天使原來是男生（舊名：魯莽天使）[小甜][變身][男變女][籃球]: 14
~「…er...吖...嗚~。」我伸緊懶腰。
「...嘻嘻...表姐，你訓醒啦，...唔係…嘻嘻...我係咪應該改口叫你做...大嫂...呀..嘻嘻。」
...kimmy瞇起左對眼，笑淫淫咁對住我講。
「~吖嗚...唔明喎....。」我仲係未訓醒咁答佢。
「 ..仲扮傻，嘻嘻，唔知你琴晚同我阿哥...做過d咩呢...呵。」kimmy好輕佻咁講。
「...吓....你知道哂...?」我塊面又開始紅啦，死啦，唔通見到我裸體單野，
一軍講左比kimmy知.....，醜死啦。
「...嘻嘻...你琴晚唔同我訓，反而去左我阿哥間房訓喎，估都估到啦，嘻嘻，
作為朋友關心吓你吖....阿哥佢...，有冇戴到呀。?」kimmy繼續色迷迷咁望住我，個樣仲興奮過琴晚。
「…吓...帶咩呀。?」我問。
「...嘻嘻....套呀。」kimmy擰一擰歪面講。
「...痴...線....。」我大叫左出離。
「...我地咩都冇做過囉....，kimmy你諗多左啦，我最憎....就係你阿哥架啦。」...我好激動咁彈左起身。
「...講大話...咁你琴晚點解唔入離同我訓吖....?...仲有...又點解會入左我阿哥間房訓吖...嘻嘻..。」
kimmy伸出一隻手指，係度指手劃腳咁。
「...er....。」我答唔出，我冇可能話比kimmy聽，因為我係男仔，所以唔可以同佢一齊訓。
「...嘻嘻...明架啦，明架啦，快d起身梳洗啦，你唔記得，
約左家蔚同泳琳佢地去沙灘游水咩。」kimmy講。
「游水…?...係喎，琴晚食飯果陣已經約好左，唔記得左添。」我講。於是我就起左身，
行左入廁所梳洗，我坐左係度一邊去小便一邊刷牙，
咦...不如...浸多次浴囉?....嘻嘻...我真係太鍾意浸浴啦，完全控制唔到自己，
好快我就已經開左一大缸水，成個 人又再一次浸左落去啦。...吖…成個人即刻醒哂。
「~誰人亦也試過愛到失戀~ 離運氣有半吋那麼遠~…」我而家一路浸一路唱起歌上離，
...其實平時我都好鍾意一邊沖涼一邊唱歌，我覺得可以將所有壓力都唱哂出離。
「~咔~」...弊...我又唔記得鎖門，好彩今次入離嘅係kimmy。
「...咦...表姐，沖緊涼牙。」kimmy而家係洗手盤前面刷緊牙，
好彩唔係一軍姐。 但係一分鐘之後，...kimmy行左入離。
「...一齊浸啦表姐...，我都好耐冇浸過啦。」kimmy而家喺我面前除緊衫。
「....吓....er...er...。」我未反應得切講咩，而家雙手遮住塊面。
「...咦...塊面有野咩，表姐。」kimmy冇理我，已經坐左入離。kimmy呀kimmy...，
你知唔知你依家同我男仔一齊浸浴呀.....仲咁開心。
雖然kimmy個浴缸都算大，但係坐左兩個人落去，就已經冇咩空位，
基本上我而家同kimmy差唔多係身貼身，kimmy果對細細嘅胸部已經同我豐滿嘅胸部緊貼住，
大家嘅乳頭互相摩擦，果陣麻痺嘅感覺隨即出現.......，我就離頂唔順啦，kimmy仲要係咁旭....，
個樣仲好似若無其事咁，唔通佢...冇我咁敏感嘅?
「……er...我上水先啦。」我講。
「…吓...唔好啦，表姐，陪我浸多陣啦。」kimmy講。
「...er....。」
「...其實我...一直都好想有個家姐，可以陪我一齊沖涼...。」kimmy有感而發咁。
「...er....點解...嘅...?」我問。
「...我細細果陣，阿媽就死左，....阿爸成日都唔喺屋企，所以...我同我阿哥就相依為命...，
由細到大阿哥都好錫我，每次我比人蝦，阿哥一定會幫我出頭，打到人地以後都唔敢再蝦我，
但係我此終都冇左阿媽，好多野...男仔此終好難幫到女仔，所以我真係好想有個好似子欣你咁嘅家姐...，同我一齊生活，
一齊成長，一齊傾心事...所以...我真係好想你可以....做...我...大嫂...成為我嘅家人...。」kimmy講緊果陣，開始眼濕濕咁。
「...er...其實..都唔一定要做你大嫂架姐，我都可以當你係我個妹架。」我好認真咁講。
「...子欣....嗚.....嗚。」kimmy終於喊左出離，緊緊咁攬住我，
而家我地兩個裸女擁抱住，講真個畫面其實都幾變態。
「...咁...我以後..可唔可以叫你做家姐呀...?」…kimmy眼淚鼻涕都流哂咁對住我講。
「...緊係..可以啦。」我情深款款咁講。
「…好啦，快d抺返乾淨塊面佢先啦，唔靚女架啦。」我講。
「…哦...嘻嘻...家姐。」kimmy索左下鼻水，之後喺度傻笑。
「...傻妹，快d上水啦，就離遲到架啦。」我講。kimmy嘅心情終於都平復啦，我地沖完涼之後，就出發去游水啦。
因為琴日冇返屋企，所以依家我著返琴日套吊帶背心同熱褲，
我地約左喺筲箕灣港鐵站等，之後就搭巴士入石澳游水。
因為kimmy屋企唔近港鐵站，所以我地決定搭巴士去筲箕灣，喺kimmy屋企樓下嘅巴士站等左十分鐘左右就有巴士啦，
又幾快喎，一上巴士我地緊係即刻衝上上層㨂返個孖位坐啦，好彩kimmy屋企樓下就係總站姐，仲有大把位坐，
如果後d就未必有孖位啦。
一邊坐，kimmy就一邊講野，kimmy真係一個咩都可以傾一大餐嘅人，
同佢一齊一定唔驚冇話題。
傾傾吓...我突然諗起佢...。
「...係呢，你...阿哥呢。」我扮到不經意咁問kimmy。
「…阿哥呀...er..我都唔知喎，佢冇同你講咩?」kimmy抬頭諗一諗。
「...冇...。」根本上我都好似冇同佢講過野。
「...我今朝一起身出離已經唔見佢啦，之後入到佢間房就見到你訓左喺度啦。」kimmy講。
「...哦...。」我講。
「仲有呀kimmy...我..其實呢...有d關於你阿哥嘅野想...問你呀。」我講。
「...嘻嘻嘻，仲話冇野，點解突然對我阿哥咁有興趣呢子欣家姐。」kimmy又陰陰嘴笑啦。
「...唔係...我只係...好奇姐...。」我dup低左頭講。
「…咁...家姐你想問咩事呢?」kimmy再問。
「...我...曾經喺商場見過你阿哥同一個女仔喺度糾纏，你阿哥仲一手推低左個女仔...。」我細細聲咁講。
「...哦...個女仔係咪好細粒讀我地學校架...?」kimmy對眼叮左一聲。
「...係...係呀。」我答。
「…佢係alice呀，係阿哥同班同學，鍾意左我阿哥好耐架啦，好似話因為阿哥救過佢，
所以就鍾意我阿哥喎，.....佢痴痴地線架，我阿哥已經講明唔鍾意佢，佢都仲要死纏濫打，
仲周圍同人講，屈阿哥，話阿哥搞完佢唔認數喎，離哂譜囉。」kimmy講到扯哂火咁。
唔通我之前，真係怪錯左佢?....唔好理咁多啦，當咩都唔知，冇事發生過咪得囉。
我地好快就到左筲箕灣啦，落左巴士之後我地就慢慢行過去a2出口。
「...伍...家...蔚。」kimmy大叫，所有人都已經到哂啦，仲以為自己好快添，原來我地先係最遲。
「…遲到仲咁大聲，過份呀。」表妹回應。
「嘻嘻...塞車吖嗎。」kimmy伸左條脷出離。
「…吖...你個野吖。」表妹講。表妹依句究竟係咩口頭襌離架...，我諗得kimmy先明。
「...kimmy牙，我地去東大街新開果間(南尺)食野好唔好呀?我識人有折喎。」阿成見到kimmy已經急不及待啦。
今日游水嘅組合，其實就係琴晚生日派對嘅延續，係琴晚嘅原班人馬，講完之後，
阿成就帶領我地去佢所講果間(南尺)，間舖頭個門口望落去，裝修真係幾靚，好有格調，
但係個樣好似好貴咁，地方就唔係好大，我睇得七八張檯左右，我地一行六人去到門口，已經見到要排隊攞位。
「...好多人喎，點算呀。」kimmy講。
「…放心，我搞掂佢。」阿成好有信心咁同kimmy講。
阿成果個胸有成竹嘅樣，連我都覺得佢真係有料到。
阿成行左埋去企喺門口個服務員度。
「先生幾多位架。」侍應姐姐問。
「…er...我係賓哥d朋友離架，佢話留左檯比我架喎。」阿成同個女侍應講。
「...er...咁呀，你等一等先，我入去問一問。」侍應姐姐講完就行返入去啦。
一分鐘之後，侍應姐姐終於出返離啦。
「…唔好意思呀，ok架啦，幾位依邊吖。」侍應姐姐好恭敬咁同阿成講。
就係咁，我地成班女就跟住阿成尾入左去啦，
旁人見到阿成帶住五條女入去，都面帶羨慕又妒忌嘅眼神。
但係入到去都一眼睇哂啦，得七八張檯，而且仲坐滿哂人添。點坐呀?
哦....原來樓上仲有間vip房喺度嘅，
侍應姐姐而家帶緊我地喺後面上緊去，一上到去，嘩...好正呀，
間房好大間呀，我諗坐十幾人都仲得，估唔到阿成人面真係咁廣，咩都搞得掂。
「想食咩呀，kimmy。」阿成情深意重咁問kimmy。
「...喂....浄係問kimmy食咩得啦，唔洗問我地架啦。」表妹睇離有d不爽。
「...係...係啦，問吓大家吖嗎。」kimmy面紅紅咁講。
「...大嫂呀...想食咩呀你。」kimmy突然望住我講。
「...大嫂...?」表妹大叫左出離。
「....喂...喂...kimmy你講咩呀。」我口到震埋。
「...嘻嘻...子欣你琴晚都同我阿哥一齊訓啦，我緊係要叫你大嫂啦。」kimmy格硬離嘅。
「...子欣...你...琴晚去左kimmy屋企訓咩。」死啦，泳琳問啦，今次真係比kimmy玩死。點答好呢，點答好呢?
「…er....er....er...琴晚...送完kimmy返去都好夜啦，...所以...er...所以...咪留低囉...哈哈...。」我都唔知自己答緊乜野啦。
「...訓邊度呀...?」死啦泳琳開始怒睥緊我啦。
「…er...咪一軍間房囉...嘻嘻...。」希望咁答泳琳唔會嬲我啦。
「...乜子欣同左kimmy阿哥一齊架咩，點解我未聽過嘅。?」阿成戇居居咁問。頂...咪煽火點火啦死仔成。
「…哈哈...係呢，有咩好食呀依度。」我嘗試轉移話題。
「…er...要試下依度嘅海南雞啦，超正，仲有佢嘅蒸飯同鵝肝多士都係一絕。」阿成專家腔上身，
係咁介紹，好彩推開到話題姐，...唉。之後我地都叫阿成發板，阿成諗都唔洗諗就叫左個侍應過離，
之後一輪咀咁點左好多野食。
五分鐘之後，野食好快就排滿哂成張枱。
.咦....d野又真係幾好食嘅，由其係隻海南雞，真係好食到不得之了呀，
但係我望過下d價錢真係...唔平囉，真係一分錢一分貨...好彩阿成話請哂姐。好飽呀...食浄好多野添，
今次真係做左大嘥鬼啦。
食完之後我地就出發去石澳啦...yeah。
搭巴士果陣，我開始覺得個肚有d唔妥，谷住谷住好似搞肚痛咁，
唔通頭先d野唔乾淨?...我面都青埋，而家覺得...有d辛苦呀...。