天使原來是男生（舊名：魯莽天使）[小甜][變身][男變女][籃球]: 10
~第二日，lunch時間。
「...hi...小欣!我地一齊去食晏吖...!」一軍四萬咁口，而家企左喺班房門口。
「阿哥!!!你專登離搵表姐架?嘻嘻...真係架...點解嘅?」kimmy係咁望住我同一軍。
「...喂...可唔可以唔好叫我做小欣呢....我同你唔係好熟架咋...!」 條友又想點呀...。
而家表妹同泳琳喺度食緊花生。
「…我地好熟架啦，琴日..he...琴日你仲拖住我隻手添...。」一軍瞇起眼講。
「...拖手....?」佢地三個女仔一齊講。「...係呀....hehe....!」一軍繼續四萬咁口。
「...喂...收..收聲呀...唔係呀..唔係呀，我見佢受左傷，又比人追緊我先...我先..拖住佢走架咋....。」
我雙手同個頭不斷搖，驚到口窒窒咁同佢地講。
「…即係話...表姐你，拖住我阿哥佢，行左幾條街啦喎....嘻...!」kimmy笑淫淫咁望住我講。
「.....er....!」我dup低左頭，塊面而家好紅....，都唔想繼續講落去啦，
廢事越描越黑啦....唉...我好後悔幫左個衰人呀...嗚....我唔應該咁好人架，
依家又惹多左個會無啦啦攬住人嘅變態佬返離啦...唉
。
之後食lunch一軍死都要跟住離，仲死都要坐係我隔離，
真係好煩擾...我坐果陣仲要係咁幫我拉哂櫈咁，
又幫我用紙巾抺乾淨d餐具，好似有強迫症咁....。
到下午小息果陣我一個人行左去籃球場d長櫈度坐，突然有個女仔走左過離。
我認得係...果日比一軍推開果個女仔。
「…你...你..唔好再煩住一軍呀，我警告你。」個女仔依家睥住我，好惡咁對住我講，
我都未知點樣反應佢，佢就已經另轉身走左去。
點解，個女仔會同我講d咁嘅野呢....，佢同一軍到底又係咩關係呢?就喺我諗極都諗唔明嘅時候，
我見到坐左係我對面果兩個男仔望向我，而且仲面紅紅咁，唔知咩事呢。
「表姐......er。」kimmy揮住手向我行緊過離，
但係佢望吓我又望吓我對面果兩個男仔，突然變得好尷尬咁。
「...表姐...你走光呀...!」kimmy喺我耳邊細細聲講。
「...吓.....。」
「...吓...咩吖...快d遮返住佢啦，比人睇哂啦。」kimmy一路講，一路將我條裙撥落離。
「...唔...唔該你呀kimmy。」我伸左條脷出離。
「表姐呀，你平時坐果陣都要唔好咁粗魯先得架...成日差開對腳離坐，好易走光架。」kimmy講。
「...ar...我留意吓啦...哈哈。」我笑笑口講。
「係呢，kimmy呀，其實你阿哥佢...到底係個咩人離架?」我問kimmy。
「...咦...表姐你對我阿哥佢有興趣啦喎，嘻嘻..。」kimmy陰陰嘴笑。
「…唔...唔係呀...我係有小小好奇姐.....。」其實我咁講咪即係有興趣。
「...ar...我阿哥佢牙，係一個好人囉，佢個人好飄忽架，
有時會成日都唔講野但係有時又會好多野講喎，
性格孤僻冇咩朋友，雖然係籃球校隊嘅主力球員，但係就好自我，
唔會成日同隊友一齊練波架。」kimmy諗一諗，好認真咁講。
「...籃球校隊...主力..?」我好驚訝咁講。
「...係呀...而且仲係空手道部嘅主將添。」kimmy點一點頭繼續講。
「…空..空手道....唔..唔係掛。」我有小小唔信咁講。
「...真架，上年空手道大賽仲橫掃左好多間學校贏左冠軍添，
之後d人仲成日叫佢做(斷水流大師兄)。」kimmy好認真一d都冇笑到。
「...斷水流大師兄...?」唔係掛，個名好似喺邊度聽過咁嘅。
~嗹~~~........傾到依度，上堂嘅鐘聲剛好響起，之後我地就返左課室上堂啦。
kimmy講嘅野不斷喺我腦入面浮現....空手道主將....籃球校隊...主力。
原來佢都識打籃球嘅?
「...係啦，表姐，你識唔識打籃球架?」kimmy突然細細聲喺我側邊問我。
「...er...都識識地嘅..。」我答。
「…我都估到架啦，表姐你咁高，一定係成日打籃球啦。」kimmy講。
「…哈哈...」我答。
「不如一齊去選校隊吖，聽日放學之後會有女子籃球校隊嘅選拔呀，
我同家蔚都會去參加架，如果表姐你都離嘅話咁就真係太好啦。」kimmy好興奮咁講，
係喎，表妹佢本身都有打開籃球嘅，
以前間中我都有教吓佢咁。
講真其實我都真係好想去試吓，此終我嘅學界籃球夢仲喺度....。
就係咁，第二日放學之後我就同表妹，kimmy一齊上左去籃球場啦。
而家我地幾個入左更衣室，咪住先....係女子更衣室....我係男仔離架喎，
會唔會唔係咁好呀。而家更衣室有五六個女仔喺度換緊衫，而我就企左喺牆邊望住牆唔知點好。
「過離換衫啦表姐,企喺度做咩姐。」kimmy已經除左條校裙，著住內衣，
而家行左過離牆角拉我返過去，唔好咁啦kimmy...你個胸又頂住我隻手啦。
「...er...我一陣先換啦，你地換左先啦...hehe..。」我好尷尬咁講。
「唔制呀，表姐咁好身材都唔比我地睇吓，唔公平呀，快...d...除。」kimmy瞇起對眼講
。冇辦法啦，我唯有就範...我慢慢拉低我條拉鏈...將條校裙慢慢除低。
「嘩...表姐你好勁呀，上圍咁大但係條腰又咁幼喎，好屈機囉。」
kimmy走左埋離係咁抽我水....連本來企喺側邊嘅表妹都加入戰團...而家變左係兩個女仔圍住我係咁揸緊我個波囉，
比兩個女仔非禮果種無奈真係慘過遇到痴漢呀。
比佢地蹂躪一番之後，我地換完衫就出去籃球場開始熱身同拉筋。而家眼見都有二十幾人喺度熱緊身，
估唔到女子校隊選拔都有咁多人參加，聽kimmy講依廿幾人入面，有d本身上年已經係校隊，
但係今年都要離再選過，如果表現唔夠d新人好嘅話，隨時會比人篩走添。原來都咁大競爭架，
唔怪得而家熱緊身嘅人，個個都咁緊張啦。 而家籃球場除左選手之外，仲有好多離打氣嘅人，同好多離睇女嘅男仔添。
「...比心機呀，子欣。」坐喺場邊嘅泳琳講。
「...小琳，表姐佢超哂班啦，洗同佢擔心，你擔心我好過啦。」表妹瞇住眼咁同泳琳講。
「…kimmy...加油呀。」咦...同kimmy打氣依個四眼仔咪係我地同班同學阿成，
聽表妹講佢明戀左kimmy好耐架啦，但係kimmy唔so佢。
「…咦...小欣，你今日著得好靚喎，條...條...短褲仲影得你對腳...好好睇呀。」點解一軍又會離左架，
而家仲用色迷迷嘅眼神望實我對腳添。
「...唔...唔准望呀，死變態佬。」我即刻用雙手遮住對腳，嬲爆爆咁同佢講。
唉......連一軍個死變態都離左。
~bi~~~ 而家籃球教練 卜sir ，吹雞示意我地所有選手行過去佢度。
卜sir簡單講解吓今日選拔嘅流程，叫我地要注意安全呀，盡力就可以，唔洗勉強自己。
女仔嘅選拔真係唔同d，比著係男子果陣，阿sir真係理得我地死。
選拔內容其實只係簡單嘅左右手兩邊上籃，走四角同最後嘅分組三打三對抗賽。
一開始左右邊上籃我都做得相當之輕鬆，直頭可以媲美羅意庭嘅輕鬆入樽，
而其他女仔就相對遜色，好多都上到甩手甩腳咁。
上完籃同走完四角之後，就到重頭戲三打三對抗賽啦，喺走完四角之後，
卜sir已經篩走左唔小完全唔掂嘅人，而家淨低嘅都係有返咁上下水平嘅人，
而家總共有十八人，當中緊係包括我啦，好彩嘅係表妹同kimmy都冇比篩走，
原來kimmy都打得唔錯架喎，作為女仔佢嘅控球技術真係算係一流。
卜sir而家幫我地分開六隊，每隊三個人，分三組對壘，
卜sir應該係跟班分隊，我同kimmy，表妹被編埋一隊，打最後果場，
而我地嘅對手...，聽kimmy講，係上年嘅主力隊員，技術水平非常高，仲有好多大賽經驗添。
…..聽完kimmy講之後，我有d興奮起離啦…..我都真係好想睇吓女人...到底
……可以有幾勁。