天使原來是男生（舊名：魯莽天使）[小甜][變身][男變女][籃球]: 第一章 1
第一章
冷靜啲呀，周子仁，我要保持鎮定，我要保持鎮定，諗下點解會咁嘅，撞車?
唔通撞車撞到我變左女仔?但係又真係非常之無稽喎，點會有可能呢?
就係咁又過左三十分鐘，我開始接受左依個現實啦，
冷靜落離我開始感覺到肚餓，係喎，琴晚飲完杯水就訓左，根本就冇食過野，
變左女仔都要食野架係咪?
所以我決定落街食早餐。求其著左件t同風褸，波褲，拖鞋就落左街。
喺我行緊去茶餐廳嘅途中，我先開始睇下自己個電話，嘩...十個未接來電?
全部都係泳琳，仲有幾個whatapp。
「有咩事要同我講呢?傻佬!」8:25pm
「訓左???」9:30pm
「喂...應吓我好喎，電話又唔聽，想點呀!」11:15pm
「我訓啦...衰人，你訓醒就打返比我啦，下次咁早訓，就留個whatapp先啦」12:00am見到依d留言，
心情真係好忐忑，一方面好想搵詠琳，但係另一方面又身不由己，
我依家咁嘅樣又點見佢喎。
所以我決定講一個大話
「小琳呀...哈哈...係呀，唔好意思呀，琴晚我返完學校選校隊之後太攰啦，
一返到屋企就不醒人事啦..哈哈，仲有呀，我阿爸今朝突然打電話離話福建有個阿叔娶老婆喎，
叫我即刻搭車返福建呀，我依家已經係紅墈火車站架啦，應該要去一兩個禮拜，
所以呢..依兩個禮拜，唔可以見小琳你啦..sorry呀。
我到左得閒再連絡你啦。88 ^3^」 我whatapp左詠琳，總算可以拖多一段時間。
去到商場茶餐廳，我行左入一個近門口嘅卡位坐低。
「唔該...寫野。」我一路拎住個餐牌，一路揮住手叫。
「係....小...小..姐，想食d咩呢?」係一個mk侍應，面紅紅加口窒窒咁行過離。
「唔該，要個早餐b，沙牛麵，凍檸茶小甜」當時我都冇閑情逸致去理個mk。
「明白...好快到，靚女。」mk一路轉身一路講。
比著以前個侍應邊有咁好禮貌架，分分鐘眼尾都唔望吓我啦，變左女仔真係唔同D架。
吖...又真係幾快喎，喺我開始諗緊跟住落離應該點做好嘅時候，mk侍應已經將
沙牛麵同凍檸茶放左喺我檯面。
因為真係好肚餓，所以我都急不及待，享用我嘅早餐。
喺食緊果陣，我開始聽到對面前小小果張檯果三個人係度細細聲講野，把聲又有d熟。
「嘩..條女，好正呀。」三個人一齊講，我下意識偷偷望向佢地，頂...係我同班同學，
而且有兩個仲係幾friend添，一個叫肥恆，而另一個叫黑仔，
我地都係鍾意打籃球，所以friend。
唉..點解會撞到佢地架!佢地咁早冇理由起到身架喎，因為肥恆同黑仔都好鍾意打機，
咩(lol)呀 (全景)呀，放假一定打到天昏地暗架喎。
都係唔好理咁多啦，拿拿聲食完，快d走啦。
正當我食完碗沙牛麵，飲緊杯檸茶到一半嘅時候，黑仔向我行過離。
「hi....靚女，一個人呀?」黑仔揮住手同我講。
「咩...咩事呢?」我又開始緊張起離。
「冇....我朋友話想識你喎，又唔敢自己同你講，我咪幫佢講囉。」黑仔指一指果邊紅都面埋嘅肥恆。
「吓.....唔好啦掛。我唔係好得閒呀....唔好意思。」我連果半杯檸茶都唔飲就邊行邊講咁走左出茶餐廳。
「冇計啦..幫到盡架啦，下午茶你嘅。」喺行出茶餐廳途中，聽到黑仔同肥恆講。
總算撇甩左佢地，之後就要諗下當務之急有d咩要做。
係啦，搵表妹，表妹係依家最信得過嘅人，一於搵佢。
於是我就出發去表妹屋企，
其實表妹只係住喺我隔離邨，行過去都係二十分鐘左右。
至於我表妹呢，佢叫做伍家蔚細我一年，今年十六歲。
其實我地細細個已經一齊玩，可以話叫做青梅竹馬，
我地一直感情都好好，d舅父成日見親面，都會笑家蔚表妹，細個果陣成日捉實我隻腳，
唔比我走，見一次就講一次，都唔知係咪真架。
行下行下，已經去到表妹屋企門口。
「叮噹......叮噹....」我急不及待已經按緊門鐘。
「~嚓...~。」十秒之後大門就打開左。
「阿姨呀，家蔚喺咪度呀?」我有d焦急咁問。
「喺度，妹妹你係?」阿姨面有疑惑。
係喎，阿姨依家唔認得我架喎。
「....auntie....我係家蔚同學離架，想搵佢拎返d筆記姐....」我口都震埋。
「哦...你入離先啦妹妹。」阿姨笑笑口。
「打搞哂。」我一路講一路行左去梳化度。
「家蔚....你同學離搵你呀。」阿姨邊叫邊行左入廚房。
緊接係表妹嘅房門聲。
～啪....
「你係?」表妹一臉疑惑。
「家....家蔚...我地入去先講啦。」我一路講一路拖住表妹入房，房門一閂我就即刻開口講啦。
「其實...係咁嘅...家蔚，你真係要信我，我其實係你表哥子仁呀。」我睜大雙眼好緊張咁講。
「表哥?你講咩呀，小姐，我都唔識你嘅，你識我表哥架咩?」表妹仲係一臉疑惑。
「我都話我係你表哥，周子仁囉，你要我點講先信呀。」我嬲嬲地咁回應。
「你都識講話係我表哥啦，但係你係女仔離架喎，又點會係我表哥呀。?」表妹理直氣壯咁講。
「我...我唔知點同你解釋，但係我真係你表哥。
你記唔記得，細個我成日去你屋企過夜，
一齊睇龍貓。你今年生日，我送左個手袋比你，
就係你依家身後張電腦檯上面黑色果個。」我指向表妹身後。
「吓...你點知架?你...真係表哥?」表妹個樣變得相當驚訝，直頭o 左嘴。
「係呀，表妹，我今朝一訓醒就變成咁啦...唉...都唔知點算。」
「咁泳琳知唔知呀?」表妹其實係泳琳同班同學，所以佢地本身都幾friend。
「唉...搞成咁，點敢話佢知姐，我都唔知佢接唔接受到，咪暫時呃住佢話返左大陸飲喜酒囉。」
總算講掂左表妹，依家起馬有一個人可以分擔下我嘅迷惘，唉.....又鬆左一口氣啦。