天使原來是男生（舊名：魯莽天使）[小甜][變身][男變女][籃球]: 86
~食完之後...時間差唔多啦，我地散住步咁慢慢行過去修頓，
其實只係一條街之隔，所以我地點慢慢行，
最後都係用左五分鐘左右就行到修頓場館啦。
一入門口已經有好多學生同年青人喺度聚集啦，
熱鬧程度比起上次女子組決賽有過之而無不及。
今次到我同kimmy帶住阿成穿過人群行到入場館裡面，嘩....痴線架...人山人海咁囉，
乜依家香港人咁鍾意睇籃球架咩???而家依度咩人都有囉...
我見到有幾個好似甲一嘅球員都離左睇波...，仲有啲明星好似周柏豪都離左，
而家喺場側邊同啲妹妹仔喺度影緊相。
唔理咁多啦...我地落左場下面之後就直行去球員席度。
「…阿嫂...細妹...。」係世邦...喺度一邊拉筋一邊同我地打招呼。
「…世邦牙...一軍呢?」我問。
「...仲喺更衣室，應該就出離架啦。」世邦指一指更衣室方向講。
之後我就同kimmy佢地坐埋一邊啦。
咦...舊校果邊啲人已經到左啦喎，睇吓先...咦...肥恆同黑仔，
仲有幾個唔係太熟嘅師兄而家都企左喺度拉緊筋，過唔過去好呢....。
最後我都係行左埋去，此終都係朋友一場...無理由扮唔識嘅係咪先...。
「……。」差唔多行到埋去果陣，有幾個師兄眼定定咁望住左我...面都紅哂咁...唔出聲。
「...喂...條女咁索嘅...你條女離架?」舊師兄a問舊師兄b。
「…仲洗講嘅...緊係啦。」舊師兄b好有型咁答...。
「…hi...靚女，係咪想同我做朋友呢?」舊師兄b行左埋離...chok哂樣咁問我，
雖然依個師兄以前喺舊校係出名靚仔溝死女姐...但係都唔係諗住個個都迷戀佢架嘛。
「…er...唔好意思。」我冇理佢就繼續行左埋肥恆度啦。
「...小欣...你離睇我牙?」肥恆一見到我就勁興奮咁講。
「…er...你知我睇我男朋友架，不過都會支持你希望你打好啲嘅...。」我窒一窒之後答。
「…嘻嘻...唔知贏左嘅話...有冇獎勵呢?」吖...肥恆個死仔又喺度諗啲咩衰野呀。
「.....死仔...。」我瞇起對眼講。
「...喂...傾緊咩呀?」咦...黑仔行左埋離喎。
「…冇咩吖...點呀...黑仔最近咩景況呀?」我講。
「...邊有你咁好景吖...仁哥，聽講你攞左女子組mvp喎。」黑仔擰哂頭咁講。
「...吓...咁快收到風，er...唔好講我住啦，你地依排點呀?」我反問。
「依家個教練好嚴架，我地以前玩果啲(腦輕鬆猜板)比佢一眼就睇穿左啦，
之後仲罰我加操添呀...，今時今日我地唔同哂架啦，今日一定要贏。」
唔知點解聽到黑仔叫我仁哥有種好怪嘅感覺添...。
等我解釋吓先，黑仔所講嘅(腦輕鬆猜板)呢，係當年我同佢一齊諗出離嘅偷懶方法，
當所有人都排住隊出盡奶力雙腳跳起空中接波再猜落塊籃板度嘅時候，
我地就會單腳用離地唔夠1cm嘅力hea住咁跳，
嘻嘻...咁跳真係同你猜足一個鐘都未驚過囉，
唉...依家黑仔講返真係有啲懷念添。
「...全部人埋離!!!」咦...舊校教練叫埋去啦喎。
「…你地教練叫你啦，返過去啦。」我講。
「…嘻嘻...小欣牙，你都未答我。」肥恆仲係依依不捨咁。
「…er...最多同你去食飯啦。」我好勉強咁講。
「…好野!!!拿...一言為定架啦。」肥恆好興奮咁一邊講一邊行返埋教練度，唉...仲係成個細路仔咁。
之後我就行返埋kimmy佢地果邊啦。
「...阿嫂...乜你識對面隊啲人架咩，?」一返到埋去...kimmy就問我。
「...er...哈哈...之前喺屋企樓下籃球場打波識嘅。」我笑得好尷尬咁答。
「…哦...唔怪得好似熟口熟面咁啦。阿哥頭先搵你呀，你又行左過去，
你知啦...女友去左敵軍陣形喎，我唔知阿哥會點諗啦。」kimmy真係用心良苦啦，
難怪嘅...佢根本就唔知個真相...嘻嘻...好彩佢同阿成都唔認得肥恆同黑仔姐。
「…小欣...。」話口未完一軍已經喺後面叫住我啦。
「…嘻嘻...。」我笑住咁行左埋去。
「…頭先去左同你啲朋友打招呼牙?」一軍微笑住講。
「...嘻嘻...係呀，此終都係朋友冇理由扮唔識架嘛...，
一軍你...唔會介意架呵?」我問到成隻鹌鹑咁。
「…傻啦...依啲係小欣你嘅自由離架嘛，咁你地以前係好朋友...傾幾句都好應該吖...。」
嘻嘻...都話一軍唔會介意架啦，但係有時又會覺得佢好似鬆得濟咁...
好似唔夠緊張我...唉...女人真係麻煩。
~…咇....。~
球証雞聲響起啦，比賽即將開始。
而家卜sir叫哂佢地埋去，又好似緊張大師上身咁，
揸住塊戰術板喺度舞離舞去囉。
全部人都好留心咁聽緊，氣氛又開始緊張啦。
~…咇...。~
一分鐘之後，球証嘅雞聲再一次響起，而家卜sir作最後嘅訓示，
之後五個正選就行左出場啦，而對方五個正選都行緊出離，
吓...乜原來肥恆係正選離架???估唔到喎。
依家所有人都各就各位啦，球証亦都企左喺場中間手持籃球，似乎就快開波啦。
而家亮哥同肥恆都企左喺中圈入面，
大家都紮起個馬準備跳波啦...。
~...啪...。~
一開波亮哥成功跳赢，此終肥恆都太肥啦，所以跳唔起，個波拍到落控衛世邦手上，
世邦帶波推進到三分線位置，嚫對方未準備好就cp3上身咁，
一個inside out假動作fake過對方後衛產入籃底上籃成功突襲攞兩分先拔頭籌。
舊校開波，控衛文傑帶住個波過到半場之後就將個波交落去比已經咩住位嘅肥恆，
肥恆一接波就利用佢最強身形背打亮哥啦，亮哥雖然高，但係肥恆都唔矮架嘛，
亮哥完全頂唔住肥恆，肥恆頂下頂下咁就落到去心臟地帶再轉身射波成功攞兩分追平。
進攻又落喺我地度啦，今次世邦帶波過半場之後就將個波交左比企喺三分線附近嘅一軍，
一接波...亮哥就即刻喺籃底升出離幫一軍做左個pick啦。
一軍即刻放波一下插花，對方大前鋒阿盤成個比亮哥pick開左，而家肥恆即刻上前補位，
一軍見到肥恆即刻拉返後，加幾吓後插花咁向後拉出三分線，而肥恆就好尷尬咁跟左出去，
而家係佢兩個人嘅真正對決啦...到底...一軍會點處理呢?
而家喺場邊睇緊嘅我都真係相當緊張，一方面又好想一軍贏，
但係...肥恆輸左又好似好慘咁喎，唉...我都唔知啦。
講返場波先，一軍似乎係故意拉身形龐大嘅肥恆出離嘅，而家肥恆進退兩難咁...，
咁肥嘅肥恆又點會mark到咁靈活嘅一軍吖，喺三分線...
一軍一下stepback彈後再加一個跳射肥恆完全跟唔到...。
~...插....。~個波應聲入籃，係一個完美嘅三分波呀!!!
好野呀...一軍好波呀，er...肥恆你都加油啦...嘻嘻...。
比賽繼續對方開波，控衛文傑再一次將個波交落去比肥恆，今次肥恆一接波，
一軍即刻走埋去幫手包夾，肥恆見勢息唔對即刻攬實個波左fing右fing咁。
~...嘭....。~肥恆唔知有意定無意咁一肘打左落一軍塊面度。
~...咇....。~球証即刻吹停。
「...喂...打波定打人呀???」控衛世邦即刻衝左埋肥恆度裝腔作勢咁，
你知啦...通常最細粒果啲控衛都係最嘈得架嘛，但係肥恆只係好無奈咁冇理到佢。
「…邦...唔好同佢嘈，為左小欣就算你用啲咩那渣招我都一定會贏你。」
一軍捉開左世邦，之後再面對面咁望住肥恆好似宣戰咁講。
而家世邦同亮哥都唔出聲你眼望我眼咁，似乎知道左佢兩個係情敵咁。
球証好快就吹罰左肥恆，之後進攻權又落返喺我地手上啦。
今次世邦帶波過到半場之後再一次將波交比一軍，亮哥照板煮碗咁再一次上前幫一軍做pick，
今次一軍一野過左之後直產入籃底，似乎想挑戰肥恆咁喎。