天使原來是男生（舊名：魯莽天使）[小甜][變身][男變女][籃球]: 序章
~序
人生就係矛盾同無奈，每當你自以為生活過得幾美滿，
轉變就會隨即出現，而且轉變之大，並唔係常人可以接受。
大家好！我就係本故事嘅主人翁周子仁，今年十七歲，
喺一個單親家庭長大，媽媽喺我好細個嘅時候已經過左身，爸爸就長期喺鄉下福建工作。作為家中唯一嘅獨生子，我就係爸爸嘅全部。
我要澄清一下，我絕對唔係一個毒撚。
我對動漫、打機、追星依啲野完全冇興趣，
…其實講清楚d，我差唔多對所有活動都冇乜興趣。
一直以離都係由我自己照顧自己嘅起居飲食同屋企嘅大小事務，當然有時都會有人幫下手啦！
哈哈…果個人就係佢張泳琳。無錯佢就係我女朋友，
孔子同耶穌都講過，初戀無限美。而我就覺得初戀係最刻骨銘心。咁你可能會問我，我嘅初戀到底係點架?
哈~好似我啲咁嘅浪子，又點會有初戀呢！(哈哈~講笑講笑)。
講起我嘅初戀就要由兩年前講起啦。
我同詠琳係由中三開始認識嘅，佢就住喺我樓上幾層，
大家都喺公共屋邨度住，雖然我地唔係讀同一間中學，
但係因為兩間學校都喺屋邨入面，所以其實都好近。
記得15歲果年，好多時我都喺同一班小巴上面見到佢，
唔知幾多次之後開始，我發覺我愛上左佢。
我嘗試上佢學校嘅校網，搜尋網入面嘅所有蛛絲馬跡，
終於比我搵到佢讀邊班同叫咩名，講起上離都有小小變態，但係當你愛一個人嘅時候，唔係應該毫無保留咁去想得到佢咩?
不負所望，我終於喺朋友嘅朋友口中拎到佢電話號碼。
喺猶豫左3日之後，我終於WHATAPP左佢。當時我約左佢係我屋企嘅後樓梯度見面。我比約定時間早左10分鐘就去到後樓梯間，正當我仲諗緊佢會唔會出現嘅時候，突然樓上傳離腳步聲，而且聲量慢慢由細到大，
直到見到佢係上面伸個頭出離望下有冇人果陣，我都仲喺驚到完全唔識講野，終於泳琳開聲講。
「原來係你呀?」泳琳表情帶點喜悅，所以我緊張嘅心情都放鬆返唔少。
「係…..係呀！」我口窒窒咁回應。
「咁你係咪想同我做朋友吖？HE…HE！」泳琳笑笑口咁問我。
「係…係呀！ 可以嗎？哈哈…」我繼續口窒窒，但係都面帶笑容。
「HE…HE…見你咁有誠意，就比你做我男….性朋友啦。」泳琳開始有D輕佻，我當時相信泳琳對我都有好感。
自問我本身外表都唔算差，雖然唔算高...得170CM，
中等身形，我聽阿爸講我阿媽嘅婆婆係美國人，所以我都算係8分1個MIX，輪廊比較深，眼大大，鼻高高咁。
而喺果次後樓梯之後我同泳琳好快就成為左情侶，從泳琳口中得知，其實佢都同我一樣一早就對我有意思，
但係作為女仔唔想做主動，所以一直都冇任何行動，
直到係後樓梯見到我果一刻，開心到唔知點去形容。
一齊左之後我地經常都會喺後樓梯相聚片刻，
間中放假又會喺我屋企一齊煮野食同睇電影！
間中佢仲會陪我去練波。練波？
無錯係籃球，唔記得交代返添，我係一個好鍾意打籃球嘅人，目標係可以入到校隊帶領球隊嬴得學界冠軍。
本來我地一直都過得好SWEET，直到2016年8月27日。
…改變我一生嘅日子。今日本來應該係放緊暑假，
由於要參加籃球校隊試訓，所以我返左學校。經過一輪上籃….走8字….3打3對打之後，我終於….都得左啦，成功入到校隊！yeah...雖然只係大後備，但係我會努力架！
就喺解散左返緊屋企嘅中途，可能我真係太興奮啦，
係馬路度玩手機，準備同泳琳分享我入到校隊嘅喜悅果陣。
「小琳！我有D野想同你講呀！」喺我SEND左個WHATAPP出去果一剎那！
「嘭…….！」一聲，眼前突然漆黑一片，我諗當時維持左十幾秒左右，到我有返知覺果陣，我已經訓左係部的士前面。
「 喂...喂...後生仔你冇嘢呀嘛?你唔好嚇我呀！」 的士司機嘅語氣，睇離相當驚。
當我回過神後， 我嘗試企返起身， 真係難以置信？
我竟然….咩事都無？ 我回想返頭先 ，明明係俾架的士撞倒，但係我仔細咁檢查， 又真係咩事都冇喎， 連小小擦傷嘅傷痕都搵唔到。
「 我...我好似冇事喎？ 你頭先撞到我？」 我仲係一頭霧水。
「 係呀..係呀..唔好意思呀！！ 因為趕時間 ，一時心急咗睇你唔到 ，真係唔好意思呀！ 洗唔洗送你去醫院呀？」 的士哥哥超唔好意思咁嘅樣。
「 我冇嘢喎 ，真係冇野。」我一路講一路繼續行 ，
冇理到的士司機嘅問候，依家我個腦空白一片 ，
只係得一個感覺 ，好口渴！好想快d返屋企飲水 ，就好似烈火戰車入面嘅錢家樂咁。
我返到屋企就即刻入廚房倒左一大杯水飲，飲完當然冇好似錢家樂咁吐血身亡啦，但係就真係覺得好攰，好眼訓，可能今日一早起身落街練波嘅關係，飲完杯水就即刻撻左落床，好似昏迷左咁。
我….我發左個夢，周圍漆黑一片，四周圍好嘈，聽到好多人聲同一啲警號聲，之後有把好雄量嘅聲音係我耳邊出現。
「子欣…..子欣呀。嗚….嗚…！」子欣?佢叫邊個呀?我叫子仁喎！
之後就突然靜哂..咩野聲都冇再聽到…好寜靜….好安詳….好平和嘅感覺。到我訓醒嘅時候，已經係朝早八點鐘。因為好急，所以就起身行左去廁所，喺行去廁所途中都冇咩特別感覺，只係覺得個人腳步浮浮，好似企唔穩咁。
都唔理啦，我只係知好急，所以繼續行去廁所，
終於去到廁所，因為平時朝早起身都習慣左坐係度去，
一來可以方便繼續訓多陣二來就可以順便開大。就喺我拎起枝牙刷刷緊牙嘅時候，我終於留意到自己個胸。
「嘩...琴日撞車真係撞得咁應咩?心口腫哂嘅!」我有d驚訝...之後開始意識到唔係好對路喎，腫成咁冇理由一d都唔痛架?於是我嘗試用手掂落去自己個胸度。
吓...點解咁柔軟而唔係硬架?腫左應該係硬，
而且掂吓都會痛到想死先係架?依家掂落去唔止唔痛，
仲有d好麻痺嘅感覺。我下意識即刻拉起件衫，
出現嘅景象我真係唔敢相信，係一對女姓嘅乳房，
雖然唔係真的好大，但係都真係唔細囉，目測起馬有31以上，而且…而且仲係粉紅色。
「嘩....」我自然反應叫左出離。
「點....點會咁架?我...我把聲變左嘅?」我仲係接受唔到咁自言自語，之後就彈左起身褲到冇著返就行左過去鏡前面。
跟住落離嘅景象，我一生難忘…
「邊....邊....個離架個女仔?咁…咁靚女嘅，仲有一把長直髮，發...發緊夢咋嘛？幻...幻覺離架姐，嚇我唔到嘅。」講完一堆廢話之後，我再望望下面，點解會冇左架？點解我會變左做女仔架？