天使原來是男生（舊名：魯莽天使）[小甜][變身][男變女][籃球]: 9 張泳琳內心世界
~張泳琳內心世界
大家好，我叫做張泳琳，本來都生活得好平凡，但係我記得，喺我讀緊中三果一年，
經常都會坐同一班小巴返屋企，唔知幾時開始我注視到一個男仔....個男仔皮膚黑黑地，
好有運動feel，好陽光嘅感覺，而且五官輪廓好深，好似係mix咁，雖然唔係好高，
但係就好有吸引力。
...又唔知過左幾耐，我發覺我已經愛上左佢，每日坐車見到佢已經變成左一種生活習慣，
我好享受同佢共處嘅依一程車，有幾日，唔知點解佢冇出現，我甚至乎有小小擔心，
果幾晚仲訓唔著添。 好彩，之後佢再出現返。見返佢一刻，我好想同佢講我底裡嘅說話，
但係...作為女仔嘅我...點可以咁冇矜持架....。
我繼續抑壓住我嘅慾望，直到有一日。
「咦....。」我收到個不知名嘅whatapp。
「...hi...張詠琳..?」4:15pm到底係邊個呢?個電話號碼好似冇咩印象喎。
「...你...係?」4:17pm好奇心驅使我。
「..er...其實..嚴格離講呢....你係唔識我嘅...哈哈。」4:18pm 吓...
「吓...咁點解你會知道我個名架?」4:20pm
死啦，唔會係電話騙徒掛...，但係騙徒冇理由會咁講架，唔通係變態佬....
「...唔好誤會呀，我冇惡意架..其實我係一個經常會見到你嘅人，
就想同你做個朋友....咁所以呢，就拓朋友去攞你電話咁囉....，sorry呀，嚇親你。」4:21pm咪住先....成日見到我?....唔通。
「...喺...邊度見到我.?」4:23pm「...er....搭小巴果陣.....。」4:24pm小巴....唔通真係佢....。我個心開始緊張起離。
「...不如...我地一陣係後樓梯見面丫。」我鼓起勇氣約左佢出離....。
我地約左五點鐘喺佢果層嘅後樓梯等，約完佢果剎那，我已經急不及待啦....。
我望住個鐘，時間點解過得咁慢，等左咁耐都仲係四點四十五分。..忍唔住啦，
我慢慢由我果層嘅後樓梯戰戰兢兢咁向下行，途中奇怪嘅思想，不斷出現，死啦，
會唔會唔係佢呢?如果係第二個好樣衰嘅人咁點算喎...?
越諗就越緊張....終於我行到去佢對上一層果陣....我好似聽到...聽到...有人企左係下面....。
咁....咁快到左?....點...點好呀....。我吞一吞口水，鼓起勇氣探一探頭出去....。...
「...原來係...你呀。」真係佢，我開心到叫左出離，心裡面嘅疑惑一掃而空。
「...係...係呀。」佢而家個樣仲緊張過我。
「咁你係咪想同我做朋友吖?...HE...HE」我好興奮咁問佢。
「係...係呀! 可以嗎?哈哈...」佢依家個樣笑得好傻呀....hehe...。
「he...he...見你咁有誠意，就比你做我男...性朋友啦...。.」張詠琳你係度講咩呀....冷靜d....。
就係咁，我同子仁就一齊左，之後我地嘅生活大家都好清楚啦，直到暑假嘅果一日。
果日係子仁返學校選籃球校隊嘅大日子，佢一早起身就已經出左去練波，見到佢咁認真，
作為女朋友嘅我一定會喺身邊支持佢架，雖然我係一個唔識煮野食嘅人，但係我會努力嘗試架。
我喺子仁返左學校之後，就開始著手準備，希望今晚子仁返離，可以同佢一齊慶祝，
就算咁唔好彩選唔到，都可以當係小小心意吖。
我用左成個下午嘅時間去四圍選購食材，我仲買左子仁最鍾意食嘅生蠔....佢見到一定會好開始姐...hehe。
我買完哂野諗住返屋企先，等夜d子仁搵我我先拎d野落去佢度，點知，等左成晚....子仁都冇搵過我，
我打左好多次電話同whatapp佢都冇應...，唔通打完波太攰訓左?...算啦，
生蠔聽日食都應該冇問題嘅....。
「我訓啦...衰人，你訓醒就打返比我啦，下次咁早訓，就留個whatapp先啦」12:00am我留左個whatapp比佢就訓啦，
到第二日子仁竟然話有急事返福建喎，話有個阿叔結婚，
邊有咁急架，就算真係結婚都唔會依家先知掛。
我有d懷疑，所以我打左個電話比子仁堂姐琪姐，如果有阿叔結婚，琪姐冇理由唔知嘅。
「...喂....。」
「…喂...琪姐牙，泳琳呀，做緊咩呀你。」我問琪姐。
「返緊工囉...咩事呀泳琳?」琪姐問我。
「...冇...子仁同我講話福建有個阿叔要結婚，所以睇下你知唔知姐...hehe。」我真係唔識講大話....。
「....er.....我冇聽講過喎....不過可能大伯未得閒通知我姐。」琪姐口窒窒咁答我，我知道唔係咁簡單。
之後我成日都好心神彷彿咁過，到夜晚我忍唔住啦，唔知係咪因為我太掛住子仁啦，
神推鬼擁咁我行左落去子仁住個層，我諗住去子仁屋企度拍門，睇下有冇人應門。
喺後樓梯準備行出去果陣，我見到 一個女仔...係一個幾高吓嘅女仔，而且佢個樣同身材都真係好好....，
所以我繼續望吓佢去邊個單位。
吓...佢點解...點解會去左子仁屋企門口架.....仲拎左條鎖匙出離....開門入左去...。
當時我...唔想信依個事實，我坐左喺後樓梯...諗左好多野...終於我whatapp左佢。
「又話到左福建whatapp我嘅?」10:15pm
「...ai...係呀..係呀!唔記得左覆你添，唔好意思呀詠琳，因為今日到左福建之後，
都要四圍去d親戚度打招呼，幫下手搬下野咁，
所以都忙到依家先返到阿爸屋企唞吓咋...hay..hay...。」
10:20pm子仁....你可唔可以唔好再講大話呃我呀......。
「係牙...!咁堂姐都應該要幫手呀呵?」10:22pm
我再試探子仁。
「係....係呀!佢仲忙過我呀...」10:25pm
.....
「咁你早d訓啦，子仁，早抖。」10:30pm 我果一刻真係好傷心....我坐左係後樓梯喊左好耐.....。
「子...仁，你做緊咩呀?」12:00am
我心存希望，希望子仁會同我解釋，但係佢冇覆到我。
「子仁，好...好辛苦呀!」1:00am
「點解你要呃我...?」2:00am
「果個...女仔，到底...係邊個…?...」4:00am
「我親眼...見到果個女仔..琴日入左你屋企.....!」8:00am我個腦不斷幻想，
子仁同果個女仔....係屋入面可能會發生嘅事....我...我...。
「我...我好想死..呀..點解...你要咁對我...?」9:00am
我就離崩潰啦....，好辛苦...呀..嗚...嗚。~dodo~dodo~電話響起，係子仁。
「唔好呀...詠琳...唔係你諗咁架...你見到果個女仔...我同佢冇野架。」子仁講。
「...嗚...你..終於肯認有個女仔啦咩...嗚...仲喺你屋企成晚，仲話冇野....」 果一刻我真係好嬲....佢承認左個女仔喺度。
「...我..真係唔知點同你解釋好.....」子仁講。
「唔知點解釋就唔好解釋啦!」我唔想再聽佢講啦，我cut左佢線，之後繼續喺度喊....，
唔知喊左幾耐，我聽到子仁屋企有開門聲，我覺得係子仁離搵我解釋，所以我即刻衝左出去，
點知見到嘅竟然係果個女人....我崩潰啦，佢著住左我送比子仁件衫，
所以我發左癲咁衝果去係咁搶...希望..搶返...但係我唔成功，
最後我打左個女人一巴之後就衝左落街.....依一刻...我嘅世界變得孤寂，
好似變左無間地獄咁....我行屍走肉咁...行左去公園度坐，唔知自己到底會坐幾耐....直至家蔚出現。
「...家蔚...!」 我又開始喊啦。
「小琳呀....其實呢....件事唔係好似你諗咁架...不如你聽聽佢解釋先啦。」家蔚望向我背脊。我下意識回頭一望。
「....點...點解..係你架?」我眼前嘅竟然唔係子仁...而係果個女人...。到底發生咩事呀...。?
「~ai.....其實，佢就係我表哥子仁呀!!!!」家蔚突然講。吓....我原全唔明喎...???...終於子仁解釋返哂我聽，
過中原因大家應該都好清楚，
原來子仁唔係對我不忠，我果晚真係好開心，買左好多野。
到幾日之後知道原來子仁會轉校離同我一齊讀書，令我更加驚喜，
我以後都可以好sweet咁同子仁一齊返學啦。
果晚我去左子仁屋企食飯，食完之後我無聊咁撳電視，唔小心撳左去一個台。
開頭仲以為係日劇台，但係...睇睇下....我終於知道啦.....原....原來係三級台....。
「不如...轉台囉。」子仁拎起左個遙控。
「...唔...好呀...我想睇多陣....」我叫住左子仁，因為...其實...我都好好奇想睇吓....。
之後睇到男女主角搞起上離果陣...我終於都頂唔順啦。
「不如...轉台囉。」子仁拎起左個遙控。就係佢準備轉台果一刻。
「...子仁....!」我按耐唔到我嘅性慾...我攬住左子仁，我kiss住子仁，
雙手控制唔住咁，四圍遊動.....但...但係....。
子仁突然推開左我，之後佢去左廁所好耐先返出離，雖然佢話係唔舒服，
但係我此終覺得佢有d唔妥....。到第二日，我同佢都冇再提返琴日見事，
但係我心入面其實仲有多小擔心，唔通係子仁變左做女仔嘅關係，
所以連心態都唔同左?....子仁呀，好想你快d變返做男仔呀....我一定會默默咁等你架。
張泳琳內心世界完。