天使原來是男生（舊名：魯莽天使）[小甜][變身][男變女][籃球]: 28
~一開波...，檸檬成功跳赢，球權落左喺我地手上啦，
小田控球快速推進，一個後手將個波交左落我手上，
對手可能對我認識唔多，比我一個插花過哂，離一個輕鬆上籃得分，成功攞到首名入球呀。
之後我連續幾球都同樣輕鬆產籃得手，對方教練被逼要叫個暫停重新部署。
「...打得好呀，小欣，係咁打就啱架啦，佢地冇人mark到你。」檸檬好興奮咁講。
而家我地返左埋隊員席果度。
我望到一軍佢地仲係觀眾席上面冇行到落離，可能係唔想我地分心啦。
「…拿...子欣，一陣繼續攻佢，如果佢地夾擊，就分返啲波出外線，比小田佢地搓散佢地。」卜sir亦都好認真部署緊。
~bi........~雞聲再度響起。
暫停後比賽繼續進行，對方調整後，真係用雙人夾擊我，我未攞波已經比人貼身防守，
我被迫將波分比小田，小田亦都冇令我地失望，成功搓空左好多球比外線嘅小美同kimmy，
但係佢地今日手風真係麻麻，好多球都射唔入，導致我地拉唔開個比數，以領先8分嘅優勢進入下半場。
我同檸檬而家坐左落後備席休息，對方嚫我地兩個內線主力唔係度頻頻內線得手...。
五分鐘之後.....。
「...吁....呼...。」因為係咁比人貼住防守，所以我依家仲喘緊氣。
「...偑檸，頂唔住啦，快啲落返場。」卜sir好緊張咁叫檸檬準備。
「...ok。」檸檬行返去準備出場。
卜sir可能見到我仲係喘哂氣咁，所以比我繼續休息。
檸檬落返場之後，即刻幫我地穩住返陣腳，我地繼續領先住四分波，雙方而家開始拉鋸啦，
因為大家都攻唔入對方，最後我地僅領先兩分打到比賽嘅最後五分鐘。
「...子欣，係時候出去掃蕩啦。」卜sir對我好有信心咁。
「...收到...。」我亦都答得好堅決，我唔可以衰比人睇，一定要打得好啲。
暫停之後，我地所有正選再次返到球場上面，我不負所望，再次發揮我最強嘅進攻力，
最後四分鐘我再攻入八分，打出一波八比零嘅攻勢，最後以42比32成功打入決賽。
到比賽完左之後。
「…你好呀，我地係體育記者離架，想同你地影幾張相同訪問幾句架。」有兩個記者行左埋離我地度。
「…哈哈...隨...隨便吖....。」卜sir而家笑到見牙唔見眼。
「...不如你先吖...同學，點稱呼呀。」記者姐姐問我。
「…er....我…我叫做周子欣呀。」我第一次比人訪問，好緊張添。
「...哦...子欣同學吖，我頭先睇你攻擊力好強喎，根本冇人mark得到你。係呢，你係咪港青隊員離架?」記者姐姐繼續訪問。
「…吓....唔係喎。」我好疑惑咁答。
「…咁有冇打緊邊隊甲組球隊呢?...」記者姐姐再問。
「…吓....er...都冇喎。」我好尷尬咁答。
「…吓...以你嘅實力，應該起馬都係甲組級數離喎，冇理由架。」而家到記者姐姐變得疑惑。
「...哦...係咁嘅，子欣佢係啱啱先喺台灣返離香港讀書架咋。」檸檬幫我解圍。
「...哦...原來係咁...。」記者姐姐終於都放過我啦，之後就順序訪問檸檬，小田，kimmy同小美啦。
訪問完之後，記者姐姐就幫我地全隊影左張大合照，跟住就走左啦。
卜sir之後都好開心呀，係咁讚我地打得好，仲話請哂我地去食晚飯添。
卜sir叫我地自由活動先，到夜晚七點鐘左右先自已去酒店集合。
估唔到卜sir又係帶我地去酒店食自助餐，可能貪佢唔洗煩掛，我地鍾意食乜就自己攞。
卜sir仲叫埋一軍同阿亮去添。
於是我地所有人換完衫之後就各有各精采啦。
「...不如我地去銅鑼灣行陣囉。」表妹問我同kimmy。
「...好呀...。」kimmy答。
「…是但啦。」我求其答。
到我地行返出更衣室之後。
「…小欣....你有冇地方去呀?」原來一軍喺出面等緊我地。
「…er....去銅鑼...。」我答。
「...阿嫂冇地方去呀...阿哥。」我答到一半比kimmy打斷左。
「...er...，不如我地去睇返場戲囉，我有兩張免費飛呀。」一軍係褲袋度拎左兩張飛出離。
「...去啦去啦...。」kimmy係咁叫我去。
「...去囉...表姐，同我地行街你都冇咩興趣架啦。」表妹真係知我心。
「...er...好...好啦。」我口窒窒答。
「...咁行啦。」一軍講完之後，我就跟住佢行左出去啦。
我冇問過一軍我地去邊度睇，亦都冇問過到底睇咩戲，我淨係知我好想去姐。
一軍帶住我上左部電車，我地兩個人坐左喺上層，一軍冇講過野而我亦都唔知講咩好。
「...落車囉...，小欣。」搭左幾個站之後，一軍就叫我落車啦。
原來一軍最後都係帶返我離銅鑼灣睇戲，我地上左皇室堡上面間戲院。
「....小欣呀，係一套功夫片離架，你介唔介意呀?」一軍好尷尬咁問我。
「……er...ok啦。」其實功夫片係賣飛佛添。
「...咁你等我一陣吖，我買啲野食先。」一軍行左過小食部果邊。
我唯有乖乖地企定定喺度等佢啦，睇吓係咩戲先....咦....宇宙最強...正喎。
「...小欣...我返離啦。」一軍講。
佢而家左右手拎住兩杯汽水，中間仲夾住筒爆谷添，好似玩緊雜技咁。
「…er...等我幫你啦。」我走左埋去幫佢拎住左筒爆谷。
「…嘻嘻，唔該小欣。」一軍好開心咁答我。
於是我地就入場睇戲啦，套戲呢...其實都幾好睇架，但係唔知點解呢，
一軍坐左喺我隔離就硬係集中唔到咁嘅，我周不時會有意無意咁偷望一軍，
但係...每次我偷望都會比一軍佢發現到囉，好尷尬呀。
唔知佢...係咪都係一直都望住我呢?
套戲終於都做完啦，其實我都唔係好記得啲劇情係講咩，只係知道我地就離又要分開啦。
「…ok...嗎，套戲?...」落到街之後，一軍問我。
「...吓....，er...唔錯吖。」我口窒窒咁答。
「...哦...，咁就好啦，我幾驚功夫片會悶嚫你呀。」一軍講。
「...點...點會喎，...你唔記得我...都識功夫架咩...。」我面紅紅咁答一軍。
「...講開又係喎，其實小欣你...點解識功夫嘅...?」一軍好疑惑咁問我。
「…er....因為....，點講呢....，因為小學果陣每年暑假，
阿爸都會帶我返鄉下福建(少林武術學校)度受訓囉...嘻嘻。」我好尷尬咁答一軍。
「…哦....原來係咁，但係點解你阿爸會咁忍心帶你一個女仔走去學功夫咁奇怪嘅?」一軍仲係好疑惑咁問。
「...吓...er....，嘻嘻...佢可能想我可以保護自己掛....哈哈。」好似牽強左啲添。
「...咁又係，小欣你真係好強呀，之前見你打飛仔果陣真係快...狠...準呀。」一軍講到我咁暴力咁架。
「...你...你咪仲勁...，一拳就ko人。」我講。
「…點同呢，小欣你係女仔離架嗎。」一軍講。
「...吓....er...。」我唔識答啦。
之後我地就去返灣仔同大家一齊食自助晚餐啦，去到餐廳門口，
已經見到卜sir，程sir同其他隊員坐哂喺度。
「…嘻嘻，阿哥阿嫂，拍完拖返離啦。」kimmy離遠已經叫我地。
「.....er。」我同一軍都冇答到佢。
「…叻仔喎...阿軍，終於追到人啦。」卜sir同一軍講。
「…er....其實未追到架。」一軍講。
「...係咪對人唔夠好呀，做男人要對女人照顧周到先得架阿軍。」卜sir說教緊一軍。
「係...係嘅卜sir，我會努力架啦。」一軍好堅決咁答卜sir。
「...咁就啱啦。」卜sir拍一拍 一軍膊頭。
卜sir呀，我企左喺隔離架咋，你咁講我會好尷尬架。...
講完一堆廢話之後，時間啱啱好夠鐘入場啦。
卜sir帶住我地行左入去，因為我地好多人呀，所以分左三張枱坐，
而家kimmy，表妹，檸檬，阿亮，我同一軍一張枱。
「…拿....一軍...唔好再逼我地同你排生蠔啦。」一坐低阿亮就同一軍講。
「...吓....原來...係...。」我口窒窒咁講。
「...係呀...阿嫂，上次阿哥叫哂我檸檬同阿亮去排生蠔比你架...嘻嘻。」kimmy笑笑口咁講。
原來係咁，唔怪得佢可以一次過拎十幾隻啦。
「...唔...唔好意思呀...。」我好尷尬咁講。
「...哈哈，傻啦阿嫂，唔洗介意喎。」阿亮講。
「...放心啦...亮哥，我頭先見到依間酒店啲生蠔唔洗排隊攞架...嘻嘻。」kimmy講。
就係咁，我又再發揮我嘅小宇宙，出去喪掃生蠔啦，依間酒店啲生蠔係開哂放喺啲冰上面架，
唔洗排隊咁麻煩，我好快就已經拎左好多隻返埋位慢慢享用。
我真係食左好多野呀，除左生蠔，依度啲甜蝦刺身都好得呀，我起馬食左30隻，
之後仲有甜品呢，有我最愛嘅籃莓芝士CAKE同H牌子雪糕呀......，講開又講做左女仔之後，
我都變得鍾意食甜品，以前真係小食小食。
好快我就掃左幾杯H牌雪糕，最後真係飽到上心口添....嘻嘻。