天使原來是男生（舊名：魯莽天使）[小甜][變身][男變女][籃球]: 29
~食完飯之後，一軍照舊送我返屋企。
「……係呢...小欣呀，你同泳琳佢...一齊左好耐架啦?....你係幾時開始鍾意女仔架?」行緊果陣一軍忽然問我。
「…吓...，er....我同泳琳佢...咪我喺台灣讀完書返離之後囉，
至於...幾時開始鍾意女仔......我唔係好記得啦...哈哈。」都唔知點答佢好，唔通答佢，一出世就鍾意咩。
「...係呀...，咁你有冇鍾意過...男仔呀?」一軍滿懷心事咁問。
「...吓...冇喎。」我面紅紅咁答。
「...咁樣牙...。」一軍講。
「...哈哈，唔好講埋啲衰野啦。」我笑笑口講。
「...咦....。」行到去稅務大樓附近.....我見到。
「……做咩呀，小欣?」我而家呆左，一軍見到我眼定定咁，所以問我咩事。
「...果個人呀....。」我講。
係果個外國人呀，...佢突然係我眼前出現。
所以我而家跟住佢尾。
「...咩...咩事呀，小欣。」一軍見我無啦啦跟住個人走緊，所以問我。
「…唔好問...同我一齊跟住果個人。」我一路行一路講。
我而家真係好緊張，我真係好想知道個真相，只要搵到佢，我就可以變返做男仔架啦。
我地跟住佢跟左幾個街口，之後佢突然跳左上佢果部白色私家車。
.............點算呢?
「...小欣，上車啦。」原來一軍已經截左部的士，而家我地上左的士跟住佢。
「…小欣，唔洗咁緊張啦。」一軍捉住左我隻手講。我而家手都震埋咁。
我地部的士由灣仔開車，經告士打道東行上東區走廊一直跟到去筲箕灣，就係筲箕灣準備上柴灣道果陣......。
~...咕嚕...咕嚕...~的士突然發出怪聲。
「…做咩停車呀...司機.?」我好緊張咁問。而家司機停埋左一邊。
「...部車死火呀，小姐...行唔到住啦。」的士司機一副關仁忍事嘅樣。
「…妖....…。」我好嬲呀....我走左落車，喺條馬路度行離行去，唔知點算咁。
唔通真係整定嘅....我跪左係地下度...好無助咁嘅樣，而一軍就企左喺我隔離望住我嘅背影....，
就喺我準備放棄果陣，形勢真係峰迴路轉呀....。
「…喂...子欣，喺度做咩呀?...」一把熟悉嘅聲音喺我背後出現，我下意識回頭一望....竟然係.......
係聰哥....，佢而家揸住佢部本田cbr600電單車停左喺我後面。
「...聰....聰...哥，幫我呀。」我即刻彈左起身一野跳左上佢車尾。
「...ok...。」聰哥問都冇問我咩事，就已經彈極力子極速開車啦。
之後我同聰哥講叫佢幫我追部白色私家車。
「...頭先我見到佢...應該係轉左入大潭道。」我好緊張咁同聰哥講。
「...大潭道牙....good，果邊得一條路，應該追到....。」聰哥好有自信咁答我。
估唔到聰哥手車真係好得，我唔知佢到底開到幾快囉，我只係知道周圍嘅影像變得好模糊，
聰哥訓彎果陣個膝頭哥直頭係掂住個地下咁濟。
但係我地追到去石澳道分叉位都未見到部私家車。
「………點...點算呀?」我大叫左出離。
「...左邊吖...。」聰哥好有自信咁轉左入石澳道，聰哥咁聰明一定有佢嘅理由嘅....而家唯有相信佢啦.....，
我地再行左一分鐘左右，終於....追到去大浪灣道回旋處之前....。
「…係....係果部啦。」我大叫，而家部白色私家車就喺我地前面一百米左右。
「…ok...冇難度。」聰哥繼續自信佬上身。
過左回旋處之後，私家車並冇轉到落石澳，而係直產大浪灣方向。
而家私家車應該發現左我地，開始加速逃走緊。但係私家車又點會夠電單車快吖，
就好似龜兔賽跑咁，聰哥要緊貼佢根本就冇難度，而家私家車就好似聰哥嘅囊中物咁，
點飛都飛唔出佢嘅五指山啦，....終於...私家車喺大浪灣停車位度失控衝左埋路邊欄杆度。
「嘭...」...............
一分鐘之後，外國人終於都斯斯然咁落車，
無錯....一定係佢...而家我同佢嘅距離只有十幾米，
所以我睇得好清楚。
外國人而家企左喺我前面望住我同聰哥，正當我想開口嘅時候....。
「…咦…占博士...。」聰哥突然開口，而且佢依家個樣，好似識得個外國人咁。
「...占博士?」我講。而家外國人好疑惑咁望住聰哥。
「…lee...係...?」佢講中文，雖然唔係講得好正，但係都勉強聽得明。
「...我呀，你(物理系)學生steven chow呀。」聰哥而家博緊friend，但係人地好似唔識佢咁囉。
「...steven chow?...哦...柯記得啦，lee係(聲樂系)果個高材生，但係...我好似冇教過lee 喎。」外國人講。
「…點會呀，我日日都上你堂架喎。」聰哥好激動咁講。
「…er...柯明啦，其實...理論上...柯唔係lee果個占博士，但係lee又可以話柯係。」外國人講。
「…唔...唔通...，(宇宙蟲洞理論)真係成功左?」聰哥好驚訝咁問。
睇離依家只有我一個人唔知佢地到底喺度講咩囉。
「...柯係成功左，佢應該仲未。」外國人講。
「...喂..喂...你地到底講緊咩野姐。」我忍唔住打斷左佢地，而家成面都係問號。
「...er...子欣...你好呀。」外國人講。
「…你...你到底係邊個喎，係咪你搞到我咁架?」我口窒窒咁問佢。
「...er....等我自我介紹一下先，我個中文名叫做占比利，你亦都可以叫我billy jim。」占博士講。
「…咁...咁又點姐，我都唔識你。」我繼續口窒。
「…不如等我講過故事你地聽吖。」占博士講。
「..吓...講故事...。」我好疑惑咁問。
「...關於歐陽若冰嘅故事。」占博士講。
「…吓…媽咪...。」我叫左出離。點解佢會識我阿媽架?
「...好多年前，係美國加洲，若冰係我嘅鄰居，我地由細就一齊玩一齊生活，感情就好到情侶咁，
到大過左之後我地順理成章一齊左，我地好快就做左同居情人。
本來我地嘅感情已經去到談婚論嫁嘅地步，但係偶然嘅一個機會，當時一個好有權威嘅科學家，
有個研究項目向我招手，因為依個係一個軍方嘅秘密項目，所以一但我接手，就要同身邊所有人五年內斷絕任何連絡，
當時我真係好醉心於科學研究，我掙扎左好耐，最終我選擇左科學。」
「我突然人間蒸發左，我知當時若冰一定喺相當之痛苦，...但係年少無知嘅我，當時根本就冇珍惜，
到我完成左果個研究之後，我真係好想即係搵返若冰，但係到我搵到佢之後，佢已經嫁左人啦。」占博士講。
「…吓。..嫁左人。」我搭左句嗲。
「...係...就係子欣你爸爸周華安。當時我真係好後悔，我真係好唔甘心，
我曾經有過想拆散佢地嘅念頭，但係之後我發覺其實華安佢對若冰真係好好，
直頭好到我有啲自塊不如，最後我成全左佢地。」
「...但係好景不常，世事始終難料，三年之後，我得知已經跟華安返左香港生活嘅若冰，
因為一次交通意外，離開左...。我當時好傷心，我傷心到連續幾日都冇辦法入睡，
我開始借酒消愁...我連我最愛嘅科學亦都暫時放埋左一邊，晚晚就只係識坐喺梳化不停飲酒...。
到有一日，我腦入面突然出現一個念頭.....，(時光機)...，愛因斯坦嘅狹義相對論入面提到嘅時空轉移，
於是我開始著手研究，我一定要研製出時光機返返去救若冰。
但係...世事又邊有咁理想吖，我辛辛苦苦研究左十年亦都未見起色，
我嘅資金開始用盡啦，....只淨低最後一次嘅實驗經費...，
終於.....最後一次嘅實驗......結果...
我都係失敗左，我冇辦法研製出時光機，但係意外中我發現到另一樣野.....，一個平衡宇宙。」占博士講。
「...吓....咩野係平衡宇宙呀?」我仲係一頭霧水咁問。
「...子欣呀，其實呢...每當我地一個人做一個選擇之後，就會分裂出一個平衡宇宙出離。」占博士講。
「...咁...咁即係點呀，都係唔係好明呀。」我搶住問。
「…例如呢....，當年若冰如果有繼續等我而唔係選擇左華安，咁之後就唔會有你啦。
咁就會產生左一個冇子欣你存在嘅平衡宇宙啦。」占博士講。
「...你咁講法，咪有好拿多個平衡宇宙囉。」我好疑惑咁問。
「…係...好多架，你地佛家係咪有個說法話世界係由(三千個大千世界)組成嘅，意思我諗就係咁啦。
其實可能有數以憶兆個宇宙。」占博士講。
「...咁點解...你淨係搵到我地嘅宇宙呢?」我問。
「可能我地兩個宇宙比較接近啦，所以我發現左你地。」占博士講。
「...咁...咁關我變女仔乜事喎。」我口窒窒咁問占博士。
「...子欣你唔好咁心急，聽我講埋先。我無意中發現你地個宇宙之後，我一直都有留意住兩邊嘅發展，
係我地嘅宇宙，若冰死之前同華安生左個女就係周子欣，而喺你地嘅宇宙 若冰死前就同華安生左個仔出離，
就係子仁你啦。可能子欣真係生得好似阿媽若冰啦，我每次見到子欣就好似見到若冰咁。
久而久之，子欣就做左我嘅精神寄託啦。日子繼續如常，直到今年八月嘅果一日。」占博士講。
「...撞...撞車果日?」我問。
「…我地宇宙嘅周子欣不幸撞車身亡，當時我好震驚，我估唔到個天要咁玩法，要子欣同佢阿媽若冰一樣咁死。
我真係好嬲....最後我決定要做返多小野啦。因為我地兩個宇宙嘅時間線係有出入，所以我計算到三日之後，
子仁你亦都會同樣撞車身亡，於是我利用蟲洞穿越左過離你地嘅宇宙，喺你出事前果幾日已經開始跟蹤住你....，
到你出事果一日我利用機器成功救返子仁你一命。」占博士講。
「...咁...點解我會變左周子欣呢?」我繼續追問。
「……其實...係我嘅錯...，我唔忍心睇住咁可愛嘅子欣離開，
於是我把心一橫將已經死左嘅周子欣身體喺你撞車果刻傳送過離同你子仁嘅身體進行交換，
繼而令子欣嘅身體可以喺你地嘅宇宙重生。」占博士講。
「...咁點解唔係即刻換呀?要等我返到去訓醒之後先變?」我繼續問。
「...er...咁複雜嘅科學理論我諗我講完你都唔明喎，簡單d講就係要喺你冇左意識嘅情況之下，
身體先能夠進行交換，亦即係喺你訓緊覺嘅時候。」占博士講。
「...咁...我原本個身體呢?...」我問。
「…對唔住...，已經比我地宇宙嘅周華安火化左啦，佢唔知果個係你嘅身體。」占博士dup一dup低頭咁講。
「...吓....，咁...我點變返做男仔呀?」我好激動咁問。
「...sorry，身體燒左已經冇辦法啦。」占博士講。
「....吓.....搞錯呀....咁即係我...要成世繼續做女仔啦喎?」我好驚咁問。
「....無錯....，而且可能周子欣嘅殘餘記憶會同你嘅記憶共存。」占博士講。
「…例...例如呢?」我問。
「...你變左女仔之後有冇曾經見過一啲自己未見過嘅野或者人，但係又好似似曾相識咁呀?」占博士問我。
「…er....我曾經發夢見過一個金色嘅郵筒。」我講。
「…唔奇吖，我地宇宙嘅香港係用緊金色郵筒架，仲有冇呢。」占博士講。
「…我見到金色郵筒果度有個男仔喊住咁不停叫住我個名。」我繼續答。
「…果個應該係我地宇宙子欣嘅男朋友，你見到嘅係子欣臨死前見到嘅影像。」占博士講。
「...男...男朋友?」我好驚訝咁問。
「...係呀，子欣同佢男朋友相愛左兩年，好似係子欣嘅學校同學。」占博士講。
「…吓...咩人離架...?」我問。
「…好似係一齊打學校籃球隊架，好似叫咩.......吖.....咩野...倪一軍呀。」占博士講。
「…吓.....一....一軍。」點解....點解會係一軍....。
「...子欣...，你同若冰真係好似樣...。」占博士含情脈脈咁望住我。
「…喂...我係子仁囉。」我嬲嬲地咁答。
「…anyway，而家兩個宇宙已經唔再有周子仁嘅存在啦，只係得返一個周子欣，
你一定要接受依個事實，時光係返唔到轉頭，所有野已經唔可以再改變。」占博士繼續講。
「..咁....。」
「...返去啦子欣，我會繼續喺我果個宇宙度守護住你架，之前醫院果次我都係因為膽心你有事，
所以先會穿越過離睇你，所以你有事我一定會幫你。」占博士講完之後就走返上佢部私家車上面開車走左啦。
「…返去啦..。」聰哥喺我側邊叫我。
「…嗯...。」我點一點頭。
之後聰哥就揸車送返我返屋企啦。
我如常都係沖涼訓覺啦，...我又訓左上張床度，係咁諗野。
原來....依個世界同時有好多好多個我存在緊架?果個宇宙嘅一軍....同子欣真心相愛左兩年?咁而家佢一定係好傷心啦。
我突然覺得果邊嘅一軍好慘，一個深愛嘅人，一夜之間離開左佢，我不斷諗....眼淚又開始不斷流。
「…嗚.....一軍.....嗚...我好掛住你呀....嗚嗚....。」我唔知係咪潛意識下面嘅子欣令到我咁傷心，
結果我成晚都以唳洗面，直到朝早我心情先平復返。