天使原來是男生（舊名：魯莽天使）[小甜][變身][男變女][籃球]: 12
~日子一日一日咁過，今日已經係九月二十四日，星期六，
我變左女仔已經差唔多成個月啦，雖然開頭搞左好多誤會出離
，但係問題總算解決左，轉左身份，學校亦都轉左，而女性嘅身體，
我亦都開始習慣，同泳琳嘅感情....亦都算幾穩定嘅....。
今日係kimmy嘅生日，所以我地成班朋友一早就約定同佢慶祝，
下午我，泳琳同表妹三個人出左去旺角買禮物比kimmy，作為男仔嘅我，
平時真係好小送禮物比人，根本唔知買咩比kimmy好，諗起就頭痛啦
。我地食完下午茶之後就去左花園街行吓。
「…嘩...件衫好靚呀，入去睇下啦，表姐。」表妹好雀躍咁講。
「好呀...好呀.。」泳琳喎應。
「...er...唔係去睇禮物咩?」我問佢地。
「...咦...行完街先買都得啦。行啦行啦，入去啦。」泳琳推左我入去。
就係咁，我唔知依家到底係買禮物定係shopping日呢....，佢地瘋狂洗舖，行左好耐。
「...咦....不如聽日去游水啦。」表妹講。
我地而家經過一間泳衣舖。
...係喎，我今年暑假都冇去過游水添，而家九月都仲係咁熱，去游吓水都唔錯吖。
「...游水...都好吖，我都好耐冇游過。」我答表妹。
「...係喎，表姐你買左泳衣未呀，上次同你買內衣果陣，好似冇同你買喎?」表妹問我。
「...er....未買。」我答。
「...咁入去啦。」表妹同泳琳拉左我入泳衣店。
「...表姐，放心啦，我同泳琳會簡件最靚嘅比堅尼比你架啦...嘻嘻。」表妹笑笑口講。
咪...咪住先....比...比堅尼?...唔係掛，比堅尼咁小布，基本上我覺得好似著住胸圍底褲周街走咁，
點著得上身架....我以前係男仔果陣求其著條波褲就跳得落水架啦，而家要我好似冇著衫咁比人睇點得架。
「…er....可唔可以唔著比堅尼呀?....其實求其買件一件頭比我得啦，我到時都可能會著t恤游。」我同表妹講。
「…唔...得...呀! 咩年代呀仲一件頭，依家邊有人著一件頭架，
連師奶都唔著啦，一定要買比堅尼。」表妹堅持要我買，無辦法啦，
唯有聽佢講啦，最多到時著返件t恤喺面囉。
結果表妹揀左件紫色花邊嘅比堅尼比我，買完泳衣之後，我地去左附近一個大型商場度揀禮物，
去到佢地話要有神秘感喎，所以我地分開左㨂。我一個人行離行去，都唔知㨂咩好，
又唔知kimmy鍾意d咩，又唔知正常女仔應該鍾意收到d咩，
...我諗到頭到爆，最尾我行左入間運動舖度買左個nike籃球。
係咪好戇居呢?竟然買個籃球比女仔，我到底係咪傻架...但係既然都買左，
就唔好諗咁多啦，之後我就去搵返佢地，見到佢地果陣佢地兩個都已經買左野，
兩個都拎住包細細包嘅禮物，而我....就抽住個牛龜咁大嘅籃球。
「…表姐...你...抽住果袋係咩離...。」表妹...o住嘴講。
「...er....秘密...哈哈。」唔通話比佢地聽係籃球咩，實比佢地笑死。
買完野之後時間都差唔多啦，所以我地就出發去集合地點，
其實我都唔知我地到底要去邊度同kimmy慶祝，
只係不斷跟住表妹行...我地行左十分鐘左右，就到左果幢商業大廈。
「依度...?」我抬頭望住幢大廈講。
「...嘻嘻...冇錯!」表妹笑笑口講。
「咩地方離架...?」泳琳問。
「...上到去你地咪知囉...。」表妹陰陰嘴笑，好似有d咩陰謀咁。唔理啦，
都要跟佢上去架啦。入左𨋢之後，表妹就撳五字，原來間野喺五樓嘅。
出左𨋢之後，大堂好細，我地經過長長嘅走廊之後就見到個門口寫住(viva cafe)。
「...點呀，布置成點呀?」表妹推開左度門講，我地依家跟住尾行左入去。
「...差唔多囉....咁遲先離架家蔚你地，快d過離幫幫我地手啦。」答表妹嘅係阿成，係我地班長，其實我都好似冇介紹
過阿成，佢全名叫黃家成，四眼仔，身形比較矮，好似得153cm左右，其貌不揚，屋企好似有小小錢咁，
聽表妹講佢好似明戀左kimmy好耐，但係kimmy一直都唔so佢。依度仲有個女同學喺度布置緊，佢叫anna，
都係四眼嘅，高阿成小小，短頭髮，個頭好似成日都冇梳頭咁，個樣就....不願置評啦，聽講佢亦都明戀左阿成好耐，
所以今次阿成幫kimmy搞生日anna死都要跟住阿成離幫手。見佢地布置得咁辛苦，我地點可能翹埋雙手呢，
所以我，泳琳，表妹三個而家都做起野上離啦，
我就幫手排好一盒盒嘅食物同餐具，泳琳就分配緊一d小飾品，而表妹呢....睇下先，...表妹佢幫手...幫手....試食喎....。
就喺我地分工合作之下，布置好快就完成左，之後佢地叫我負責落去樓下接kimmy上離。
我落到樓下企左一陣，突然有個阿叔行左過離喎。
「...妹妹仔，全套幾多錢呀?」果個阿叔上下打量緊我，我而家係著住一件吊帶小背心，下身著左條熱褲。
「…咩..全套呀?」我一頭霧水咁答佢。
「...嘻嘻....仲洗講嘅全套即係沖涼，吹簫同搞野囉。」阿叔笑淫淫咁講。
「...痴...痴...線架你，你搞...搞錯哂，我唔係.....。」我面都紅埋，dup低左小小個頭講。
「…嘻嘻...唔係咩呀，妹妹?唔係全套咁係咪半套呀?」阿叔貼到我好埋，細細聲咁講。
「...唔好行咁埋呀...你...，我叫架。」我推開左個阿叔口窒窒咁講。
「...超...唔係做雞就唔好著到咁企喺條街度啦。」阿叔一路講一路掉頭走左。好彩姐，
佢再煩我都唔知點算，好衰囉，乜一定要係做雞先可以著背心短褲架咩....越諗就越嬲囉。
「...表姐...。」係kimmy叫我，佢終於都離到啦，而家喺對面馬路同我揮緊手，好彩佢見唔到頭先我d瘀野姐。
「...生日快樂呀，kimmy。」我講。
「...多謝呀...表姐你專登落離接我太好啦....。」kimmy攬住左我。
「…嘻嘻...傻啦，我地上去先講啦，佢地等緊架啦。」我講。
之後我地就一齊搭𨋢上去。
「...係呢...kimmy吖..你阿哥呢...。」好似幾日冇見過個死變態添。
「…咦...表姐又掛住我阿哥牙。」kimmy瞇起左對眼講。
「...唔...唔係呀，咁今日你生日，我諗住佢會離咋嗎。」我口窒窒咁講。
「...嘻嘻...真係唔係...?」kimmy而家笑淫淫咁。
「...冇呀...冇呀...。」我扮哂嬲咁大叫。
「...嘻嘻...係啦，係啦，...er...阿哥佢好似話去個friend度睇波喎，仲話今晚唔返離訓添。」
乜條死變態都有朋友架咩，點都好啦，都唔關我事。
我同kimmy終於都上到去啦，
一入門口阿成已經企左喺場中間，帶住頭咁唱生日歌。
「~happy birthday ~to kimmy~happy birthday to u~」 唱到最尾，阿成直頭拎左扎紅玫瑰出離，
半跪係度咁遞比kimmy，唔知仲以為佢求緊婚添，而我就覺得個畫面好好笑囉。
kimmy好尷尬咁接左，而企喺後面嘅anna個樣就相當唔滿意咁。
生日派對正式開始啦，好開心呀，有好多我鍾意嘅野食喺度，我夾左好多野食，
之後同泳琳坐左出露臺一人一淡咁，好sweet呀。
表妹仲準備左好多紅酒，kimmy飲左好多呀，可能佢真係太開心啦。
食飽左之後，我地就逐個送生日禮物比kimmy。
「…好靚呀，隻錶，多謝小琳。」第一個送嘅係泳琳。原來泳琳係買錶，係一隻g-shock離。
「...咦...依件咪上次去街我話好鍾意果件衫，...衰婆家蔚算你啦，多謝。」表妹果然係同kimmy最friend，終於到我啦。
「...嘩...好大舊喎表姐，咩離架。」kimmy而家打開緊個膠袋。死啦，好鬼緊張添。
「...籃...球。」kimmy講出離果吓，全場都呆左幾秒，我差d就想搵個窿捐呀，點算呀...好樣衰呀。
「...多謝...表姐，我好鍾意呀，我成日都想有個自己嘅籃球架。thx。」 kimmy好開心咁講。
好彩kimmy鍾意姐，總算又過一關。之後就係anna同阿成嘅禮物，
anna嘅禮物係....一條好似用過嘅絲巾...，而阿成呢，竟然係一部最新嘅iphone，
係咪真係有錢成咁呀佢.....唔知點解見到部新iphone果陣有小小羨慕添....
不過睇kimmy收果個樣又唔係話真係咁受樂喎。
就係咁，我地玩得好開心，歡樂嘅時光真係過得特別快，又係時候講byebye，
大家都已經飲飽食醉，時間亦都唔早，望一望個鐘...嘩....成十二點幾，所以我地準備離開啦。
「…再...再..飲...過...咁快走，唔制呀。」kimmy成塊面紅哂喺度大叫，
睇離佢已經飲醉左，而家攤左喺張梳化度。
「...不如我送kimmy返去啦。」阿成自告奮勇講。
「...你送...緊係唔得啦，係人都知你對kimmy有野啦，你送太...危...險...啦。」表妹瞇起對眼同阿成講。
「...你送啦，表姐。」表妹望住我。
「...吓...我?」我呆一呆。
「緊係啦，我唔放心阿成送呀，更何況表姐你識功夫架嗎，有你送實安全d啦...嘻嘻。」表妹講。
「...er....。」
「好啦，表姐，kimmy一個女仔好危險架。」表妹合埋雙手喺度求我。
我望一望泳琳。
「...去...去囉，子欣。」泳琳無奈咁講。
「...唔該呀，kimmy就交比你啦，表姐。...阿成，由子欣送你都應該唔反對啦。」表妹講。
「...er...ok嘅。」阿成個樣好冇癮。
「…子欣..你都要小心d....。」泳琳講。
「...好啦，好啦，行啦泳琳，call左的士架...比人鬧啦。」泳琳都未講完就比表妹推左走。
就係咁，佢地就走哂，留底我一個人喺度處理訓著左嘅kimmy，表妹你都算恨心啦，
幫都唔幫吓我，仲話kimmy一個女仔好危險，我而家唔係女仔咩....我就冇危險嘅...唉....。