天使原來是男生（舊名：魯莽天使）[小甜][變身][男變女][籃球]: 第四章30
~第四章
結果我訓到下午兩點幾先起得返身。
~叮噹....~門鐘響起。
我帶住疲倦嘅身軀走去開門。
「…小欣...你冇事吖嗎?」係泳琳，佢上左離搵我。
「...冇...冇野呀...。」我對眼半開半合咁答佢。
「...你...對眼...腫哂嘅，你喊過離牙?」泳琳望住我對眼問我。
「…er....冇呀。」我繼續用柔弱嘅聲線答佢。
「...小欣，你唔想講我唔會逼你架，但係你有啲咩唔開心，我永遠都喺你身邊架。」泳琳攬住左我講。
「...泳...泳琳。」
占博士嘅事到底話唔話比泳琳知好呢....平衡宇宙....我變唔返男仔....。
都係唔好講佢聽住啦，費是佢亂諗野。
泳琳喺我屋企陪我睇吓電視，hea到成六點幾，之後泳琳同我就一齊落街食野，
我地又去左(吉吉家)食牛肉飯呀。
「…拿...比件雞你丫。」泳琳夾左件雞過離我碗牛肉飯度。
「...哦....唔該。」我呆呆地咁答佢。
「...仲係心不在焉咁嘅你。」泳琳望住我講。
「...er...唔係呀，..嘻嘻。」我笑左一笑答泳琳。
突然..........
「...咦....，阿嫂，泳琳咁啱嘅。」係kimmy，佢同一軍而家拎住個餐行左埋離。
「...係..係囉，點解你地喺度嘅。」泳琳答得好尷尬。
「...冇呀，頭先同阿哥過左離依邊個嬸嬸度吖嘛，今晚阿哥又有街去唔煮飯喎，
咪係附近食埋飯先返屋企囉。」kimmy答。
「....去...去邊呀?...」我忍唔住叫左出離。
「...阿嫂...放心喎，阿哥去亮哥屋企睇波咋...嘻嘻...唔洗咁緊張喎。」kimmy笑淫淫咁同我講。
「…er....係牙。」我細細聲咁答。
「…小欣牙...，陪我去nike睇啲野吖。」一軍突然企左起身，一手拖左我出去。
「…喂...喂...。」kimmy叫住一軍。
泳琳亦都反應唔切。
而我根本就冇出過聲咁跟住一軍。
一軍拖住我行左出(吉吉家)之後，根本就冇去到nike，只係拖左我去後樓梯。
「...小欣...琴晚你上左果個人部電單車之後，我好擔心你呀...，
果個到底係咩人離架...，你究竟追緊邊個姐?」去到後樓梯之後一軍一輪嘴咁問我。
「…一軍....，嗚...我好掛住你呀....!」我再一次情緒失控，攬住左一軍爆喊。
「…吓...小欣，琴晚我地先見完咋喎。」一軍好疑惑咁問我。
「..嗚..。」我冇答到一軍，只係繼續攬住佢...，到大約過左幾分鐘，
我情緒開始變返正常，之後慢慢鬆返開一軍。
「…er...琴晚揸電單車果個係我堂哥離架。」我答一軍。
「...咁...你到底追緊....」
「...唔好問啦，....一切都完結啦...比返小小空間我啦一軍。」我細細聲咁同一軍講。
「...明白...，小欣唔想講就唔講啦。我地返過去囉。」一軍微笑咁同我講。
但係當我地轉身諗住返入去果陣.....，有個人企左喺後樓梯門口望住我地。
「...肥....肥....恆...。」我講。
望住我地嘅竟然係肥恆。
「...小欣...，原來...，你...同佢。」肥恆口窒窒咁，
睇離佢頭先見到我同一軍攬住，而家好似想喊咁嘅樣。
「…小欣...，你識佢架咩?...佢係隔離校籃球隊個中鋒離架喎。」一軍問我。
「...吓...，er...打波識嘅。」死啦，肥恆千奇唔好亂講野呀。
「…點解小欣會㨂你架，我對小欣嘅愛，絕對唔會小得過你囉。」肥恆突然變得好激動，而家仇視緊一軍。
「…你話係就係牙。」一軍亦都好敵視咁回應肥恆。
「...夠唔夠膽今次學界比賽輸左果個就喺小欣身邊自動消失呀。」肥恆大緊一軍。
「...一言為定。」一軍好堅決咁答肥恆。
「…咁睇住離啦，我要你喺小欣身邊消失。」肥恆講完之後就掉頭走左。
「…喂...點解你要應承佢喎。」之後我嬲嬲地咁問一軍。
「…小欣...因為我有十足嘅信心，我一定可以打贏佢。」雖然話一軍係上年冠軍姐，
但係比賽嘅野邊有一定贏架....一軍你到底諗緊咩姐。
之後我同一軍就行返去(吉吉家)搵返佢地啦。
「...咁耐架...你地，啲飯凍哂啦。」kimmy見到我地之後同一軍講。
「...睇...睇波鞋睇耐左姐...哈哈。」一軍笑笑口向kimmy。
「...係咪咁簡單呀...嘻嘻。」kimmy又笑淫淫啦。
「....好啦...好啦，阿妹走啦。」一軍講。
「...喂...你都未食..咁...㗑㗑啦。」kimmy未講完已經比一軍一手拖走左。
「...頭先一軍佢...拖左你去邊度呀?」一軍走左之後，泳琳問我。
「...吓...咪去左nike囉，佢叫我幫佢㨂對鞋之嗎...哈哈。」我笑笑口咁講。
我同泳琳食完飯之後行多陣就各自返屋企啦....。
之後都冇咩特別事發生過，果晚我好早就訓左。
到第二日返學果陣，我精神終於都回復返唔小啦。
miss wong喺早會度派左張有關學校秋季旅行嘅回條。
「...吓...西貢宿營。」其中一個同學大叫。
「…喂...喂...靜啲。」miss wong拍一拍枱講。
「…今年我地中五，中六生秋季旅行，係去(西貢戶外康樂中心)兩日一夜嘅宿營活動。」miss wong繼續宣布。
「…嘩...正喎。」某同學興奮地講。
「…好野呀，宿營好多野玩架...yeah。」kimmy亦都好興奮。
「..唉...真係慘，又要聽倪金兒啲轟炸機鼻鼾聲啦。」表妹瞇起對眼講。
「…唔鍾意咪唔好去囉，死人伍家蔚。」kimmy斜睥住表妹講。
「…宿營牙...。」我講。
「...(西貢戶外康樂中心)好正架，家姐...又有得射箭，又有得攀石，夜晚仲會一齊玩定向添。」
kimmy好似導遊咁。
夜媽媽喺荒山野嶺玩定向...唔好啦掛，容乜易撞鬼架....。
就係咁，到食lunch之後，表妹失驚無神鬼鬼鼠鼠咁捉左我上天台喎。
「……喂...做咩咁神秘姐，表妹...拍緊戲咩。」上到天台之後我問。
「...嘘.....唔好咁大聲呀，比人知道好大獲架。」表妹面都青埋，用手黯住我個口。
「…表姐你今次真係要幫我呀....。」而家表妹雙手合實眼發唳光咁。
「...做...做咩先得架...，幫到我實幫架。」我口窒窒咁講。
「....er....我...借左財務公司錢呀...。」表妹口窒窒咁講。
「...唔...乸...係呀。」我大叫左出離。
「…喂....，都話唔好咁大聲囉。」表妹又黯返住我個口。
「…ng.....ng....。」比表妹黯左口嘅我想出聲。
「...唔準再咁大聲呀。」表妹講。
「…ng...。」我做左個ok手勢，之後表妹放返開隻手。
「...我都冇錢...點幫你姐。」我細細聲講。
「…佢地話再唔還會捉我去做援交呀，....點算呀...表姐..我好驚呀。」表妹喊哂口咁同我講。
「…咁你不如同阿姨講啦。」我提議。
「…痴線...實比佢打死架。」表妹好激動咁講。
「…咁又唔得...咁又唔得，咁點啦。」我講。
「...佢地話...唔想做援交都得...，叫我去足浴店度做幫人按摩喎。」表妹講。
「…足浴，按腳果啲?」我問。
「…佢地話要按全身架喎，每個按45分鐘就最小有一千蚊架啦。」表妹繼續講。
「…你...到底借左人地幾錢呀?」我問。
「…er...兩....萬...。」表妹越講越細聲。
「…喂...借咁多...。」我又忍唔住大叫左出離。
「…嘘.....，對...對唔住囉，我買吓買吓野就....越買越唔受控制啦。」表妹細細聲講。
「...唉...早知今日...何必當初呢。」我另哂頭咁同表妹講。
「...表姐...陪我一齊去吖。」表妹瞇起對眼講。
「...喂...點解要我同人按摩喎，咁核突。」我面紅紅咁講。
「...一次咁多吖...，我自己唔敢去呀。」表妹又捉住我隻手求我啦。
「…係咪真係按摩咁簡單呀...。」我好懷疑咁問表妹。
「…佢地話係架...er...話最多比人揪吓水咁囉。」表妹都答得唔肯定嘅.....。
「.....唉....一次咋，還到錢之後應承我，唔好再咁大洗啦！」
唉...，唔通見到表妹有難都見死不救咩....，更何況依啲野越拖得耐就越麻煩，
分分鐘比人利疊利都唔知點算，唯有幫佢一次啦。
「...多謝你呀....我嘅好表姐。」表妹而家攬住左我。
「…係咪真係借左兩萬咋？你唔好呃我喎。」我再一次問清楚表妹。
「...真架...真架...，呃你乜都得。」表妹依家托塔都應承。
「....唉...咁幾時吖。」我好晦氣咁問。
「......隨...隨時都得架啦，就今日放學啦...。」嘩....表妹洗唔洗急成咁呀...人地都未有心理準備...。
就係咁....放左學之後我呃泳琳要出去練波，返屋企換左校服之後，
因為未夠鐘，所以我就去左表妹屋企樓下商場度食住下午茶等表妹啦。