天使原來是男生（舊名：魯莽天使）[小甜][變身][男變女][籃球]: 91伍家蔚內心世界
~伍家蔚內心世界
各位好，我係伍家蔚本來只係一個平凡嘅中學生，每日過住重覆嘅生活，
直到有一日，我記得果個朝早，我未訓醒嘅時候，阿媽無啦啦喺廳度大叫，
話有同學離搵我喎。
當時我心入面第一個諗到嘅係倪金兒個八婆，之後又諗吓會唔會係泳琳呢，
但係當我行到出廳嘅時候，竟然係一個唔識嘅女仔喎。當時我覺得依個女仔好靚...好高，
而且望落去有一種莫名其妙嘅親切感...但係衣著就奇奇怪怪咁囉...個頭亂到大風咁，
著住件風褸t恤短褲，仲要著住對人字拖咁...，而且我仲裝到佢冇帶bra架...
兩粒釘飛哂出離咁...到底依個咩人離架。
個女仔好似同我好熟咁，一見到我就叫我個名，仲捉左我入房添呀。
入到房佢竟然話佢係我表哥喎，大佬我當時諗今日係愚人節咩...，
定係保藥黨想呃錢呢?...我開頭緊係唔信佢啦，成件事都唔合邏輯嘅...，
但係聽佢講吓講吓，我開始動搖啦，因為佢對我真係相當了解，
而且連表哥今年生日送過咩比我都知得一清二楚，騙徒根本就冇可能會知道。
因為咁我相信左佢，之後表哥將成件事講左比我知，雖然成件事好荒誕好詭異，
但係表哥講嘅我一定會信，而且表哥根本就無需要呃我，亦都冇可能呃得到。
我安慰完表哥之後，就帶左表哥去裝身，教表哥學做女人，嘻嘻...表哥開頭好抗拒架...，
但係慢慢就開始適應左咁，之後表哥仲入埋離我間學校同我一齊讀書囉...
衰人又唔早啲話我知喎，搞到倪金兒個八婆問到我口啞啞咁。
日子一日一日咁過，我開始覺得表哥佢越離越似女人，所以我已經轉左口叫佢做表姐而唔叫表哥，
而且我仲覺得佢對軍哥係有意思架，只係唔敢承認同唔知點去面對泳琳咋嘛。
之後果次...我年少無知，洗吓洗吓唔覺意洗大左，仲走去學人借錢添。
我知衰架啦，但係表姐知道件事之後，唔單子冇鬧我，仲諗都唔諗就應承同我一齊去開工還債，
但係估唔到...原來份工係要做...咸濕野架囉...，我當時好驚呀...驚到成個人震哂，好彩表姐攬住我保護我，
最後仲為左我...做左啲...唔見得光嘅野。
表姐真係為我犧牲左好多呀，所以之後我就發誓...我同表姐有今生冇來世，
我今生今世都要對佢好好...。果次之後我冇再亂洗錢啦，開始學識點樣理財，
而且上數學堂果陣我都會比心機聽書。
之後台灣之旅，表姐終於都肯放開一切去接受軍哥，我依個做表妹嘅都鄧佢開心呀，
見到表姐一日開心過一日，軍哥又對佢好好，我地一齊去經歷好多唔同嘅事，
宿營...台灣之旅...籃球比賽...澳門之旅到中學畢業。
雖然我dse分數麻麻，但係都掹車邊可以入到公開大學，嘻嘻...都算係咁啦，
我繼續努力讀書...不斷進修...到今日，雖然我依然係單身貴族，但係我終於都有出頭天啦。
~…咯咯...。~門口傳離敲門聲。
「…入離吖。」我大叫回應。
「...伍小姐牙，依度有幾份貸款文件要你簽一簽名呀。」女職員拎住幾份文件行入離我間房講。
「...哦...放低得架啦，我轉頭會睇。」我答。
「…咁我出返去先啦伍小姐。」女職員微笑住咁走。
嘻嘻...大家冇估錯呀，我真係出左人頭地呀，雖然唔係啲咩大人物，
又冇阿成咁有錢，但係憑住自己嘅努力到今時今日我已經係渣打銀行中環總行嘅十五級經理啦，
而家個個都叫我做十五姐...伍小姐或者...helen ng，當日應承表姐要做銀行借返錢比人，
估唔到今日我真係做得到喎，我諗依啲真係天意。
~Let it go! Let it go!
Can't hold it back anymore
Let it go! Let it go!
Turn away and slam the door~
電話鈴聲忽然響起。
「...helen ng speaking 。」我一邊睇文件一邊聽電話。
「...喂...豬蔚...搞緊咩呀?」原來係倪金兒條八婆...頂佢...仲叫我做豬蔚。
「...頂你...叫返我helen得唔得架!!!」我好惡死嘅語氣講。
「...嘻嘻...唔得喎，打我吖...。」吖...佢個野吖...咁大個人都仲唔化嘅...。
「…點呀...有咩屁放。」我問。
「…一陣記住唔好遲到呀，遲到阿嫂實殺左你囉...呵呵。」
kimmy招招積積咁...聽到佢把聽真係想大巴大巴咁昇佢呀...。
「…得啦...你顧掂你自己先啦，邊個遲都未知呀。」我繼續反擊。
「...呵呵...我有私家車坐，有人冇喎。」死人倪金兒好串呀!!!
「…你...你...等我，年尾我就報考車牌，到時唔洗你車我。」我好無奈咁答。
「…哦...你考到先算啦吓...。」kimmy繼續發功。
「......。」我比佢串到無聲出囉。
「...唔玩啦，點半鐘我同阿成過離中環接你啦，唔好遲到呀!!!」kimmy終於都肯收手啦，
有愛情嘅滋潤真係唔同啲，唔知幾時先到我呢?
~...咯咯...。~收左線之後門口再一次傳離敲門聲。
「...入離吖。」我大叫。
~…嚓...。~有人推門而入。
「…helen牙，有啲基金嘅問題想問吓你意見呀。」原來係基金經理ivan。
「...hi...ivan，但係基金果啲野我唔係好熟喎。」我口窒窒咁答。
「...哦...唔緊要架，我就係想聽吓啲唔熟嘅人嘅意見，唔知你一陣得唔得閒同我出去一邊食lunch一邊傾呢?」
lvan嘅眼神...唔通係對我有意思，lvan其實都算係一個靚仔離嘅...高高地個笑容成個王貽興咁。
「…er...唔好意思呀...，我一陣唔得閒呀。」我好唔好意思咁答。
「...咁牙...唔緊要啦，唔好意思呀阻到你。」ivan好無奈咁講。
「...er...其實我聽日得閒...唔知聽日o唔ok呢?」我繼續答佢。
「…哦...好...好呀，冇問題呀...咁就聽日啦，電話再連絡啦咁。」嘻嘻...ivan好開心呀，
一邊走一邊傻笑...，唔通佢就係我嘅mr.right???
伍家蔚內心世界完。