天使原來是男生（舊名：魯莽天使）[小甜][變身][男變女][籃球]: 32
~「…老細...千語bb到。」老闆娘繼續為我介紹再極速閃人。
間房依然係好暗，我見到一個好細粒嘅男仔坐左喺張床度，
坐到直一直好似仲緊張過我咁...，我慢慢行近床邊...，
點解個身形好似好熟咁嘅，佢依家仲係驚到成個人震哂咁，
似係第一次出離玩咁....。
「…hi....你....你好呀.」個男仔終於開口啦，講野講到口都震埋。
點解把聲好似好熟咁嘅.....我慢慢行返去門口果邊，
嘗試將燈調光...，個男仔由開頭嘅黑影慢慢變成清晰嘅影像啦...。
「...吓....。」「……吓.....。」我地兩個同時大叫。
「....欣姐.....。」
「....阿成......。」
竟然係阿成...點解佢會離依啲咁嘅地方架????
正當我唔知講咩好嘅時候，阿成突然搶住開聲。
「…欣姐.....，求...求吓你千祈唔好講比kimmy知呀....我第一次架咋....。」阿成驚到直頭跪左喺度。
「...咁...咁你點解要咁做吖...，你唔係好鍾意kimmy架咩。?」我問佢。
「……係...係呀...，我真係好愛kimmy架，但...但係....我都有性需要架嗎...。」阿成口窒窒咁講。
諗諗吓其實阿成又好似冇錯喎，又未拍拖...一個正常男人，有性需要都好合理...只係...打j姐。
「…咁....咁...欣姐你又點解...喺度嘅。?」阿成突然問我。
「...吓....其實...係我有一個朋友借左人錢冇錢還，我為左幫佢...我先離架咋
....我...我都係啱啱到咋嘛。」幾大都唔話比佢知我頭先做左一單。
「...咁...你朋友差幾多呀...欣姐。」阿成問我。
「....er....兩萬。」我諗一諗之後答阿成。
「...er....都唔算好大數目姐...，我幫欣姐你比囉...，但係欣姐應承我...，
一定要幫我保守依個秘密...咁...好唔好吖...。」阿成而家驚到慌哂。
「…好....一言為定。」其實我又點會講出去吖....篤爆佢咪即係篤爆自己，我邊有咁蠢架。
「...拿...欣姐...。」阿成喺銀包拎左廿張一千蚊出離比我。 條友真係隨身都帶住咁q多錢架囉，離哂譜架。
「...其實...你到底有冇正式向kimmy示過愛架?」拎左果兩萬蚊之後我問阿成。
「...緊...緊係有啦....但係唔成功。」阿成頭dupdup咁答。
「...點解呢...?...其實你份人都唔差吖，又有義氣，個人又真，仲有愛心添，做朋友一流。」
啱啱先拎左阿成兩萬蚊，緊係要幫佢帶多幾頂高帽先啦。
「...本...本來...係差小小成功嘅...之但係...」阿成講講吓停左。
「...但係乜野呢?」我問。
「…果次我攬住kimmy...，想kiss佢果陣...我...」阿成又停左。
「....我咩姐?」我有啲唔耐煩。
「...我...忍唔住揸左落佢個波度。」阿成而家面都紅埋。
而我都係...好尷尬呀。
「…咁...你又真係猴禽左啲喎，未一齊已經想搞人...，
比kimmy嘅印象緊係唔好啦。」我講。
「...我...已經好後悔架啦...，咁當時真係忍唔到吖嘛。」點解阿成講依句野果陣咁似我以前嘅。
「…之後...kimmy就對我態度唔同以前，成個冷淡哂啦。」阿成講。點解咁似歌詞嘅。
「…唉...我都明嘅，咁啦...我試吓盡量幫你喺kimmy面前講多啲好說話啦，
我見阿成你對kimmy痴心一片，我都想你地有情人終成扣肉嘅。」我講。
「...多...多謝你呀，欣姐。」阿成感動到喊咁濟。
「…得啦得啦...，記住唔好再離依啲地方啦，比啲時間kimmy啦。」我講。
「..收到...欣姐。」
我同阿成傾到差唔多夠鐘，之後我就返出去休息室度啦。一返到去，
好彩見到表妹仲係坐左喺度而唔係比人格硬逼左入房姐。
「...表 ...表姐...嗚...。」表妹見到我之後，衝左埋離攬住我係咁喊。
「...傻...傻妹離嘅...，冇事啦...過左去啦...唔好喊啦。」我繼續安慰佢。
其實我都真係好小見表妹喊，佢本身都係好堅強果類人，
所以今次件事真係煩擾左佢好耐佢先會咁，點都好啦...件事終於都完結啦。
我同表妹換完衫之後就一齊走返落街，雖然老闆娘都有留我地，但係亦都冇格硬離。
「…肚唔肚餓呀?」落到街之後我問表妹。
「...小小啦。」表妹答。
「…食唔食啲野呀?」我問。
「是但啦。」
於是乎我就帶左表妹去附近嘅太興食(黯然銷魂飯)啦...嘻嘻...即係叉燒飯呀。
「...拿...攞住啦。」食緊飯果陣，我遞左果兩萬蚊比表妹。
「…表...表姐...點解你會有咁多錢架?」表妹望住我又望吓啲錢，個樣好疑惑咁。
「...唔好問...總之就快啲搞掂條數佢。」我講。
「...嗚...表姐你一定係為左我同人做左果啲野啦...嗚嗚...
係我害左表姐你呀...嗚嗚嗚嗚...。」表妹一路講一路忍唔住爆喊。
「...喂...成間餐廳都聽到哂啦，細聲啲啦。」我好緊張咁講。
「...嗚...嗚...。」
「...唔係呀...我冇做過呀。」我細細聲講。
「…你唔洗呃我啦...邊會有人無啦啦比咁多錢喎...。」唉...救命呀，我又唔可以篤爆阿成喎。
.....到最後我都係冇出過聲。
食完飯我送表妹返屋企之後先自己返去。
返到屋企沖完涼之後，我又招牌動作大字形咁灘左喺張床度諗野，
唉...今次真係一個好嚴峻嘅考驗，雖然係比人抽左水，亦都比人格硬捉住隻手打j，
但係都總算有驚無險啦....訓啦......z...z。
到第二日小息果陣...。
「…點呀點呀...條數搞掂啦嘛?」我捉左表妹上天台問佢。
「...搞掂哂啦...表姐，今次好彩得你咋。」表妹講。
「...講呢啲... 。」我講。
「…不過要表姐你為左我做果啲野...我點都係過意唔去架啦...，
所以我發誓我以後都唔會再借錢，第日做銀行借返錢比人...要照顧表姐一世。」
表妹而家舉起左三隻手指，好認真咁發緊誓。
「...得啦得啦，信你啦...唔洗發誓喎。」我講。
點解講極表妹都唔信我冇比人搞過架...。
點都好啦，搞掂左條數就得啦。
之後我地就如常上堂，話咁快又到放學啦，今日都係唔洗留喺學校度練波呀，
但係....冇得練波咪即係....冇得見一軍囉...。
我有啲失落...，因為泳琳要留喺度處理秋季旅行嘅事務，所以我自己一個人返屋企先。
我一邊行一邊望住人來人往嘅街道，陣陣清風吹落我身，果種孤獨同落幕嘅感覺瞬間浮現...。
因為都已經十一月尾啦，我仲係著緊條校裙加件冷衫，裡面得個bra，
底衫都冇件，所以啲風打落離都真係有小小凍...。
「...hi...小欣。」邊個叫我呢，我回頭望一望，竟然係一軍。
「…你...唔洗加操咩.?」我問一軍。
「…本來要嘅，但係卜sir同程sir都突然唔得閒，所以除消左。」一軍諗一諗之後答我。
「…哦...。」
「...我送你返屋企吖...小欣。」一軍微笑對住我講。
「...嗯...。」我點點頭。 其實我心入面係好想嘅...。
有時我真係好恨，點解時間會過得咁快，轉眼間...一軍已經送我去到門口啦。