天使原來是男生（舊名：魯莽天使）[小甜][變身][男變女][籃球]: 92重要日子
~重要日子
hello...大家好呀，終於又到我子欣同大家見面啦。
時間過得好快呀，咁就幾年啦，中學畢業之後，我冇再讀書啦，加入左七喜籃球隊，
打左兩年甲組籃球加兼職籃球教練教吓啲小學生咁。
經過兩年嘅磨練，之後就成為左全職嘅籃球教練啦，而且仲返左母校執教女子隊添，
喺我嘅帶領之下，我地學校已經建立左一個新嘅皇朝。
而卜sir呢...佢退左休啦，聽講去左香港健力士總會度做幹事喎，
得閒冇野做就會喺街場度同啲阿叔一齊打吓波咁，
聽講佢喺街場仲係教練上身咁點到啲阿叔死死吓添呀。
程sir呢...終於都上位做左男子隊主教練，而家係我嘅partner離架啦。
至於肥恆同黑仔呢，兩個中學畢左業之後呢…都冇再讀書，
而且咁啱兩個一齊都搬左入將軍澳住，聽佢地講…話佢地啲屋企人話果度心曠神怡喎，
所以我地都小左好多連絡啦…係啲生日聚會先會約出離食吓飯咁。出離做野之後呢，
佢地亦都小左打波，只係間中會報啲業餘聯賽，即係果啲咩CBL呀…KBL呀果啲呢….玩吓咁。
吖…仲有一樣好重要嘅野唔記得講，佢地兩個都拍緊拖啦…
估唔到肥恆終於都追到女仔…嘻嘻…唔洗再煩我啦，我都鄧佢兩個開心，
亦都好多謝佢地咁多年離都幫我保守住我嘅秘密….兄弟….在心中。
雖然我嘅密秘唔係冇人知，但係其實一直要守住一個秘密唔可以同人講呢...
真係好辛苦架，所以我而家除左係籃球教練之外呢，我仲做埋網絡作家呀。
我將我嘅故事化成文字放左上網，而且仲幫個故事改左個名叫做(魯莽天使)，
估唔到喎...都幾多人睇，而且反應仲唔錯添...真係要多謝咁多位讀者嘅支持呀。
今日對我離講係一個好重要嘅日子，我而家身處喺紅綿道婚姻註冊處，
而家泳琳喺入面慢慢咁行緊出離啦，周圍嘅親戚朋友都報以熱烈嘅掌聲，
泳琳著住婚紗真係好靚，我終於都可以同佢成為一家人啦。
~…啪...啪...wu...。~
「…恭喜哂。」
「恭喜哂呀...周太。」大家都不斷叫泳琳做周太，連表妹同kimmy佢地都喺度不斷拍手...，
而我呢...直頭感動到喊左出離咁濟呀，之後泳琳行左埋我地度。
「...泳琳...你今日好靚呀。」kimmy講。
「...嘻嘻....多謝。」泳琳笑得好開心呀!!!
「...嘻嘻...終於都輪到你啦，唔知幾時到表姐呢?」表妹望一望我講。
「...喂呀...做咩無啦啦又燒埋我果叠喎。」我口窒窒咁答，係呀...新郎哥緊係唔係我啦...你地諗多左啦。
「...快啲叫埋你老公過離影相啦...泳琳，吖...唔係...應該改口叫你做阿嫂先啱。」我好開心咁對住泳琳講。
無錯啦...泳琳嘅老公就係我堂哥周文聰啦，
所以而家泳琳就成為左我阿嫂，
我地真真正正成為左一家人啦。
其實泳琳已經同堂哥行左幾年架啦，當日食團年飯果陣呢...
堂哥咪掛住玩whatapp嘅，原來果陣就係追緊泳琳。
其實佢地都幾登對嘅...大家都鍾意玩結他，而且堂哥咁聰明一定明白泳琳個心諗咩，
唔洗好似我咁成日估估吓，老土啲講句，希望佢地可以白頭到老...永結同心啦...。
「...子欣...，你男友仲未到嘅?」係堂姐問我呀。
「…er...應該就到架啦。」我好尷尬咁答。
差啲唔記得講吓堂姐同堂姐夫添，佢地緊係繼續咁恩愛啦，
而且三年前仲生左個好可愛嘅姨生女 堯堯bb比我依個姨姨玩添。
「…姨姨...你條裙好靚喎。」話口未完堯堯bb就搵我啦。
「...係咩...堯必豬，你條裙都好靚靚呀，成個elsa咁喎。」
我雙手抱起左細細粒嘅堯堯講。
「…點解...唔見大舊衰哥哥嘅?」天真嘅堯堯用可愛嘅聲線問我。
「...大舊衰哥哥呢，去左拯救世界囉，就返離架啦。」我答堯堯...
er...其實嚴格離講我都唔算講大話嘅...，至於點解呢...一陣你地就知架啦。
「...唔好意思呀...遲左小小。」一軍終於都趕到啦，而家一身西裝look咁行緊埋離我地度。
「...阿哥...你好靚仔呀。」kimmy講。
「...對唔住呀...小欣，因為畢業禮遲左小小完結，所以遲左。」一軍拖住我隻手講。
「...唔緊要啦...唔係遲好多姐。」我答。
「...大舊衰哥哥拯救完世界返離拿?」嘻嘻...堯堯又走左埋離我同一軍身邊啦。
「…堯堯...大舊衰哥哥係準備去拯救世界，不過而家呢...就做住怪獸先...嘩...嘩...。」
一軍雙手抱起堯堯，之後仲扮怪獸喺度同堯堯玩添，氹到堯堯鬼死咁開心。
「…堯堯...過離影相先。」堂姐叫走左堯堯，終於都可以同一軍傾吓計啦。
「…一軍...咁耐冇見你好掛住你呀!!!」我即刻攬住一軍講。
「...星期六咪見完囉。」一軍摸一摸我個頭講。
「...見得一日咁小。」我嬲嬲地咁講。
「...以後都唔會架啦，拿...小欣送比你吖。」一軍喺個背囊度拎左啲野出離比我。
「…金...金斧頭?」我口窒窒咁問。
「…係呀...咁都比我攞到喎。」一軍竟然攞到金斧頭喎，聽講成績最好嘅學員先攞到架咋。
講到依度我諗都呼之欲出啦，其實一軍喺香港大學畢左業之後呢，
就即刻去左投考消防隊長，體能唔洗講啦，而且仲係港大畢業生喎，
所以好順利咁穫得取錄。
就係咁...一軍就離開左我廿六個星期啦，而今日呢...
就係一軍畢業嘅大日子，不過可惜我去唔到睇佢嘅畢業典禮吖...。
「…對唔住呀...一軍...，離唔到睇你。」我雙手拖住一軍講。
「…咁今日係堂哥同泳琳結婚嘅大日子喎，離唔到都好正常姐，
明架啦...小欣我冇野喎。」一軍微笑住講。
「...喂...阿哥阿嫂，快啲過離影相啦。」kimmy大叫，之後我同一軍就行左埋去啦。
今日一軍著住套西裝真係我鬼死型仔呀，我翹住佢影左好多相，到影到咁上吓果陣...。
「...小欣牙...。」一軍突然好認真咁叫我。
「...做咩呀?」我好疑惑咁問佢。
一軍單腳跪左喺度，然後喺褲袋拎左個盒仔出離，吓...一軍...唔通....。
「.. 記唔記得我喺台灣講過啲咩呀，我話第時一出糧就買隻真嘅戒子送比你呢。」
一軍講完之後就打開左個盒啦，...裡面係一隻鑽石戒子離架...好靚呀。
「…wu...阿哥求婚呀!!!」kimmy大叫。
「 ...表姐嫁比佢啦。」表妹和應。
「...啪...啪...嫁比佢...嫁比佢。」之後全部人就開始起鬨啦，不停拍手同大叫。
「…小欣...可唔可以...嫁比我做我老婆呀，我會照顧你...一生一世。」一軍終於都講出口啦...，
雖然以前都有幻想過一軍同我講嘅情況，但係原來到真係聽到果剎那...會係咁奇妙同感動架。
我塊面已經紅哂，而且雙眼通紅...唳水不由自主咁慢慢流出，係...係感動嘅眼淚呀。
「...嗯....。」終於我都點頭應承左啦，而家喊到成面都係唳水咁，好彩個妝係防水架姐。
~...啪啪....啪啪...。~全場嘅人繼續歡呼拍手，搞到我地好似主角咁，
唔好意思呀...聰哥...泳琳，搶左你地風頭添。
「…咀佢…咀佢。」唔知邊個帶頭開始喺度叫咀佢...依家其他人開始跟隨緊。
「…小欣...。」一軍攬住左我望一望，示意叫我詢眾要求咁。
「......。」
於是...一軍就慢慢錫左埋離，而我亦無出聲，
好配合咁慢慢將個頭挨向一軍...，就係咁...我地第一次喺咁多人面前kiss，
而依個kiss亦都喺所有親戚朋友嘅見證底下結束，我同一軍嘅愛情長跑終於都完成啦...
下次見到我果陣，唔該大家叫我做倪太啦。