmy見到我好興奮咁問。
「…er...你阿哥叫我離食飯...。」我有啲唔好意思咁講。
「…嘻嘻...唔洗咁拘謹喎，入離坐啦。」kimmy好開心咁拉左我入屋。
「…打搞哂。」我同kimmy坐左喺梳化度。
「…嘻嘻...唔怪得阿哥一返到離就仆到去沖涼啦，平時佢唔到十點都唔肯沖架，
原來阿嫂離食飯。」kimmy笑淫淫咁講。
「...佢依家呢?...」我問。
「...沖完涼之後就走左入廚房，之後就冇出過離啦。」kimmy講。
我同kimmy喺梳化坐左半個鍾左右，終於見到一軍喺廚房度走返出離啦。
「…小欣...，唔好意思呀...要你等咁耐，就食得架啦。」一軍一邊鋪枱一邊講。
「...喂...阿妹，幫幫手啦。」一軍同kimmy講。
「...唉...得啦得啦。」kimmy好唔滿意咁行左入廚房。
當我想跟埋入去幫手果陣。
「…小欣...你坐啦，你係客人離架嘛，等阿妹幫得架啦。」一軍叫住左我。
咁無辦法啦，唯有坐喺度等食啦。
kimmy好快就已經攞哂啲餸出離，嘩....又幾好餸喎，
成五餸一湯，真係一軍自己一個煮嘅?....睇個樣又唔似外賣喎。
「…嘻嘻...阿嫂，唔洗望啦，真係阿哥自己一個煮架。」kimmy見我望住啲餸望到呆哂咁。
「...小欣...，做咩仲唔起筷呀?」一軍終於都坐左埋離啦。
「...嘻嘻...阿嫂等埋你先食吖嘛。」kimmy笑住講。
就係咁，我第一次上一軍屋企食飯啦。
「...咦....蠔仔炒蛋...?」我一路食一路講。
「...er...。」一軍講。
「...啲蠔呢，係阿哥啱啱先買返離架咋，知道阿嫂你鍾意食蠔吖嘛。」kimmy邊食邊講。
「...er...多謝...。」我好尷尬咁講。
「...er...算...算得啲咩吖，小欣你鍾意食我隨時都可以煮比你食架。」一軍亦都好尷尬咁答。
「…不過呢，一軍你煮野都真係幾好食喎。」我食住蠔仔炒蛋講。
「...緊係啦，阿哥細細個就煮飯我食架啦...日子有功架。」kimmy講。
就係咁，全餐飯kimmy就不停讚一軍，又話佢煮野有幾叻呀，有幾細心呀...係咁話一軍嫁得過架...咁。
食完飯之後，我堅持要幫kimmy手洗碗，一軍開頭都唔係咁願意架，但係最後都由得我。
於是我就同kimmy兩個人走左入廚房啦。
「…真係好啦，阿嫂離同我食飯，又陪我洗野，如果以後都係咁就好啦。」洗緊野果陣kimmy同我講。
「…er....哈哈...。」都唔知點答佢好，我拎左部手機出離撳緊回避佢嘅問題。
「...咦...，阿嫂用緊部新電話啦喎。」kimmy望到我部電話講。
「...er...係呀，阿成送架嘛...用左一排啦。」我答。
「...哦...。」kimmy繼續洗野。
「…其實呢，阿成份人都幾好吖...又有錢，個人又細心，又夠義氣，係外表差小小姐，
不過kimmy你都應該唔係睇外表果啲人離吖，點解唔考慮吓佢嘅....？」我嚫有機會幫阿成試探吓kimmy先。
「…er...阿嫂你唔知架啦，阿成佢....好咸濕架...。」kimmy面紅紅咁講。
「...吓...佢對你做過啲咩呀?」做戲緊係要做全套啦，我繼續扮唔知。
「...er....其實唔係啲咩野嘅...，本...本來我都接受左佢架啦，但...但係...佢一攬住我就....就....。」
kimmy而家個樣尷尬到不得之了，塊面紅過關公咁。
「...就咩呢?」我問。
「...就摸我...個胸囉...。」kimmy終於都講左出離啦。
「…er....雖然阿成咁係心急左啲嘅...，之但係男人有時性慾到係連佢自己都控制唔到架，
依啲都係正常生理反應離架。」我講。
「...點解...阿嫂你好似...好了解男人咁嘅...，唔通...。」kimmy唔知又諗緊咩野呢。
「...唔通阿哥一開始果陣都係咁對你，所以果陣你咁嬲佢?...」kimmy諗埋哂啲野都唔合邏輯嘅...。
「...唔係呀，我憎佢果陣我係未識佢架。」我好勞氣咁講。
「…咁...唔識佢，點解又要憎佢呀...？」kimmy繼續發問。
「…er...因為...果陣我見到佢係街度推開alice，咁...所以我誤會左一軍，以為佢係打女人果啲人囉...。」我越講越細聲。
「...哦...原來係咁。」kimmy講。
「...咁你都諗吓啦，我都可以誤會左一軍咁耐都唔知，你都應該比個機會阿成啦。」我講。
之後kimmy冇出到聲，繼續洗碗。
「我相信阿成都應該好後悔架啦，如果可以嘅你咪試吓比多次機會佢囉。」我再講。
「…嗯...我試吓啦...阿嫂。」kimmy終於都應我啦，希望佢真係諗通啦。
洗完野之後坐多陣，我就返屋企啦，一軍又話要送我喎，我死推難推都推唔到佢，
所以最後佢都係送到我去屋企門口嘅。
因為頭先已經沖左涼，所以返到去之後我只係洗面刷牙就可以灘上床訓覺啦，
今日同一軍練完波，所以而家都幾攰吓.....，訓喺度我又開始諗吓野，
...拿...阿成，我幫到盡架啦，追唔追到kimmy就睇你做化啦......好啦....z.....z.....訓啦.....。