天使原來是男生（舊名：魯莽天使）[小甜][變身][男變女][籃球]: 11
~好快頭兩場比賽已經打完，終於都輪到我出場啦。
「...加油呀....加油呀....。」而家好多人同對方打氣，可能佢地係師姐，
而且本身仲係隊員嘅關係，而家差唔多所有人都為佢地打氣，
突然覺得好 大壓力添.....kimmy同表妹依家直頭腳都震埋。
「...加油呀...小欣...加油呀...。」...頂.... 個死變態佬依家拎住個紙牌係咁喺度fing，
上面仲寫住(加油 我的小欣欣)，大佬好難頂呀，邊個係佢嘅小欣欣呀......。
比賽準備開始啦，而家我地六個女仔企左喺場入面，對方係上年隊員控衛小田，
分衛小美同中鋒檸檬，佢地用不屑嘅眼神打量我地，感覺真係好差，
佢地竟然睇唔起我...，我開始有小小嬲，我唔想輸比佢地，我一定要贏。
卜sir擲公字決定邊隊開波之後，最後一場比賽就正式開始。
一開波我地係防守嘅一方，小田好快已經入左兩球，表妹完全防佢唔到，
之後我示意kimmy同佢交換防守，kimmy防守能力果然比表妹好，
而家小田完全攻唔入，佢地轉而將波傳入籃底比檸檬，
想利用檸檬大隻嘅身形同175cm嘅身高優勢屈我機，佢地未免太睇小我啦，
檸檬不斷用背脊向我施壓，雖然我依家嘅身形真係瘦左好多，但係可能有功夫底子，
力量上仲可以抗衡檸檬，加上我運用靈活嘅腳步同繞前防守，檸檬重覆左幾次攻勢都未能得手，
情況由開始果陣，我地處於劣勢到而家雙方拉鋸，到最後我地打成平手...要爭決勝嘅一分嘅時候，
...表妹竟然比小美一個假身走甩左，當小美準備上籃得分果一刻，全場人都覺得我地會輸嘅時候，突然...。
～啪...～
我飛身跳向小美，時間配合得天衣無縫，一個完美嘅封阻，我將小美嘅上籃封左落離，
全場頓時靜哂，連小田同檸檬都靜左落離，進攻權終於落返我地手，
幾秒後，全場嘅人唔知係咪有份鋤強扶弱嘅心態，而家轉而向我地打氣，我見到檸檬佢地開始緊張上離啦，
最後一個攻勢，我示意表妹同kimmy拉開兩邊，我準備同檸檬one on one對決，氣氛又開始緊張起上離啦，
而家檸檬正面對住我，雙手張得好開，擺出一個絕對唔會比我過到嘅眼神.....終於我踏出左第一步，
一個右手運球之後我突然...一個crossover變向產向籃底得分，比我假動作呃過嘅檸檬，
即刻轉身都已經為時已晚啦，換離只有清脆嘅入籃聲…………
~插~~~
全場同學頓時興奮起上離，不斷為我地歡呼，起鬨....，為今次嘅選拔賽畫上完美句號。
kimmy同表妹一齊衝過離攬住左我。
「…太...太好啦，表姐...嗚...嗚...。」kimmy感動到喊左出離，表妹亦都眼濕濕。
而泳琳佢地亦都走左埋離我地身邊。我地三個女仔攬完之後，...
「吖」....。
「…小欣欣...你好叻叻呀!...嗚...嗚。」 個死變態又突然攬住我講。
「...喂....死...死變態....放手呀，唔好成機抽水喎....!」 激死我啦....我打左個死變態一肘之後，佢終於都放返開我啦....。
而家卜sir向我地行緊過離。
「…阿軍...。」卜sir叫個死變態。
「...ar...卜...卜sir你好...。」冇嚟認真嘅死變態，見到卜sir都認真返哂。
「…記住下星期二練波呀，死仔。」卜sir嘆一嘆氣講。
「…咦...係你女朋友仔呀，阿軍?」卜sir而家望住我。
「...嘻...er...你自己問佢啦...。」死變態陰陰嘴喺度偷笑。
「…唔...唔係呀，唔係呀，我同依個人一d關係都冇架卜sir。」我又緊張到係咁耍手擰頭。
「...係牙.....可惜喎，我覺得你地兩個幾嚫吖，兩個都咁高。」卜sir講。
「係呀...係呀。」死變態講。
「…一d都唔嚫囉...。」我好唔滿意咁講。
「...哈哈....係呢，同學，你叫做子欣吖喎?」卜sir笑一笑之後講。
「…係...係..呀，卜sir。」我dup低左小小頭。
「...你技術..真係好唔錯喎，咁高嘅身形，但係又有咁靈活嘅腳步同咁好嘅控球技術真係好難得，
係呢上年好似未見過你嘅?」卜sir同我講。
「卜sir，子欣今年先喺台灣返離讀書架。」kimmy搶住講。
「...台灣呀?....唔怪得水平咁高啦。」..卜sir一邊點頭一邊講.。
其實係因為我原本係男仔姐....。
卜sir講完之後就行返去場中間，吹雞示意所有選手過去，宣布最後十二人校隊名單嘅結果，我當然係其中之一啦。
「周子欣，陳佩檸，李小田，倪金兒......」卜sir已經宣布到第十一個人啦，但都未有表妹個名，
果一刻我地真係非常之擔心，表妹佢直頭，合埋左對眼僕左喺我後面唔敢聽...。....到底...。
「...最後係...伍家蔚!」卜sir終於都宣布啦，伍家蔚依個名，突然變得非常鏗鏘，我地聽到之後，
全部人即時攬埋一齊，而死變態佬緊係唔放過依個機會啦，不過當時我真係好開心，所以暫時冇理到佢。
...終於...終於都得左啦，表妹...。之後，檸檬走左埋離我度。
「…你真係打得...好好呀。」檸檬伸左隻手過離，示意同我握手，個樣由頭先不屑變到而家尊重。
我亦都伸出手回應，大家聲聲相識。所以呢，今日嘅籃球選拔正式完結啦。
而我又再一次入選籃球校隊，不過呢...今次係女子組囉....嘻嘻。