天使原來是男生（舊名：魯莽天使）[小甜][變身][男變女][籃球]: 13
~我企左喺度，望住訓左喺度嘅kimmy....點做好呢...無辦法啦，唯有咩起佢啦。
好彩我都算高，而kimmy又夠瘦姐，而家咩住kimmy都唔係好辛苦。
但係仲要抽住一袋二袋禮物就吃力d囉。
我咩住佢落到樓下，太好啦，已經有的士係度等緊，的士叔叔見到我地兩個，
仲即刻跳落車幫我地開哂車門咁，點解我印象中嘅的士司機好似冇咁好人嘅，可能個個人唔同啦。
一開車因為我都真係有d醉，所以…恰左一陣，迷糊中我不時見到 的士叔叔不斷喺倒後鏡度偷望我地，
但係我都不以為然，到我再一次訓醒嘅時候，...咦，好似有d唔妥喎，點解....車窗出面四圍都喺樹嘅....?
再望真d...依家我地行緊一條山路添，冇...冇理由架，返kimmy屋企唔會經過山路架喎，
...唔通....司機有不軌企圖.....。
依個時候，司機注意到我訓醒左，而家個樣非常緊張。
「....喂....你想帶我地去邊呀....。」我大大聲講。
但係司機冇理到我，繼續喳車。
死啦死啦，實比人拖去山邊強姦啦，唔怕唔怕，佢都係一個人姐，
我應付到嘅....咪住，如果佢一陣有接應咁點算....。
我越諗就越驚。
「…喂....好停車啦喎，我...我報警架啦....。」我拎起手上嘅電話講。
「...有...妖..孽..。」司機終於都出聲啦。
「...咪...咪扮傻喎....。」我好疑惑咁講。
「...前面...有妖孽..，好快。」司機不斷重覆。死啦...，條友真係傻架...，好難搞架喎咁樣，
依一刻我攬住訓著左嘅kimmy都唔知點算好.....我係咁喺度祈禱，
主耶穌基督，萬福瑪利亞，觀自在菩薩，喃嘸阿隬陀彿….咩都講齊…….終於....。
五分鐘後，前面出現一個油站，的士司機指住間油站
「係咪呢，都話前面有(妖孽)架啦，我部車冇(妖)吖嗎，咁咪要搵(妖孽)囉。」司機叔叔好勞氣咁講。
咪住先....(妖孽)?入(妖)?....到個油站職員行左出離幫部的士入油果一刻，
我先get到司機叔叔一直講嘅(有妖孽)，原來係話(有油入).....，
司機阿叔原來係講野唔正嘅新移民離嘅，佢之後係咁講唔好意思，話部車唔夠油，
又驚比我地話佢兜路喎，所以諗住唔出聲囉。
就係咁，雖然又搞出一個咁好笑嘅誤會，最後我地都好安全咁返到kimmy屋企樓下啦。
kimmy而家雖然仲係唔清醒，但係都總算行得郁，我拉住kimmy一邊手上我膊頭，慢慢扶住佢入大堂，
樓下保安叔叔仲幫我地開門添，好快我地就去到kimmy屋企門口啦。
「…喂....kimmy...鎖匙呢...?」我問佢。
「...再...再..飲過...嘻嘻..，好開心呀..咁多人同我慶祝...嘻。」kimmy仲係語無倫次，冇辦法啦，
唯有自己搵啦，...睇吓先...手袋...手袋....咦...冇嘅?...
「放左係邊度呀到底...。」
「…褲...褲....。」kimmy講。
褲?....唔係褲袋掛...大佬，kimmy你著住條緊到爆嘅熱褲...我點喺你身上摷呀....你叫我非禮你咩....。
唉...都冇辦法啦，摷就摷啦...，kimmy個褲袋窄到好難伸到手入去咁...，
我幾次嘗試輕輕手咁都伸唔到入去....唔通真係要大力摷....?
...吖...試吓解左kimmy條褲粒鈕整鬆d條褲，應該會易d嘅...，
於是我戰戰兢兢咁解開左kimmy條褲粒鈕同條拉鍊，
果然...真係鬆左好多喎，我小心翼翼咁，輕手伸入kimmy條褲度，終於，成功啦，
鎖匙垂手可得，可以開門返屋企啦，拎到鎖匙果下興奮，直頭好似tbb台慶抽到大獎咁。
「...好啦...好啦...kimmy，我地入去啦。」我而家扶緊kimmy埋去張梳化度，...但係...突然....。
「…ooops..嘔....。」頂kimmy嘔到我。
「咦...成身都係啦....。」，d嘔吐物好鬼臭囉。
唉...我放低左kimmy喺梳化，搵紙巾抺 一抺個地下就衝左入廁所。
「…唉...件衫新買架....成件都係，點著喎。」..我企左喺洗手盤前面起勢咁抺，點解抺極都仲係成陣味架...。
算啦，不如...沖個涼啦，橫掂都冇人，就咁話啦。我將我嘅衫褲慢慢除左落離，
落皂液喺洗手盤度沖洗左一陣就用水浸住佢。
...搞掂，到我啦...。
我將剩餘嘅胸圍底褲都除左落離啦，慢慢步入浴室。
「咦...原來kimmy屋企有浴缸架，不如...浸一浸啦...hehe...應該冇問題掛...。」所以呢，我而家開左缸熱水出離啦。
「…噢....好舒服呀...。」我成個人浸左落去啦。
因為由細到大自己屋企都冇浴缸嘅關係，所以見到浴缸我就會有種想沖泡泡浴嘅衝動架啦。
.. 都浸左成半個鐘啦，係時候要上水啦。
..點知...喺我拎住條大毛巾，對住塊鏡喺度抺緊頭嘅時候，
.....「…咔…」有人開廁所門入離，當時我個腦好自然咁覺得喺kimmy，所以我另轉身去門果邊。
「...醒啦咩......你............。」但係....竟...然係....一軍....。
「……………!」
當我見到佢果陣...我啞口無聲....呆左幾秒.....，而佢亦都一樣呆左係度望住我，塊面亦都好紅，
而家我全身赤裸...三點一覽無遺，個頭濕哂仲滴緊水咁....。
我真係唔識點反應。
幾秒之後，我...有返意識...諗住大叫嘅時候.....一軍...佢閂門返左出去。
而家我褸住左條毛巾，坐左係廁所板度好耐....我唔知點解....頭先見到一軍果陣有種好奇怪嘅感覺，
唔喺嬲嘅感覺，而係尷尬嘅感覺....點解....我坐左好耐都唔知點算好.....，衫褲又濕哂，
一軍又喺出面，我點出去喎...?
~咔~...五分鐘後廁所門開左一條罅...。
「...d...衫褲係我阿妹架...你睇下啱唔啱著。」....一軍伸左隻手入離，放低左d衫褲...之後就出返去。
而我就伸手拎起kimmy嘅衫褲，一軍拎入離嘅係一件吊帶絲質睡衣同一條綿質短睡褲，
我著好衫之後就行左出去，見到一軍坐左喺梳化度睇緊波。
「...kimmy呢....?」我細細聲問。
「我扶左佢入房訓。」一軍一路望住部電視一路講，語氣相當平靜。
「…都好夜啦，不如留喺度啦，你可以入去同阿妹訓架喎。」一軍繼續講。
我望一望牆上面個鐘，原來差唔多凌晨三點架啦，我再望望kimmy間房，我慢慢咁行左入去，
見到kimmy大字形咁訓左喺度...。我開始猶豫....，唔..唔得嘅，我係一個男仔離架嗎...更何況比泳琳知道點算喎，
所以我行返出廳，一軍聽到我行返出離，另轉頭望左過離。
「...er...我可唔可以訓你間房呀...?」我dup低左頭問。
「…ar....。」一軍塊面紅左，唔知又喺度諗緊d咩。
「...但係你唔準入離架...?得唔得?」我再問佢。
「…er...點解你唔同我個妹訓?..。」一軍個樣好疑惑咁問。
「...你...唔好理咁多啦，得唔得?」我個樣好認真咁再問多次。
「...er...ok嘅。」一軍答。
「…唔該...。」我答完一軍就轉身入左佢間房，...好出奇喎，一軍間房比我想像中整潔，
我仲以為會亂過亂葬崗添，我打平訓左上去，望住個天花板，繼續回想返頭先所發生嘅事...點解...點解一軍會返左離架，
kimmy明明話佢去朋友度睇波唔返離架嗎....而家比人睇哂啦....我覺得我好cheap呀...。
可能我都真係太攰太眼訓啦，諗諗吓就...訓...z..訓著左....z。
我唔知我訓左幾耐，亦都唔知一軍到底有冇入過離，只係知道當我擘大眼嘅時候，
我見到kimmy...佢企左係床邊望住我...。