天使原來是男生（舊名：魯莽天使）[小甜][變身][男變女][籃球]: 2
~「係啦，表哥，咁你依家有咩打算呀。?」表妹問我。
「冇打算....見步行步囉。」我越講就越細聲。
「咁你應該要買返啲衣物先喎，表哥。」表妹忽然好似有度靈光打落個頭度咁。
「吓...要架咩。?」我呆左一呆咁。
「緊係要啦。你睇你依家飛哂釘都唔知，仲有著到鬼五馬六咁。難得你變左咁靚女，
都唔打扮吓，點對得住自己呀。」聽到表妹咁講，我下意識即刻雙手抱胸，紅都面埋。
「吖......吖......我.....」都唔知講咩好。
「吖咩呀，就咁話啦。等我一陣表哥，我去廁所換衫先。」表妹講完就好興奮咁入左廁所，而我就坐返出梳化度等佢。
「係呢，妹妹，你叫咩名呀。?未見過你上離嘅。」阿姨突然係廚房走返出離。
「我..叫....子...子欣呀。」口快快差d講左自己叫子仁添，好彩兜得返。
「哦...子欣吖嗎。得閒多d上離坐啦喎。」
「哦..知道auntie。」都要咁答架啦我。
好快表妹已經換好衫，出返離，依家我地一齊行去門口，準備出去。
「走啦，auntie，打搞哂啦。」我禮貌咁講聲。
「客咩氣吖...記住多d上離呀，家蔚你都記住要多d帶子欣上離坐下呀。」阿姨笑住口咁講。
「子欣?哦..好啦，㗑㗑。」表妹高八度咁講。講完就推住我背脊，急急腳咁走。
我比表妹佢捉住行，行到去附近一個大型商場，依度真係大到咩舖頭都有。
「首先呢，就係要買內衣啦。」表妹專家上身咁一路點頭一路講，
又前扣，後扣咁，我都唔知佢講咩。
搵左一陣，終於都搵到間大型內衣專賣店。
表妹推左我入去，我望住衣架，原全唔識反應，點都估唔到自己會有入離賣內衣比自己嘅一日。
喺我企係度唔知點算好嘅時候，說時遲那時快，表妹已經拎左幾個唔同款式嘅胸圍返離。
「小姐，唔該，我朋友想試吓，但係佢唔係好知自己呎吋呀。」表妹單手拎左個籃一邊舉手叫左個女售貨員過離。
「哦...好呀，無問題呀，妹妹跟我入一入離更衣室，我幫你度下。」女售貨員一邊講
一邊拎住籃胸圍行向更衣室，而我就傻間間咁跟住佢尾。
「好啦，妹妹!咁你依家除低件衫先啦。等我幫你度一度個size。」
我猶豫左幾秒.....第一次喺唔識嘅女仔面前除衫，真係好緊張。
「冇事吖嗎?」sales姐姐面帶微笑問。
「呀....冇...冇事。」死就死啦，周子仁!冇野難倒你架嗎?買胸圍姐，又唔係做d唔見得光嘅野。
係依一刻，我塊面已經紅到冇得再紅啦。終於鼓起勇氣，將我件t-shirt除落離......
「咦....妹妹，原來你冇帶bra架?」SALES姐姐好愕然咁講。
....我繼續dup低頭，無言以對。
「唔得架!妹...妹..，你依個年紀一定要帶架，一個好嘅bra，
唔單止比到足夠嘅承托力胸部，減低身體嘅負荷，仲可以保護到你乳頭幼嫩的肌膚。
更何況，妹妹，你個胸都真係唔細喎，就咁睇應該有33c。」sales姐姐一路講就一路另頭。
之後就拎住把軟尺慢慢係我胸部繞左一圈。手法非常之纯熟，一d都冇唔舒服嘅感覺。
sales姐姐好快就度完，垂低雙手，有小小失望咁講。
「噢....差小小添! 原來係32c，不過都算唔錯架啦，哈哈。記住自己個size啦。」SALES姐姐有D失望咁講。
試完之後,我就拎返果籃bra出去比錢，喺排隊途中，我四圍望，咦...表妹呢?走左去邊呀又。
我快手比完錢之後，以9秒9衝返出舖頭出面，對眼好似閉路電視咁尋找表妹嘅蹤影。
咦...「仲搵你唔到!表妹，唔洗理我架啦，自己走左出離睇衫，離哂譜架。」我一臉不爽咁衝向表妹。
「...hehe....sor囉，見到件靚衫一時忘左形姐，冇下次囉。!」表妹伸哂琍,比哂五咁又點嬲得你落姐。
「...伍..家..蔚..！搞緊咩呀。?」一個開朗少女喺我地身後出現，
望落去應該同我地差唔多大，163cm高左右，好瘦皮膚都算幾白，
個樣係行可愛路線，好日系少女FEEL，眼細細比人感覺就係成日笑果種。
「..kimmy..點解成日都撞到你架，都唔知係咪跟蹤我囉。」表妹笑住回覆。
「係呀...係呀..最愛係你啦，唔跟你跟邊個姐。」就係咁佢地你一句我一句咁完全無視我嘅存在，一路講左兩分鐘。
「...咦...你地..一齊架。?..依位係?」kimmy終於留意到我嘅存在啦。
「..佢...佢係我表...姊囉。!」表妹由頭先傾到興高彩烈嘅樣，
變到依家想笑，笑唔出咁回應kimmy。
「..表姊..?冇聽你提過嘅，衰人伍家蔚有個咁靚嘅表姐都唔介紹我識。」kimmy瞇起對眼講。
「hehe...依家咪介紹你識囉，佢係我表姊..子欣。佢係我同學kimmy呀表姐。」
表妹望一望我再望一望kimmy咁為我地介紹對方。
表妹都未講完kimmy已經彈左出表妹前面,好興奮咁嘅樣。
「你好呀，表姊，我叫kimmy呀!係家蔚同班同學，
唔介意我跟家蔚叫你表姊呀呵...hehe....。?」kimmy比我想像中更進取主動。
「唔..唔介意。」唔通我話介意咩....
「唔介意就好啦，hehe....咁我地一齊行啦不如。」我一答完kimmy就即刻走埋離翹住我隻手....一路拉住我行。
我又開始緊張啦，咁耐以離都係得泳琳翹我隻手，
而家竟然比第二個只係識左幾分鐘嘅女仔翹住，真係覺得對唔住泳琳添....
「…睇真D，原來表姐你都幾高架喎，就咁睇應該有170cm」kimmy咁都比你睇到，
你對眼係咩構造架。 「哈…哈….差唔多啦….」
「而且….身材仲咁好添…..好羨慕囉。」kimmy繼續幫我戴高帽。
「…唉……我同家蔚就……。」kimmy瞇起眼望住表妹個胸。「…夠啦…夠啦…倪金兒…唔好拖我落水呀，你介意自己冇身材咋，我唔介意架！」表妹反駁。
「~he~he~有人嬲啦。」kimmy笑住講。
就係咁，佢地兩個你一句，我一句咁，舌戰左好多個回合。
之後我地一齊行左好多間舖，表妹同kimmy係咁推我去試完一件又一件，
仲揀左條短裙叫我著住走，我當然極力反對啦，但係佢地兩個係側邊你一句我一句咁，
就好似九品芝麻官入面同周星馳對鬧果d師奶咁，終於...我輸左，我最尾都係要著住條短裙走。
之後表妹提議去樓上間pizza hut食下午茶，
於是我地三個人就慢慢行上去...途中我feel都周圍d男仔都會有意無意咁望住我對腳，
其中有個阿叔仲要眼都唔眨咁180度..由我未行到佢面前一直望到我離開佢視線範圍。
原來比人色迷迷咁望住，會有種打冷震嘅感覺架，而且真係唔係咁好受。
一轉眼我地已經坐左係pizza hut入面。
「...嘩...香蒜肉絲意粉，海鮮寛麵，雞皇飯呀....全部都好想食呀...點算好呀！」表妹一面無奈表情，手舞足蹈咁。
「叫哂share咪得囉....」我目無表情，發住呆咁答表妹。「係喎....表姊，你好醒呀。好野!!!!可以食哂咁多款野啦。!!!!!」表妹個腦叮左一聲咁。
「係你蠢姐~豬蔚~！」kimmy又搵到位入表妹。
就係咁我地就叫哂表妹想食果堆野share食。唔知係咪因為依家變左做女仔嘅關係呢!我嘅食量比起以前，
相對細左唔小，基本上好快就已經飽，所以最尾我地係食浄好多野嘅。
食完之後再行左一陣我地就各自返屋企。
一返到屋企我成個人灘左係梳化度回想返發生係我身上嘅事....點解?
....夢入面個把男仔聲到底係邊個呢?.....點解叫我子欣?....係咪真係同撞車有關呢.....?