天使原來是男生（舊名：魯莽天使）[小甜][變身][男變女][籃球]: 27
~我地dead air左幾分鐘，唳水已經忍唔住流左出離...希望時間可以停留係依一刻。
「...sorry...呀一軍..我唔可以同你一齊架...。」我流住唳咁回應一軍要求。
「........。」一軍冇應到我，只係繼續望住我喊。
「...我...我...其實。..同泳琳佢一齊緊，但係...唔想比人知。」我終於忍唔住講左出離啦。
之後一軍諗左一諗。「…明...明白....其實我都覺得小欣你同泳琳一直係有啲野架啦....我明嘅...放心，
我唔會話比人知，但係...我會用時間去證明比小欣你睇....其實我都唔差得過泳琳架...哈哈。」
一軍笑笑口打完場，令我地嘅氣氛冇咁尷尬。
「...一軍...。」我細細聲講。
「…傻...傻豬離嘅，唔洗喊喎。」一軍繼續氹返我開心。
咁快樂嘅時光眨吓眼就過，我地兩個一齊返返落地面，電話終於都收得返啦，所以我地去匯合返大家。
「...嘻嘻...開唔開心呀，大哥大嫂。」一見到我地，kimmy笑笑口咁同我地講。
「...er....。」我唔知講咩好。
「...哈哈，緊係開心啦。」一軍搶答左，其實我...都真係幾開心...。
「...好啦，都差唔多啦，原來呢，今晚公園開到十一點半架咋，所以呢，我地出到公園出面先倒數啦。」阿成同我地講。
就係咁我地就搭返海洋列車返落山啦，出左公園之後我地搭的士去左香港仔中心果個噴水池度坐。
「…仲有三分鐘咋...。」表妹好興奮咁講。
「...今年第一次幫阿嫂慶祝生日咋，好開心呀。」kimmy講。
終於去到十一點五十九分啦。我就離又大一歲啦。
「10…9…8…7…6…5…4…3…2…1…0…。」
「~Happy Birthday to you ~Happy Birthday to you ~Happy Birthday to 欣姐..
.Happy Birthday to you 。」大家一齊為我唱生日歌。
好感動呀，咁大過仔都未試過咁多人陪我過生日架....又有啲想喊啦。
之後有部貨van開左埋離，停左喺路邊,阿成行左埋去，
原來阿成仲為我準備左個生日蛋糕添，而家係貨van度拎左過離。阿成真係好呀。
一打開個盒，嘩...好...好靚呀，係一個籃球立體蛋糕離架。
我許左個願，吹蠟燭，之後我地就分左個蛋糕離食，食緊果陣，佢地開始送禮物比我。
「...生日快樂，表姐。」係表妹呀，佢送左個手袋比我呀，可能佢知我冇女裝手袋啦。
「...大嫂..生日快樂呀。」kimmy送嘅係一個銀包離架，好靚呀。
「...生日快樂呀，小欣。」泳琳竟然送左對kobe籃球鞋比我，佢知我鍾意高比拜仁，多謝。
「...欣姐，生日快樂，唔知你鍾唔鍾意呢。?」係阿成，唔知會係咩呢........一拆開....嘩....係...係部...
…s7...。」我唔係發緊夢吖嘛????阿成送親都真係唔野小喎，竟然係部最新嘅s7手機。
「...冇呀，我見欣姐你用部s5都咁舊啦，咪送部s7比你囉。」阿成若無其事咁講，好似唔洗錢咁。
「…生日快樂。」anna送嘅係....點解...又係一條好似用過嘅絲巾嘅....睇離佢屋企有好多喺度。
「...小...小欣...生日快樂。」終於到一軍啦....佢隊左個好似戒指盒咁嘅野比我。
「...wu...阿哥想求婚吖。」kimmy大叫。
「…er...唔係戒指離架。」一軍講。好彩唔係姐，係嘅都唔知點收囉。
「…咦...，係...一隻usb手指。」我好疑惑咁講。
「...返...返去睇吓啦，小欣。」一軍口窒窒咁同我講。
其他人見到係隻手指都覺得好疑惑，我聽到阿成仲細細聲問kimmy會唔會係我同一軍啲曳曳片離喎...離哂譜架死仔成咁睇我，
我緊係扮聽唔到啦，食完蛋糕送完禮物之後，我地就各散東西啦。
返到屋企，因為我真係好好奇隻手指到底係咩野，所以我急急腳咁走左埋電腦度，
一插隻手指落去即刻彈左兩個影片檔案出離。
死啦...唔會真係咸濕野掛...一軍唔似咁變態嘅人離喎，都係開離睇吓先，我撳左第一個檔案睇。
「....hi...小欣，我而家準備要錄一首歌送比你做生日禮物呀。」影片影住一軍，
佢而家身處喺一間好似錄音室咁嘅地方，前面有枝咪，佢帶哂大大個果啲耳機好專業咁，
影片之後就係佢喺度試音呀，練歌呀果啲花髓，到最後。
「…我練左成個月架啦，雖然未必好聽，但係希望小欣你會鍾意啦。第二條片就係我正式錄音啦，
好緊張添...，喺你生日果晚十二點鐘後我會將段片放上fb架，希望到時你會去我fb望吓啦。」一軍對住鏡頭講。
吓...facebook?
我即刻撳左上facebook，見到原來一軍加左我做好友而我就未加佢，我即刻加返先...，
一撳完就見到一軍facebook入面啲野啦，12:20am真係上載左段片喺度，
標題寫住(生日快樂，送給我最愛的小欣)，雖然肉麻，但我都係忍唔住撳左落去睇。
一撳落去，音樂就起啦。音樂背後穿插住一軍練習果陣嘅片段。
https://www.youtube.com/watch?v=UppBiK8xpeg
「~看 看著你的臉 躺在我枕邊 是你令時光蔓延
你 折射了光線 刷亮我眼邊 午後陽光彷彿給你加冕
不管身邊多改變 只顧這日誓言 一聲不發在你身邊
不許你註定一人 永遠共你去抱緊 一生中百樣可能 愛上你是種緣份
簡單的一吻 手心的抖震 示意我再不必孤單寄生
只想會有日可能 與你共姓的身份 要回望這生 也有你陪襯
不作陌生人 只做你情人 不枉此生~」
雖然一軍唔算唱得好好....，中間仲唱錯左歌詞...但係果份真誠...我完全接收哂。
「...傻...佬...，點解....要對我咁好喎...。」望住電腦嘅我，依家攬住左一軍送比我果隻多啦a夢，
一路睇，雙眼開始紅，眼淚再次不斷流出。
「…小欣，我會一直喺你身邊守護住你架。」一軍唱完首歌之後片尾嘅最後一句話。
之後我撳落去下面啲留言度睇。
「…wu....好sweet呀，小欣嫁比佢啦。」檸檬留言。
「...嘻嘻...阿嫂，我阿哥真架嫁得過架。」kimmy留言。
「…好有心思呀...，我係小欣嘅話實霖死囉。」小田留言。
「...哈哈，兄弟撐硬你呀。」阿亮留言。
睇完哂啲留言，我情緒平復返之後就沖涼訓覺啦，我訓左喺床上面，
講真邊有咁快訓得著吖....，不斷輾轉反側，一軍段唱歌片不斷喺我腦海入面loop，
...結果我成晚好似冇訓過咁。
之後幾日都過得好平淡，一軍亦都小左喺我面前出現，雖然佢間中都有join我地食飯，
但係就小左對住我講啲肉麻說話，見到我同泳琳一齊果陣，佢都會有心避開，唔知點解佢咁做...，
我反而開始食唔安坐唔樂咁，成日都諗點解一軍今日冇離煩我呢....點解一軍冇...離搵我呢....，有種孤獨同落幕嘅感覺。
日子始終要如常過，眨吓眼學界籃球分組賽已經全部打完啦，我地學校以全勝姿態進入淘汰賽。
因為淘汰賽係輸一場就玩完嘅關係，所以近排我地嘅操練亦都頻密左好多，
差唔多每日放學都要喺學校籃球場練兩個鐘，但係就係因為依兩個鐘，
我見一軍嘅機會就多左好多，因為男女子嘅操練係一齊進行，所以基本上我每次都會同一軍有交流....，
就係咁，我開始好享受放左學嘅依兩個鐘....，我地男女子一齊訓練嘅時光，
我一啲都唔覺得辛苦，仲好希望比賽永遠都唔好完添...。
學界淘汰賽嘅第一場終於都開打啦，今日我地第一場嘅對手好似話係上年種子球隊(桂恆山中學)，
比賽喺星期六嘅中午十二點進行。
我地隊十一點鐘已經到左比賽場地，嘩...原來已經有比賽打緊啦。
打...打得好緊湊呀....，兩隊比分打到第四節...都仲係一樣，而且之後仲互換領先位置添.....。我睇到呆左。
「…佢地兩隊就係上年亞軍同季軍(華英中學)同(華漢中學)啦。」企喺我隔離嘅檸檬同我講。
「…吓....咪住先..，上年亞軍唔係我地學校咩?...你地上次話冠軍係咩野(協思中學)吖嘛。」我好疑惑咁問檸檬。
「…哦...，點講呢...上次講嘅比賽係第二個比賽離架。」檸檬諗左一諗之後講。
「…吓...，唔明喎。」我而家真係拗哂頭啦。
「...我地而家打緊依個d1組比賽呢，只係港島區學校嘅比賽離架姐，
而上次講果個呢，係之後嘅港九新界精英賽。」檸檬繼續講解。
「…吓...原來仲有架。」我好驚訝咁講。
「係呀，只有港九新界各區比賽嘅頭幾名隊伍，先有資格參加精英賽，
可能小欣你啱啱先喺台灣返離唔知啦。」檸檬喺球場嘅詳細報導完畢。
「…哦...原來係咁....，咁而家依個港島區比賽，上界冠軍係邊個呀?」我再問檸檬。
「...你仲未知架咩?...咪係我地囉。」檸檬一個理所當然嘅樣。
「...吓....嘻嘻..，係咩係咩。」原來我地係上年冠軍離架....唔怪得一入到離就咁多人望住我地啦，
仲有啲好似係體育記者嘅人喺度影我地相添。
比賽終於結束啦，結果(華漢中學)以三分之差擊敗左(華英中學)順利進入決賽，而我地嘅比賽即將就要開始啦。
我地兩隊嘅球員而家都換好哂衫喺場入面熱緊身，周圍都籠罩住緊張嘅氣氛啦。
現場有好多觀眾呀，就連啱啱打完比賽嘅兩枝球隊都留低左喺度睇我地嘅比賽。
比賽就快開始啦，卜sir而家叫哂我地埋去部署戰術，我見到kimmy而家好緊張呀，
成個人呆哂咁，可能真係經驗嘅關係啦，檸檬，小田同小美佢地相對自然好多，神情仲好專注添。
~bi~.....雞聲一響
終於都開始啦，而家我地準備行出場入面。
「...~小欣~...，加油呀。」...原來...，一軍離左呀...，佢同阿亮坐左喺觀眾席上面冇落到離。
我比左個ok嘅手勢佢，表情亦都認真起離啦。